بمناسبة وصول مشاركاتي 10000 مشاركة إليكم هذه القصة الحقيقية || كاملة ||

[دمع المطر]

نحنا بالانتظار . بس ممكن اسال كيف ممكن اضيف موضوع جديد

[PaLeSt!Ne SouL]

بسم الله الرحمن الرحيم

السلام عليكم ^^

يعطيك العافية عمو أبو محمد ع القصة

و مبارك عليك المشاركات


الإبن
هو غلط أكيد

وهل الدنيا هكذا لا تُعطي فرصة أخري فأنت أيها القاضي لم تنظر لنفسك ولو للحظة لعلك أنت المخطئ بحقي منذ البداية ولعلك أنت من أوصلتني لما أنا فيه هذه الأيام

مو كل واحد ابوه بحب اخوه أكتر منه

او ما بلبيله طلباته من فلوس و ملابس

بيسرق !!

ما في مبرر للي عمله لكن

الأب
زودها و ما حل المشكلة مع ابنه

حتى انه ما سأله بس ليش هيك عملت !!

اللي قاهرني من جهة الاب إنو مشوه صورة الدين

لما الناس يشوفوا هيك الحامل ماجستير الشريعة بيعمل
مع ابنه
بعض الناس بيصيروا يقولوا إذا هو عمل هيك ما حد يلوم علينا !!

هاد خسارة يحمل هالشهادة و خسارة يكون اب أو حتى زوج

لما يحرم الأم من ابنها و يحرم الإخوة من اخوهم الكبير اللي بكون زي الأب و احن منه !!

هاد ما دمر حياة الشب هاد بس هاد دمر حياة الأسرة بكاملها


...

[أم الوليد]

شوهااااااااااااااااااااااااااد!!

عايشين باي زمن !!

عنجد الله يعينو هالشب!!

يعني الحمدلله انو تربيتو كويسة بالاصل...ولاكان انحرف هلا تاني!!

الواحد بس يغلط بحتاج حد يحتضنو..ويفهمو الصح..ويضل جنبو..حتى يستعيد ثقتو بحالو..ويواجه الدنيا من جديد..

الله يصبر البو..ويثبتو..ويهدي ابوه..ويحنن البو عليه..

والف مبارك مشاركتك..بس انحرء البي عالشب..مش حلو الظلم ابدا..وهاد ظلم..انو ماياخد فرصة تانية..مو هيك التربية والعقاب!!

[أم ريان]

مشكلتي عصبيه وبتأثر باي كلمه بحكيها او بسمعها
مالنا غير نحكي حسبي الله ونعم الوكيل في هيك اب
سلبي سلبي جدااااااااااااااااااااااااااااااااا ااااا هاد رائيي في الاب
الابن ما علليه لوووووووووووم باي شي هوه حاول يكون مع اهلو او مع والدووووو بكل الطرق لكن الرفض اجا من الوالد
يعني من الاخر كل الي عملو الابن صح ما في شي غلط وربنا يصلح حالنا جميعا وحال هالاب
ومرة تانيه مشكور خيوووو قسمسم ومبارك تاني مره برضو ع المشاركات ال10000
عقبال ما يكون عندك 10000 ابن انت اتكون الاب المثالي لهم
تقبل مروري
الصحفيه الزغنونه
روان

[فراشة]

مسا الخير اخي قسامي ...

قصتك لفتت انتباهي بشكل مو طبيعي وعندي تعليق كبير كتير

لأنو مرت قصة على احدى صديقاتي بنفس الشكل تقريبا ..

من وجهة نظري والأكيده منها أنو الأب غلطان غلط كبير بتربيته وبمعاملته لأبنه لأنو بهيك بيضيع ابنو بأيدو من البداية

الأب أساس المشكلة من البداية بسببو ما كان الابن طلع من طوعه ولا اشتغل اي شغلة مضرة ولا حتى لو كان سرق كلو الأب سبب فيه

وأنا بأيد الشاب بكل شي ساواه

هوة ما اغضب ربو ولا عق والداه بالعكس لما يخطب يعني بدو يلتزم ويستقر بحياته بكفيه معاناه بكفيه تشرد من مكان لمكان ..

الله يكمله عخير في حياته الجديدة

وخليه ما يتخلى عن خطيبته لو شو ماصار لأنها كمان ضحت لما عرفت ظروفه وظروف أهلو وأكيد كانت تعرف بقصته ومع ذلك وافقت

شكرا الك قسامي عالطرح المميز

ودير بالك عالببو الجديد ماشاء الله بيخزي العين طالع ^^

[§عاشقة غزة§]

وللأسف لقد كنت موجودا وياليتني لم أكن موجوداً في هذا اللقاء فما إن رأي هذا الشاب أمه حتى فاضت فيضانات الدموع ثانية وقد رأيت هذا الموقف بعيني فالأم كانت تبكي بكاء مرير وابنها يرد عليها بدموع تنهمر مثل المطر وأنا بصراحة لم أتمالك نفسي من البكاء فأصبحت أبكي مثلهم وكان كل من في الغرفة يبكي مثلهم بالفعل لم يستحمل أحد هذا الموقف فلا أحد يعلم هل هي دموع الفرحة أم دموع الحزن أم دموع الإشتياق

