طفولة عضو من منتديات شباب فلسطين ~{دمع المطر }

[دموع الغربة واشواق العودة]

-اوصف لنا طفولتك(بالتفصيل)؟
كنت مشاغبة كتيييير ..وجريئة وما اخاف من احد ولا من اشي والي في عقلي لازم اسويه ..على قولة امي كنت زعيمة العصابة انا كنت الرئيسة واخواتي التنتين كانو زي ديلي اي مصيبة اوقع فيها اجرهم وراي ..

2-هل تتمنى ان تعود طفلا؟ولماذا؟
ياريت هههه ايام الدلع والدلال ترجع ..بس انا ماسدقت متى كبرت
خلينا هيك ع الطريق

3-هل كنت طفلا مدللا؟
يعني شو احكي عن الدلع انا اول بنت في العيلة يعني ماكان قبلي احد
واول حفيدة بعيلة ماما يعني اخدت كل الدلع والحب الي بالعيلة (ولحد الن بعيلةماما )..كان بابا مستعد يخانق الكل عشان ارضى انا ..خخخ
لدرجة انو في اعياد ميلادي ..كان يتسوالي 3 واحد من بابا وماما واحد عن ستي واحد عن خوالي ..خخ

4-هل ممرت بصعوبات خلال فترة طفولتك؟
ابدا غير مرضي الي متكرر ولحد الان ..

5-هل كنت طفلا هادئا ام خجولا ام مشاغبا؟
مشااااغبة لدرجة بتشيب شعر الراس وما استحي من حدا واحكي وابرم واقص قصص

6-اذكر لنا حادثا مر بك خلال طفولتك ولم تنساه للان؟
مرة كنت انا وابن عمتي الي اكبر مني بــ4 ساعات في الاردن في بيتهم
وانا كنت بالحمام فخطرت ببالي فكرة قمت فتحت الباب وناديت عليه ..ودخلتو ..
وقلتلو شو رايك نعمل مسبح حكالي كيف ..مسكت سطل المي وعبيتو وسرت ادير بالبانيو ..لمن اتملى وبعدين اجاوقت الصابونة (بدي اعمل مسبح زي توم وجيري) مسكت الصابون السايلة ومعجون السنان وصابون القطع وصابونة الغسيل وحطيتها بالمي ومنيح ما كان فيه كلور كنت حطيته وصرنا نسبح انا وياه لمن استفقدونا بعد نص ساعة خخخ واتبهدلنا

ومرة كان بابا جايب مروحة جديدة مش الي بتتعلق بالسقف لا الزغيرة وانا اتحديت ابن عمتي واختي الزغيرة ايدخلو ايدهم فيها وهي شغالة ..هما خافوا ..فقمت انا عملت حالي البطلة ودخلت اصباعي فيها وحزروا شو صار ..انجرحت جرح كبير باصباعي ورحت ع المستشفى عملولي 4 غرز فيه خخخخ

7-اين كنت تقضي معضم وقتك؟
عند ستي حبيبتي

8-لعبتك المفضلة؟
يوووه كتير بيت بيوت وشرطي حرامي مسبح المي وعصابات
والحفر بالطين والتسلق .وكنت اجرب اي اشي هبل ...يعني باختصار كنت حسن صبي

9-هل كنت طفلا اجتماعيا ام انطوائي ولا تحب اللعب والمخالطة؟
طفولتي بتختلف كتيييير عن الان زمان كنت اجتماعية واحب العب مع الكل واحكي واقص قصص واخترع العاب وكنت جريئة ما اخاف ..وكل اشي كنت احب اجربو وما كنت استحي ابدا كل اشي عندي عادي اما الان ياااحسرة
مين بيسدق انو انا كنت زمان هيك

10-لديك اصحاب من الطفولة؟وهل بقيت معهم ام باعدتكم الاقدار؟
اصحابي من الطفولة كتير واهمهم ابن عمتي وابن عمي واختي والكل
بس الان سرت اكرهم واتمنى الارض تنشق وتبلعهم

