عاااجل: حماس لن توقع على الورقة المصرية

[لالا-فلسطين 48]

المشاركة الأصلية كتبت بواسطة اجمل احساس طبعا ما حدا بينسى دم الشهداء ولا الحرب ايلي صارت لانها ما بتنتسى وكل اهلنا ايلي استشهدو لسه عايشين بدمنا

بس خلص هلأ لمتى بدو يضل هالانقسام طب ما احنا ايلي بناكلها قاعدين يعني بالنهاية كلنا فلسطينية واحنا بفترة لا نحسد عليها يعني الاقصى بخطر ووضعنا مأساوي وحصار وتجويع وارف لازم نتحد ونصير ايد وحدة عشان ربنا يكون معنا

حماس بتحط الحق على فتح ، وفتح بتحط الحق على حماس طب والله انها دوامة هاي ومش حنخلص بعرف انو كلامي ما رح يرضي البعض بس انا لا حمساوية ولا فتحاوية انا فلسطينية يعني بدنا نعيش بامن وامان زي العالم والناس حتى بالجامعة كل شوي خناق ومشاكل بنلاقي شباب بيتعاركو لانو واحد من حماس والتاني من فتح ، وبلاقي بنتين مش طايقين بعض لانو كل وحدة تابعة لحركة معينة طب وبعدييييييييين

والله اشي بيطلع الروح خلص عاد لازم حل سريع بكفي انقسام مشان الله لازم الطرفين يكونو ايد وحدة ودم واحد ويخافوا على بعض لانهم اصل واحد والمفروض انهم عيلة وحدة،، بعرفش كيف بس لازم لازم يتصالحو عشان حقوقنا ترجعلنا بكفي ظلم وتعذيب واعتقال حتى الاطفال انهلكوا واكتر الناس اتأثروا حرام والله حرام ايلي بيصير


طولت عليكم بس فشة خلق وما حدا يزعل مني انا مقَّدرة احساس وشعور الكل طب ما انا منكم بس الواحد تعب ومل وبدو يعيش زي الخلق

سلامتكم وتعيشوا

والله يا اجمل احساس، كملتي الصورة اللي نقلتها، وعززتيها باشياء واقعية وقوية، بس عنجد لازم ما نكون انانيين ونفكر بالشعب والناس العاديين اللي بدها تعيش وما بهمها انها تنتسب لاي حزب، بكفيها انها تكون فلسطينية وبس!!!!!! (بغض النظر مين على حق ومين مش على حق!!!!!!!!!!!)

بس المشكلة بخلوا الواحد ما يعرف راسو من اجريه (رجليه) كل واحد بهاجم التاني وبحط الحق عليه ومن منطلق قوي كمان!!!!!

تحياتي..

لالا-فلسطين 48.