|[ بـُقـعِـةْ ضُـــوْء علي// بنت فلسطين المجروحة -»||

[بنت فلسطين المجروحة]

المشاركة الأصلية كتبت بواسطة شهيد غزة عدنآ :

أهلا وسهلا

- بداية .. رأيك في المنتدى الفكري لأعضاء المنتدى ؟

ممم بظن قصدك المستوى الفكري ..

المنتدى بمثل المجتمع ..

فيه من كل المستويات ،، بس بظن فيه نسبة عالية تفكيرها واعي ..

وعم تحرص عالثقافة وتوسيع نظاقها الفكري ..

- نظرة لإنتاجية اعضاء المنتدى ؟

مؤسفة .. زمان كان الإنتاج اكتر وبظن اللي مقلل الانتاجية هوي انشغالنا بامور تانية والكسل كمان وتقصير الادارة

- نظرتكـ للمواضيع المنقولة والمكررة ؟

انا مش ضد المنقول ،، طالما عم بحط موضوع فكرته وهدفه قيم !

لكن ضد نقل المواضيع اللي مالها معنى ،، وضد اعتماد النقل كوسيلة لاني احط مواضيع

يعني لازم كل عضو يحاول يحط موضوع من بنات افكاره ،، وماحد يقول مابقدر كلنا عنا عقول وكل عقل يحتوي الكثير الكثير من الطاقة ،، بس بدها نية ومحاولة و بنشوف النتاج الطيب..

- انتقدِ :
محمود ، دموع الرحيل ، ألحان الحرية ، اسامة ، ودمعة اسى ، وشهيد ..

ياعيني هالسؤال جاي عمزاجي خصوصا اول اسم

محمود :

عنيد ،، واحيانا عزة نفسه بتقلب غرور ،، و اكبر انتقاد انه مش حاطط المنتدى فاولولياته بالمرة ومقصر

ومش مسامحينك يامحمود <<قلبي أسود

دموع الرحيل :

بتتحكم مشاعرها احيانا في قراراتها الادارية

يعني لو عضو بتعزه ممكن تعطيه عقوبة اقل من مما يستحق !

لكن لو غير هيك بتعطيه عراسه

شكلي انا هاكل عراسي بعد هالموضوع

الحان الحرية :

انتقادي الها انها ماعادت تتفاعل مع المنتدى زي زمان

يعني مين من لاعضاء بعرف ضحكتك الشهيرة يا توتي

غير مسابقاتك اللي بجد اشتقنالها

ليش هيك ولي

اسامة

هاالشب ما شاء الله عليه

ماشفت منه الا كل خير ومابقدر الا اعطيك اجابيات عليه

يالعكس على الرغم من انه عصبي

بتلاقيه وقت المشاكل بكتم غضبه وبطلب من الإدارة تتصرف

و شهم ما بنسى اله وقفته مرة في مشكلة صارت زمان

الله يسعدك ياأسامة وبجد بدعيلك تجيب أعلى العلامات و ترفع راسنا هالسنة يارب ،، اللهم آمين

قلبتها مدح بدل النقد

هو صحيح مافي انسان كامل بس بجد اسامة لسة ماشفت منه اشي ،، الله يكمله برضاه

ودمعة اسى

كمان ما شفت منها اشي

بس بحسها كتومة كتير

وكمان بحسها بتنكد عحالها كتير ..

يعني لو اشي زعلك طنشي و عيشي حياتك

بس هالاشي مش متأكدة منه انا يمكن يكون مش صحيح .. !

وشهيد

ممم أحيانا بحسك بتخاف من انك تعبر عن آرائك ،،

وانا بقلك احكي اللي بدك اياه مادام هوي برضي رب العالمين

واللي بده يزعل ،، يزعل ،، مادام هالحكي هيعين لتحقيق خير ،، فلا بأس

- ما هو الرابط المشترك بين :

دموع الرحيل و ماهيناز

طيبة القلب و الحرص على طلب العلم والثقافة وحمل هم الامة الاسلامية

أبو يقين ورعد فلسطين

طيبة القلب ،، الحرص على التفاعل مع المنتدى

محمود و شهيد غزة

الذكاء ،، القيادة ،، وانو انتو الاتنين محددين لنفسكم أهداف تحققوها

ياسين و أمل

التدين ولا ازكي على الله أحداً ماشاء الله عليهم حتى انهم من انشط الناس بالقسم الاسلامي

وبظن كمان الجدية وقت اللزوم ولو انو ياسين جدي على طول الا نادرا

اسئلة عآمة :

- ما رأيك في ما يجري في الساحة الفلسطينية ؟

بظن انه احنا حاليا قربنا للنهاية

اللي هيتم فيها احقاق الحق وان شاء الله سحق الباطل فالقريب العاجل

- ما رأيك في هؤلاء :
أحمد منصور ،

شخصية رائعة ومثقفة ،، بحب اتقانه للعمل ،، وثقافته ووعيه و سعيه لاظهار الحقيقة

وليد جنبلاط ، سعد الحريري ،

امير دولة الامارات ،

حاليا هوي خليفة ،، تصدق مابعرف عنه اشي !!

يمكن ماله انجازات زي انجازات محمد بن راشد للهيك انا مش عارفته !! :S

خادم الحرمين الملك فهد ..

- ما اكثر أية تؤثر على شخصية أماني >> حددي ولا تعممي ..

{ قُلْ هَلْ نُنَبِّئُكُمْ بِالْأَخْسَرِينَ أَعْمَالًا الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا }

- ما اكتر كتاب قرأتيه واعجبك ؟

الطريق إلى القلوب لعباس السيسي

- شخصية تعتبيرها الأقوى والاجدر بحمل لقب " شخصية عام 2009 " .. ؟

ممم لربما إسماعيل هنية ،، في شخصية مثقفة كمان بتستحق هوي د.فاضل السمرائي صاحب برنامج لمسات إيمانية

- نظرتكـ لرؤساء العرب ؟

عليهم من الله مايستحقون

وممكن أرجع ^^..

بتنور بأي وقت