كيف لا اخ قسامي
وانا مجرد بقرأ الموضوع لم اتماسك نفسي
عشته مع قصتك لحضة لحضة
الله يهدي الوالد شو هاد..
مكن الواحد يخطر بباله انه مو والده الحقيقي
لشو ها القسوة كلها ..
الله بيغفر الزلات يعني الاب مو قادر يصفح
بالعكس كان احتواه ومد اله يد المساعدة
بدل كل ها التنكر ...
ان شاء الله ربنا يعوض ها الولد خير في زوجته واولاده
مشكور اخي قسامي ع القصة المحزة بجد اثرت فيني
وكمان مرة مبروكين عليك ال 10000 مشاركة

[لوليتا*]

نابلسيه القصه باقيتها بالصفحه التالته :),,,,,,

,

اخى قساامى انا مابدى احكى كتيير كلام ع الوالد او ع الابن لانو الصح باين من القصه

ماراح احكى عن الوالد لانو قصر بابنو ولا راح ادافع عن الابن لانو الابن كمااان ماعرف يميز بين الصح والخطأ يعنى الى عملو من البدايه حتى لو انو بعيد عن ابوه .ماراح يبرر هالشى السلوك الى عملو (السرقه)

يعنى الجهتين وقع منهم الخطا من الاب لانو مااعطى ابنو الرعايه الكامله بمرحله الشباب ولا اهتم فيه

ومن الابن لانو السلوك الى عملو مع صاحبو معروف للكل للصغير وللكبير انو حررااام حتى لو هوا محتااج مثلا للمصارى فيه مليون وسيله يلجأ لالها ليلبى احتياجاته فيه يروح عند خالو عند عموو عند سيدو وانا متااكده انهم ماراح يرفضولو طلب

بس هوا قرر هادى الوسيله

الخطا من الطرفين
بس ممكن اساعدك بحلول جديه

فيه رابطه علماء فلسطين والله لجنه مرتبه وبتحل كتير مشاكل من هالنوع هادا خصوصا المشاكل العائليه

وانا متااكده لو اتصلتو على رابطه علماء فلسطين ونسقتو معهم وحددولكم يوم لحل مشكلتكم وبلغتو الوالد وابنه راح يحضرو

وخصوصا انو فيه وجاهه من المشايخ يعنى مافيه رفض للحضور من قبل الطرفين

وان شاء الله بتنحل باقرب فرصه ممكنه

وهى العنوان غزة - النصر - شارع عبد القادر الحسيني

تليفاكس: 2886210 بريد الكتروني: info@rapeta.org

تحيتى لالك
وان شاء الله يكون هادا الحل المناسب

لوليتـا*

[مآهينآز]

السلام عليكم ،

أولآ ألف مبروك يا قسامي علي ال 10000 الاف مشاركة

الله يزيد ويبارك ويجعلهم حجة ليك لا عليك ..

قرأت الحكاية علي عجل ، في أكتر من جزئية أستوقفتني ، !

وبعتقدي والله أعلم ، إنها مشكلة موجودة في كل المجتمعات بصفة عامة، حتي لو أختلفت بعض الجزئيات

لكنها بتتكرر كتير رغم مرارتها ، فكرة سوء اسس التربية ، وإنعدام التواصل بين الأب وأبنائه

موجود ومشاكله وتوابعه كتير ..!

بالنسبة للأب .. بالتأكيد مخطئ ، لكن لا ينفى خطئ الإبن ، والأم ، والأهل بصفة عامة ..

برأيي الشخصي أنو الموضوع متشعب كتير ، ولي عودة إن شاء الله ..

الله يبارك فيك يا أبو محمد ، ويجعل محمد قرة عين ليك ولرسول الله صلي الله عليه وسلم :)

[بنت فلسطين المجروحة]

طيب الاب العناد اعمى بصيرته

والابن مغلوب عامره


عفوا وين اهله ؟!

اعمامه وهدول

ليش مستسلمين اله

ليش ماوقفوا بوجهوا !


هالقصة صارت مع وحدة بعرفها وامها

بس الماساة انو البنت حتى ما عملت جريمة ولا غلطت

والماساة انو اهل البنت وقفوا مع الام مع انو الغلط راكبها من ساسها لراسها


ليش عملوا هيك مابعرف!

بس انا اكره ماعلي اشوف ناس بتتخاذل بهالطريقة

يمكن بفكروا انو هيك ببعدوا عن المشاكل

مع انهم بهيك بكونوا ناسيين انو ربنا راح يحاسبهم عتخاذلهم


مشكور قسامي

الله يصلح الحال !

[PaLeSt!Ne SouL]

..

هلأا الكل بقول إمه مسكينة

هي مغلوب على أمرها صح بس اكيد لو كانت مهتمة بابنها أكتر

مثلا ابوه ما بهتم هي تعوض هالشي كان يمكن ما لقى فرصة إنو يسرق

و ربما كان في تغيرات بتصرفاته بس ما اهتموا بهالشي !!

يالــله متحيرة احط الحق على مين

الكل بهالقصة غلطان!

...

طبعا بيحق للشب يخطب و الأب بيكون ظالم لو بدو اياه يفسخ الخطوبة

قد ما يكون في خلاف و زعل بينهم كل شي بيتصلح مع الزمن

كلمة من هان و كلمة من هان و بترجع المية لمجاريها

رغم قسوته للاب إلا إنه بيضل اب


الله يهديه و يهدي كل الأبناء يا رب

^^