لنرتقي بمنتدانا مع {فرفوشة

[عين فلسطين]

اهلا وسهلا فيك...ضيفي العزيز..وعلى بركة الله نبدأ...
اهلا بيكي

* من متى انت عنا هون؟؟؟
سنة و7 شهور

* كم نسبة رضاك عن المنتدى بشكل عام؟؟؟
والله كل فترة بتتغير النسبة بس بالاغلب 75%

* بتتمنى يكون لون ستايل المنتدى.........
كان عاجبني الستايل اللي قبل هاد بس انتي ما حضرتيه

* تقسيمة المنتدى بأفرعها محتاجة تعديل او إعادة تسمية برايك؟؟؟؟
كتير حلوة التقسيمة والاسماء احلى من الاول بس في اقسام ما الها داعي

* صار ابل واجهت مشكلة مع مشرف أو الإدارة!!! وليش!!!
لا ماصارت ولله الحمد
الباب اللي بجيك منو ريح سدو واستريح

* قرارات الإدارة بتشوفها...(تعسفية غير قابلة للنقاش/ مرنة )؟
والله في قرارات وقرارات

* شي بتتمنى وجودو بالمنتدى!!!
ما في شي عبالي بس لو كان في قسم خاص بالطلبات تبعون الاعضاء للمدرسة او جامعة اوهيك اشي يعني لنساعد بعض

* كيف برأيك الإدارة تقدر الأعضاء وجهودهم!!!1
والله اللي كل واحد وشو بيعمل يعني اللي محترم حالو واراو فهمانه وووعاية اكيد الهم تقدير اما اللي نازل كتال مع هاد وتتنيحة مخ فجاة هاد والله وجودو زي عدمو ويمكن عدمو احسن عند الادارة

* أفضل قسم عندك؟؟
كتير بحب قسم النقاش والصور

* بس تفوت المنتدى شو بلفت نظرك أكتر(العنوان /كاتب الموضوع)؟
شوفي احيانا ازا شفت عضو من زمان مختفي ولقيت الو موضوع حتى لو العنوان ما بهمني بفوتو واحيانا لما اشوف واحد منزل كم من موضوع وما في حد رد عليه بروح برد وطبعا المواضيع اللي عناوينها بتجذب لازم افوتها

* أبيض x أسود:

- نقطتين بتميز فيها المنتدى وعاجبينك: (الأبيض)
انو مجمعني مع احلى بنات
والتانية انو فيه اكتر من وجهة نظر واكتر من شعب بس المحبة موجودة بينهم

- نقطتين ..مش عاجبينك ومتدايئ منهم :(أسود)
1- انو مافي هيك جلسة تكون مثلا شهرية او يعني دورية الادارة تجتمع مع الاعضاء ويتم تناقش بينهم
2- قسم الفوتشوب مفتوح هيك لما كان موجود بروفاشينال كان حاطط دورة تعليم للبرنامج بس بعدين راح وانقطعنا عن الدورة يارب ترجع

* معك وردتين:
الأولى...مشرف أو مشرفة...وليش!!
والله كتير مشرفين بيستحقو هالوردة ليـــال ودمعة اسى وشهيد وقسامي وغيرهم يعني من الوردة بعطي لكل واحد فيهم بتلة ^^


التانية...لعضو أو عضوة....وليش!!!
والله لاكتر من عضو يعني كتير من الاعضاء بتفوت تقرا رودوهم او مواضيعهم بتلاقي فيها هيك رزانه وعقل اللي مش موجودين عندي

* هل سبق مرة وفتت تفاجأت بموضوع معين وأسعدك أو دايئك!!!وشوكان؟؟وليش!!!
اه كتير في مواضيع اسعدتني
وفي مواضيع من كتر ما بتعصبني بفوتها وبقعد اضحك

* هل صار وموضوع قرأتو هون غيرك أو ترك في نفسك أثر!!!
اه كتير خصوصا المواضيع اللي بتحكي عن الموت واللي بقسم الايمان

هل غير المنتدى من شخصيتك من وئت فت المنتدى!!!
غيري وجهة نظري من اشيا كتيرة

* اعطي لنفسك كعضو تقييم من %
ما في حد بيقيم حالو لانو يمكن رح يعطيها اكتر من حقها عشان هيك ما رح احط نسبة

* بتشوف انو الادارة بتاخد اقتراحتنا على محمل الجد!!!
احيانا وع حسب القرا

* حسيت مرة انو بدك تترك المنتدى!!!وليش!!!
اه مرتين واخر مرة كانت لما ابتعدت عن روان فلسطين كنت كل ما افوت المنتدى ابكي واسكرو

* كلمة صغيرة منك ...لملك!!!
والله يا ملك انك اسم ع مسمى ملاك باخلاقك

* ابل مانودعك...بدنا سر صغير ....اول مرة تعلن عنو هون بالمنتدى بخصك....
سر مممم انا من الناس اللي ما بحبو يحكو اسرار بس استني شوي لاتزكرلك واحد لما اتزكر برجع بكتبلك


علينا....وشكرا الك عصراحتك...وقبولك دعوتي في خاااااااص مع ملك...
والله كان اللي الشرف انك دعيتني لهون ملوكة يعطيكي العافية حبيبتي