لقــآآآآء...مع. (( عآشقة فلسطين & ريحانة القلب ))

[عبد الصمد الراوي]

والله كان بودي نحضر هالمواجهات ..


حورية وماهي ..


اختين .. ما في احلى من كلامهم ..


شون راح يصير الموضوع .. بالتأكيد بلسم يشفي كل عليل ..



اخوكم عبد الصمد

[ღ حورية فلسطين ღ]

يلا نجاوب على اسئلة حبيبتي ماهي

عدت والعود أحمد

انا جيت ،،

مبسوطه بحالك يما

ندخل فى الأسئلة للغالية حورية فلسطين

تسلمي تسلمي كلك زوء

كيفك حرحورتى .. ليش ما بتبينى ،، ووين ندوش

مطلوب منك تسلميلى عليها [ بمسج خاص ] لأنو معيش رصيد هههههه

طيب

شف الاستغلال عيني عينك


هلأ لسا سكرت كنت بحكي معها وسلمتلك عليها

- شو هواياتك - غير الرغى طبعاً - ؟!

يختي انتي وحدة من التنتين

يا بغاري من رغيي يا بتغاري من رغيي

ليش بتضلك تنئي على رغيي


هواياتي احم


السباحة والسفر وركوب الخيل

وما بمارس ولا وحدة فيهم

- شو أحلامك للمستقبل [ على الصعيد العلمى والعملى ] ..؟!

شوفي يا حبيبتي

صعيدي العلمي والعملي مرتبطين ببعض

لأني ناوية اسافر على جدة انا حاليا في المدينة

ومفكرة لما اخلص دراسة البرمجة هون بدي اسافر على جدة اكمل

دراسة وشغل

يعني بدي اطلع اشفلي شغل محترم واذا صرلي مجال اكمل برمجة بكمل

اذا ما صرلي رح ادرس انجلش


بس لهلأ ما قررت شي

غير اني اخر هالسنة رح اطلع على جدة

وكل الغرض من طلعتي على جدة هوا اني اعتمد على حالي شوي واحس بالمسؤولية بعيد عن اهلي

هاد اكتر شي حاببتو بالموضوع

اكتبى رسالة [ صغيرة ] تعبرى فيها عن نفسك ..!

انا فتاة لا يفهمها احد

لا عن جد شو احكي ما بعرف احكي عن حالي

بس عن جد الشغلة الوحيدة اللي بعرفها عن حالي انو ماحدا بفهمني

لأنو اصلا مافي حدا بياخد مني لا حق ولا باطل

مين هو الشخص اللى سناء بتعتبر نفسها مُدانة له بالكثير ؟!

بابا وماما الله يحفظلي ياهم يارب

بس الأكتر ماما طبعا حبي لبابا لايوصف والكل بعرف اني دلوعة بابا

بس بحس اني مدانة لماما اكتر فديتها

على غِرار الأخرون .. انتقدى هؤلاء الأعضاء [ إيجابيات وسلبيات ]