11-هل كنت تحب افلام الكارتون؟وما هو كارتونك المفضل؟
احم احم سندريلا وسنو وايت وارض التنانين والدبدوب المحبوب مغامرات حنين
حكايات ما احلاها

12-كيف كانت علاقتك باخوانك واخواتك؟
هههه كنت اتآمر مع ابن عمتي وابن عمي ع اختي عشان نضربها ونحبسها
مع انها كانت زي الهبلة زي ديلي
مرة حبسناها هي واختي التانية في غرفة ماما وسكرنا عليهم بالمفتاح
ورمينا المفتاح ببلاعة الحمام وشو بعد شوي صارو الكبار يدوروا يدقدقوا ع باب الغرفة وماعرفوا يفتحوه واخواتي جوه حيموتوتا من الخوف خصيصا انو الدنيا ليل وانا طفيت النور عشان اخوفهم فراح بابا وعمي واتسلقوا الحيط الي ورا الدار ودقوا عالشباك وماعرفوا يفتحوه قامو كسروا الشباك
والشباك عليه حديد ..قامو رجعو كسروا باب الغرفة خخخ
وكلو من ورا راسي وتدبيري هههههه

13-ما هو اصعب موقف حدث لك في طفولتك ولم تستطع نسيانه؟
المستشى الاشي الوحيد الي كنت اكرهو واخاف منو ..لانو ومن عمري شهور
وانا عندي الربو ومن يوم ما وعيت لحد الان وانا لازم ازور المستشفى اسبوعيا

اصعب اشي يوم لمن وروني صورة الجرثومة الي كان عالقة برأتي
يومها مانمت من الخوف

14-هل هناك انسان معين غرت منه في طفولتك..ولماذا؟
على حسب مابيقولولي انو كنت الطفلة لافتة الانظار وين ما رحت
وماكنت اغار غير من اخواتي الزغار ..لانو اصلا مافي احد من جيلي بنات
كلهم صبيان

15-صف لنا موقفك اول يوم دخولك للمدرسة؟
اول يوم دخلت الروضة كنت زغيرة كتير عمري 3 سنين ودخلت بعد محاولات
فالبدرس التاني كان رياضيات وانا ما كنت عارفة اكتب رقم التلاتة
فكل ما اروح تقولي غلط وتمسح وارجع انا اعيد ..بعد كم مرة
زعلت ورميت الدفتر في وجها وقلتلها وبعدييين خدي اكتبيه انتي
واخدت شنطتي وطلعت بره ع الحوش وقعدت ع المراجيح
خخخخخ ..طبعا ماما حكتلي هاي القصة
اول يوم رحت المدرسة كان مع ستي حبيبتي كان عادي جدا جدا
المعلمة شالتنا من عند امهاتنا وحطتنا في الصف وحطتني انا والبنات في حلقة كبيييرة وقالتلنا يلا من حافظ سورة الفاتحة ..طبعا ولا وحدة الا انا فوقفت في النص وقلتلهم ياعيبكم مش حافظينها يلا عيدو وراي وسرت انا اقول السورة وهما يعيدوا وراي لمن حفظوها ...^.^..

16-شيء كنت تتمناه بطفولتك ولم تحصل عليه؟
كنت بتمنى اسير رئيسة عصابة بس ما صار

17-حلم الطفولة ما هو؟ وهل حققته؟
مممم مش فاكرة

18-ما هي الكلمات التي كنت ترددها في طفولتك؟
كل اشي كل اشي كنت اقولوه كاني بالعه مسجل

19-هل كنت مطيع لوالديك؟

يعني الاشي الي يعجبني اسمعو والي مايعجبني اطنشو
كان اغلبو مايعجبني

تعبت ..صارلي ربع ساعة بكتب ..بس عن جد الموضوع حلو رجعلي زكريات رائعة
وع فكرة هو تمرين حلو للذاكرة لانو عصرت مخي عبال ما طلعت
هالقصص ...^.^..