لـدي حــــق الفــيــتـــو " ...{{يـاسـيـن}}..."

[PaLeStiNe FlOwEr]

الموضوع حلو كتييييييييييير

خصوصا هالقضية تاعت الضرب بالمدارس

في مواقف معينة بلزمها ضرب وفي مواقف لأ،،

رح أتكلم من تجربتي الشخصية بالمدرسة،،

انا كنت ادرس بالاردن من الاول ابتدائي لحد الصف التامن،، كنا صغار وقتها وكان في عنا خوف من المدرس واحتراموا،،

ما في حد يطاول ولا حد يجاوب مدرسة بس البنت اللي كانت غير هيك كانوا يودوها عند المرشدة مرة مرتين تلاتة بس لما ما يمشي معها الحال تنضرب او تنفصل

يعني انا بتزكر كانت في بنت معي بالصف السابع والتامن كانت قليلة ادب ومو محترمة مع المدرسين بالمرة وكانوا يضلوا يضربوها وينادوا ولي امرها ولا تهتم لدرجة مرة معلمة الانجليزي من كتر ما عصبت منها مسكتها من شعرها وصارت تسحب فيها والبنت كانت بالارض وراحت خبطت راسها بالحيط،، صح البنت هدية شوي بس بحصة الانجليزي زادت قلة الادب عندها وهاد الشي اثر ع شخصيتها قدامنا يعني كانت كتيير تستحي من بنات الصف خصوصا انوا هاد الموقف صار ادامنا..


بس انا لما رحت ع الكويت شفت العجب لأنوا ممنوع الضرب،، والله العظيم كان عنا بنات يطاولوا ع المعلمة ويرفعوا صوتهم عليها ويضربوها خصوصا لما تكون المعلمة متخرجة جديد،، وبذلك لازم تكون المعلمة شخصيتها قوية عشان تقدر تحكم البنات من غير عصاية،،

في كتييير أساليب غير الضرب وبتساعد المعلم انوا يحكم الطالب فيها بس برضه في طلاب ما بيجوا غير بالضرب وانا لا أقصد الضرب المبرح يعني عصاي ع الايد تردع الطالب

مدرستي الكيميا اللي بالتوجيهي كانت ازا اجت اتسمعلنا وما كنا حافظين كانت تقرصنا ع ايدنا قرصة قوية تخليكي هالقرصة اول ما ترجعي ع البيت تدرسي كيميا

أساسا اهالينا ما تعلموا بالمدارس الا من ورى الضرب والخوف من الاستاز،،

مو متل هلأ بتلاقي الطالب هو اللي بضرب الاستاز

انا مو مع الضرب ولا ضدو لأنوا في أوقات بحتاج المعلم فيها يضرب الطالب بس مو لازم يكون ضرب قاتل ضربة ع الايد خفيفة بس انوا الطالب من وراها يرتدع

يعني انا اخوي حمساوي وافتخر هو هلأ بالصف التامن ما بخاف الا من الاساتزة اللي بيضربو يعني بتلاقي حريص جدا انوا يدرس المواد اللي الاستاز بدرسهم وهو بايدوا العصاي يعني ولاد هالزمن بحتاجوا هيك اشيا تخوفهم بس المواد اللي بدرسهم استاز شخصيتوا ضعيفة وما بيقدر يحكم الطلاب ما بفكر يدرسها الا ليلة الامتحان وهاد الشي بأثر ع العلامات..

وكمان لما تصير مشاكل بمدرسة اولاد مثلا وقتها ازا ما نفع الحكي معهم لازم ينضربوا ع الاقل عصاي وحدة عشان يهدوا

وكمان مو لازم اول ما الطالب يغلط ينضرب،، لازم يبدأوا معوا بالحكي والتوبيخ و التعزير وازا لزم الامر ينضرب..


بس انا ضد تماما الفصل لأنوا ما بجيب نتيجة بالمرة بالعكس بتخلي الطلاب( مو كلهم طبعا ) يزيدوا من أخطائهم عشان ينفصلوا كم يوم ويرتاحوا،،، كان عنا بنات ما يصدقوا ينفصلوا ويفرحوا كتيييييير وكمان لما ينطردوا من الصف يصيروا صاحباتها يشاغبوا عشان ينطردوا معها


والله بهالأيام لا الضرب بنفع ولا التوبيخ ولا التعزير ولا الفصل ولا أي شي ابصر شو بدهم هالطلاب