- دمعة أسى

رح احكي بشكل عام بغض النظر عن السلبيات والايجابيات


دمعة اسى شخصيتها نادره نوعا ما

بتجمع بين الجدية والفرفشة بحدود

من تعاملي معاها حتا لما امزح معها بضطر اني احط حدود غصب عني

لأني هيك بحسها حتا بمزحها الها حدود وهاد شي رائع فيها

بحب شخصيتها فهمانه وراكزة في كلامها

والها هيبه لما ينذكر اسمها فديتها

- عين فلسطين

هالبنت بتجنن

لزوزة كتير من البنات اللي فعلا بنحكى عنها بريئة

طيوبة كتير وعلى نياتها واللي بقلبها على لسانها

لزوزة كتير لما احكي معها عالتلفون هيه وروان بحس بفرحة غريبه عن جد

وحتا لما تبعتلي مسجات شو بنبسط بمسجاتها وبضل طول اليوم اقرأ فيهم

وبنفس الوقت على قد برائتها الا انها قدها وقدود

بحسها قوية على قد برائتها الله يحميها حبيبة قلبي

- قسامى غزة

قسامي غزة في شغلة ما بتعجبني

اذا اتعود على مجموعة معينة وحكى مع مجموعة معينة بصير كل تعاملو معاهم

وما بيعطي مجال لأي حدا تاني يحكي معو او ياخد ويعطي معو بالحكي

ما بعرف اذا قدرت اوصل الفكرة

بس بحسو من النوع الا اذا اتأقلم مع مجموعة معينة خلص ما بشوف غيرهم

من زماااااان لاحظت عليه هالشغلة وما كنت احكي معو عشان ما اضطر احكي معو ويطنشني


بس حاليا بالعكس بياخد وبيعطي معو وصار من ضمن الغوالي كمان

عندو شخصية بتجمع بين الركازة والشقاوة

الحلو فيه انو بحس بتعاملو معنا انو أخ النا وقاعدين هيك مع بعض ببيت واحد

يعني تعاملو معنا حلو والله يهنيه بالخلفة تبعتو

وعقبال ما يكبرو ولادو ونشوفهم معنا بالمنتدى

- وردة الأقصى

لا توصف

- فتى الأنبار

لا يوصف

اووووووووووووووه فتى الأنبار

من اغلى الاخوان على قلبي

أخ بمعنى الكلمة

انا عن نفسي بتعامل معو وما بشيل هم وما بحسب حساب الف شغلة لما اتعامل معو

شب في قمة الأخلاق والروعة


قليل الشباب اللي متلو هالأيام

والحلو فيه انو بيحكي بنية صافية وبدخل على قلوب الجميع بأسلوبو الرائع


هادي وراقي وفهمان وكل مشكلة بتصير بتلاقيه هوا اللي بحلها في المنتدى

ومستحيل يزعل حدا منو اديش حاولت اتطاوش معو بس عشان اثبت لحالي انو هالشب مو حليم وهادي

