:.:.: { عاشقة غزة} فـــي ورطـــة ســـيــاســيــة :.:.:

[السيف عدي]

حدثنا عن مفهوم السياسة من وجهة نظرك ؟

السياسة في نظري هي لغة الحوار بين الدول والانظمة ومراكز القوى ضمن الاطار المحلي والإقليمي
والعالمي .. واساليب وضع الاجراءات الكفيلة بإدارة شؤون الدولة .. واستثمار مواردها الطبيعة وعلاقاتها الدولية لمصلحة المواطن.

* ما اكثر التنظيمات التى تثق بها ؟ ولماذا ؟

انا عندي ميول للانظمة اللي فيها نزعة عسكرية وامنية. لاني بحب كتير الجيش والقوات العسكرية.

* ما القناة الاخبارية المفضلة لديك ؟ كذلك مواقع الانترنت الاخبارية ؟ بالاضافة الى الجريدة اليومية التى تحافظ على تصفحها ؟

القناة الاخبارية .. الجزيرة .. وموقع الانترنت .. الجزيرة نت .. الجريدة .. جريدة الشرق عنا في قطر.

* هل انت من اللذين تكون الاخبار آخر اهتماماتهم ام انك تحرص على متابعة الاخبار أولا بأول ؟

بالعادة بشوف الاخبار في الليل من وقت للتاني ..

* هل تحاول تجنب النقاشات السياسية مع الاطراف الأخرى ام انه امر طبيعي تمارسه يوميا ؟

بالعكس بحبها كتير .. وبتابع باستمرار الجلسات الحوارية في الجزيرة ومحطات مختلفة ..

* هل نشاطك السياسي يرتقى الى الحد المطلوب خدما للقضية الفلسطينية ؟

الحقيقة لا ..

* هل ما زلت تحلم بحق العودة ؟ ام انه اصبح دربا من الخيال لا يمكن تحقيقه ؟

اكيد حق العودة مطلب اساسي لئلنا .. انا من قرية نعليا في المجدل واتمنى ازورها ..

* برأيك .. ما الاسباب التى تقف حائلا امام التوصل لإتفاق فلسطيني فلسطيني مشرّف ؟

التجاذبات الدولية .. والضغط المستمر على فتح من دول اقليمية الها مصالح معينة في المنطقة ..

بتخلي فتح يتمسك بصيغ غير مقبولة من جهة حماس ..

*

لو طلب منك وضع خطة تضمن نجاح الحوار بين حماس و فتح .. ما هي اهم بنودها " بإختصار " ؟

اول شي ازا بدنا نحكي عن مصالحة وطنية بين فتح وحماس لازم نراعي البعد الاقليمي لئلهم في المنطقة ..

حماس ما بتشتغل لحالها ولا فتح .. لازم نهيأ المناخ الملائم الايجابي لعلاقات هادي القوى اللي بتأثر على فتح وحماس

وبالتالي ممكن نوصل لحل توافقي بينهم .. اعتقد انو المشكلة الحقيقة مش بين فتح وحماس ومش على المستوى

الوطني .. المشكلة في الحقيقة على المستوى علاقات القوى اللي بتأثر على فتح وحماس ..

* هل حاولت كتابة مقال سياسي ؟ حدثنا عنه بإختصار او ضع رابطه ان كنت نشرته هنا؟

مقال سياسي لا ..

* كأقل تقدير .. متى ستصبح فلسطين أرض فلسطينية خالصة تخضع لحكم اسلامي بحت ؟

الحكم الاسلامي من ارقى وانجح الانظمة لان نسبة الفساد فيه شبة معدومة .. ولكن ..

التشبث بانتمائتنا ومحاربتنا للاطياف الفلسطينية المختلفة بزيد من الجراح الفلسطينية واحنا في امس الحاجة للوحدة ..

انا بأيد الحلول التوافيقة اللي بتجمع كل القوى المحلية المختلفة ضمن اطار الوطن ..

* كيف تنظر إلى دور العرب " حكومات وشعوب " تجاه القضية الفلسطينية ؟

ممكن نقسم العرب ل حكومات وشعوب .. الحكومات العربية عليها ضغوط دولية لقتل القضية الفلسطينية

والشعوب العربية في معظمها ( متعاطفة ) ليس اكثر مع الشعب الفلسطيني .. وهو امر غير كافي ابدا ..

* هل تستطيع الانظمة العربية وشعوبها التأثير إيجابا لصالح القضية الفلسطينية ؟ - كيف ؟

اكيد طبعا .. كل الدول العربية عندها ولو بشكل بسيط اوراق ضغط على اسرائيل وحلفائها ولكن للاسف ..

هي بتعمل وبشكل قوي على تطبيق الاستراتيجية الاسرائلية الامريكية في قتل القضية الفلسطينية وافراغها من

معناها القومي والعربي وإختزالها لحرب بين فتح وحماس او مطالبات بوقف الاستيطان .. وهيك امور ..

* أخيرا .. سؤال على الهامش كنوع من الدعابة وتلطيف الاجواء بعد هذا الكم من الاسئلة ..

انا راح اكتفي ببعض الوزرات لانهم كتار ما شاء الله .. ههه

رئيس مجلس الوزراء ... أبو يقين ..

نائب رئيس الوزراء .. قسامي غزة ..

امين عام رئاسة الوزراء .. أنين ..

المستشار السياسي .. القلب الطيب ..

المستشار الاعلامي .. ليــــال

المستشار الامني .. اسامة ..

وزير الداخلية والأمن الوطني .. شهيد غزة ..

وزير الشؤون الخارجية .. ليمار ..

وزير الصحة .. اسد ..

وزير المالية .. أم وليد ..

وزير الإعلام .. دمعة اسى ..

وزير الحكم المحلي .. جارة الوادي ..

وزير الاقتصاد الوطني .. نسما دفا ..

وزير الأشغال العامة والإسكان .. اخت نسما دفا .. اجراس الرحيل ^^ ..

وزير الاتصالات والتكنولوجا .. همسة العشاق ..

وزير الأوقاف والشؤون الدينية عاشقة غزة ..

وزير السياحة والآثار .. أحلى احساس



يسلمو كتير ع الاستضافة ..

الاسئلة رائعة ..

[جاآرة الوادي’’]

وزير الشباب والرياضة
جارة الوادي

ماآ اظن انجح ^^

نورتي

[Yαś]

أجوبة رائعة أخي سيف ..

نورت المنطقة يـا ريـس .. ^^

[جاآرة الوادي’’]

وزير الحكم المحلي .. جارة الوادي ..

يسلمو حساآم ^^

[جاآرة الوادي’’]

رئيس مجلس الوزراء ... أبو يقين ..

ياآ عم مين قدك ؟

[السيف عدي]

جارة الوادي .. ياسين .. يسلمو ع المرور نورتو ..

[همسة العشاق~]

وزير الاتصالات والتكنولوجا .. همسة العشاق ..

يسلمو كتير ع المنصب ,,,اضمنت حالي

نورت خيو حسام

[.. ليآل ~]

المستشار الاعلامي .. ليــــال

ياهيك المستئبل يابلا

يسلمو حسام

واجاباتك كتير حلوة ،، وعن وعي وفهم

عالعافيه

بإنتظار المتورط التالي

[إيمـان]

حلو آجوبتكــ.حسآمــ..رآئع

[السيف عدي]

تسلمو ع المرور .. نورتو ..