بس ما كانت تزبط المطاوشة

طبعا عن مزح كنت احاول ارمي عليه كلام

وكان يخجلني بسماحته وعقله الكبير ويحكيلي انتي اختي ويعرف على طول اني عم بمزح


هالشي اللي بخلي تعاملي مع فتى الأنبار غير عن الكل

لأني فعلا بحس حالي بتعامل مع أخ من أخواني

الله يحميه ويخليه لأهلو

- شهيد غزة

كتكوت نمبر 3


هالكتكوت عندو عقل بفلق الصخر بسم الله عليه


اللي بشوفو بالمنتدى مستحيل يحط فيه عمر 16 او 17 سنة



الله يحميه عقله كبير واحيانا بكون جدي شوي

ودلوع يعني ما حدا يقرب عليه اللي بدعسلو على طرف بكون عليه السلام خلص


من الشباب اللي بنرفع فيهم الراس والله ربنا يحميه


ويخليه ذخر للوطن

ياسين

شف

ما بلقى مزح هالشب


طبعا هاي مش سلبية فيه بالعكس شي حلو فيه انو جدي في تعامله


بس انا بحسب الف حساب قبل ما احكي معو

طبعا لأنو جدي وبما اني طحشة بمزح كتير فبخاف احكي كلمة هيك ولا هيك تقوم ما تعجبو


يعني بالنسبة الي بفضل التعامل مع باقي الشباب وبعدين ياسين بصراحة ^_^


مثال للشب المحترم الراكز

ممكن بيوم من الأيام اخد رأيو بمواضيع مهمة

لأني بحسو صاحب قرار وراكز في تفكيره


الله يتمملو على خير يارب ونشوف ولاده زي ما شفنا ولاد قسامي الله يحميهم

نسمة دفا

تؤبش ئلبي


اسم على مسمى عن جد

يعني انا لما ينذكر اسمها قدامي

بحس بشي رقيق وهادي

متل النسمة

عن جد حتا مرورها ومشاركاتها بالمواضيع زي النسمة الهادية الخفيفة

لزوزة فديتها

وحابة اتعرف عليها اكتر

طوق اليمامة

شف

معقول في حدا هون ما بعرفو انا

والله ما بعرفها


استني بدي اروح اتعرف عليها

رعد فلسطين

يا سلاااااااام على كتكوت نمبر 2

مرة حكيت عنو كلمة ومازلت بحكيها

عمرو صغير بس عقلو كبير

ولزوز بضل يمزح ويتهبل وعليه خفة دم مميزة


وان شا الله بنفرح فيه زي ما فرحنا في القلب الطيب

ابو يقين

كتكوت نمبر 1


شلة الكتاكيت هدول خطيرين


انا بتسلى معهم والله

بس العيب اللي في ابو يقين

انو جامد شوي


وبغييييييييييييييييييب وبرجع وبغيييييييييييب وبرجع


بطلنا نعرف هو غايب ولا راجع


طبعا ينطبق عليه الحكي اللي حكيتو على كتكوتنا نمبر 2 وكتكوتنا نمبر 3

ابو مجاهد

اممممممممم

برضو لا يوصف

ابو مجاهد يعتبر في المرتبة التانية بعد فتى الأنبار من الناس اللي برتاح في تعاملي معهم

غلاوتو بغلاوة فتى الأنبار

كل مناسبة اتعودت انا لازم يجيني تصميم اهداء منو

وبكيف على تصاميمو كتير


فتى الانبار وابو مجاهد شجعوني اصير مصممة متلهم


بحس كل المصممين المميزين محبوبين


عشان هيك بدي اصير متلهم


عن جد شخصية مميزة وبهنيه على اخلاقه الرفيعة

والحلو فيه انو دايما بتقبل النقد على تصاميمو ومش شايف حالو او مغرور

بالعكس متواضع وشخصية رائعة ومميزة

الله ينولو اللي ببالو ويوفقو يارب

همسة العشاق

حبيبة قلبي هالبنت

هيه واختها جارة الوادي زكروني باللزي مضى


عن جد ذكروني بهبلنا انا وشلة بنات المنتدى ايام زمان

وبالذات لما اتهبلت معهم عالمسنجر وصورت المحادثات وقتها كتير انبسطت معهم

لزوزات فديتهم ودماتهم خفاف

واجتماعيات وفاتو بجونا بسرعة

الله يخليلنا ياهم يارب

أمل

اووووووووووووف

ضروري تجيبيلي سيرتها هلأ

بتعرفيني ما بحبها هالبنت يعني

ولكم فدييييييييييييييييييييييييييييييتها هالبنت فديتها


بموت فيها

عن جد ماهيناز انتي وامول

بحس علاقتي فيكم صافية بيضا ومستحيل تخرب


عن جد دايما امول بتسأل عني بغيابي حتا اني صرت اغيب بس عشان تبعتلي مسج تطمن علي


صح بنتناقر كتير وبنتهبل بس هاد كلو عشان نعمل جو

وبتضل اطحش طحشة بالعالم فديتها

بنت فلسطين المجروحة

اخخخخخخ لا توصف

امون من اكتر البنات اللي بحسو فيي


فديتها لدرجة اني بحسها زي ماما

حتا بتلاحظو دايما بحكيلها مامتي العزيزة

لأنها بتحس فيني

ودايما بتبهدلني عشان ادرس وانام واريح حالي

وبتضلها تحكيلي اتركي الشغل زي ماما


بس هلأ مشغولة عني بدراستها الله يوفقها يارب


افتقدتها


بحبها من ضبنات قلبي

وما بحب اشوفها زعلانه او مدايقة بالمرة

وبما إنى بعرفك قوية ومبيهمكيش حد هههههههه

اكتبى موضوع تعبير إنتقادات فى محمود ودموع الرحيل

شف شف

حرام عليكي بدك ياهم يكرهوني


بعدين حضرتك مختارة اكتر اعضاء بعزهم وبدك رأيي فيهم

حرام عليكي هدول من اقوى الأعضاء كيف بدي احكي رأيي فيهم

ما بنوصفو

بتفتكرى مين لما تشوفى [ البحر ، الغروب ، الشروق ، المطر ، الورد ]

في كل شي مدايقني وبفرغو في البحر



الغروب : في شريك العمر اللي لسا ما اجى


الشروق : في الفطور اول ما اشوف الشمس بتشرق بتذكر افطر


المطر : بكل الناس اللي بحبهم عشان ادعيلهم لأنو الدعاء مستجاب وقت نزول المطر .


الورد : ماما وبابا واخواتي

بيكفى دول ،، اتسلى فيهم على ما أرجعلك :)

على اساس انهم شوي يعني


فديتك انتي وهالاسئلة

يلا رح ابلش اسئلتي انا