ما الذي غيرك .. ؟ , ما الذي أبكآك .. ؟ >>مواقف أعضاء شباب فلسطين<<

[ღ حورية فلسطين ღ]

المشاركة الأصلية كتبت بواسطة نابلسية كححح شو أكتب يعني ؟

انا مش فاهمة

مسسكر عقلي

مواقف ؟ ولا عن المنتدى ؟ ولا عن ما الذي أبكاني ؟؟ ولا الي غيرني ؟؟

انا مش فاهمه :)

يسعدلي هالطحشة يا ناس

حبيبتي مالذي غيرك وابكاك

تؤدي لنفس معنى مواقف شباب فلسطين


احكي اللي بقلبك يلا اشوف

[ღ حورية فلسطين ღ]

كلكم اكتشفتو الموضوع وعجبكم

وعم بستناكم كلكم كل يوم تيجو وتحكو مواقفكم

[ღ حورية فلسطين ღ]

رح احكي عن موقف فظيع لهلأ ما بنساه

بأيام المتوسط

كان عنا بالمدرسة ممنوع نلبس أي لون بالكنادر الله يكرمكم غير اللون الكحلي والأسود

وكان قرار ممنوع بشدة عشان البنات ما بتهبلو كتير بألوان الكنادر والبوات اللي بلبسوها

جيت انا بيوم من الأيام طنت براسي اخالف القوانين


ولبست بوت لونه احمر

واحمر بلمع لمع كمان تخيلو


وطبعا انا اشهر من النار على علم بالمدرسة

كيف بعد ما لبست البوت الأحمر

انشهرت على مستوى ادارة التربية والتعليم كلها


المهم كان عنا مراقبة شريرة كتير من كتر ما هية شريرة

كنا نسميها شارون


وما كان حدا يجي بيوم مخالف عالمدرسة ويمر من تحت إيدها سليم


هداك اليوم من الصبح واحنا ماشيين بالطوابير كانت هية عم بتراقبنا


وطبعا سناء بالنسبة الها قلق عالآخر تشوف العمى وما تشوفها

لأني انا الوحيدة اللي ما كنت اخاف منها مع انه كل بنات المدرسة كانو يرجفو رجف منها


المهم وقتها ما اكتشفت انو انا مخالفة لأني اتخبيت بين البنات


لما اجى وقت الفسحة راحو كم بنت من البنات الطحشات حكولها


ليش سناء مخالفة وما مسكتيها


ووصلها الخبر وهديك انجنت


طبعا بعد ما انتشر الخبر بكل المدرسة انه سناء لابسة بوت احمر بلمع


وكل البنات وكل المعلمات عرفو بالخبر وصارو يباركولي


المهم


بالفسحة نادت كل بنات النظام عنا


جمعتهم وحكتلهم روحو جيبولي سناء من تحت الأرض


وقتها اجو كل صحباتي ونص بنات النظام كانو صحباتي


حكولي روحي اتخبي وقعدو يلاقولي حلول عشان ما اتبهدل منها


انا طبعا بطلة ما بخاف وبالزات من شارون هاي

كنت اخترع شغلات من تحت الأرض بس عشان اعاند فيها


رحت زي البطلة قلتلهم شو يعني هلأ بروح عندها برجلي انا


ورحت عندها وواقفة قدام مكتبها

قامت حكتلي لفي وتعاليلي هون اشوف شو لابسة برجلك


قلتلها من عيوني


لابسة بوت احمر شوفي ما احلاه

هديك انجلطت يا حرام شهقتلكم هديك الشهقة وبطلت تجمع الهبلة


حكتلي روحي استنيني برا وما تفوتي ولا حصة ومنك راجعة على بيتكم اليوم بهالبوت



وراحت الطحشة اتصلت على ماما حكتلها ابعتليها كندرة تانية خليها تلبسها مافي ترجع بهاي الكندرة عالبيت


وفعلا ماما بعتتلي كندرة تانية


ولما لبستها المعلمات كلهم انفجعو

حكولي كيف حلتك تغيري كندرتك


قلتلهم شارون طحشة مافي شي بعيد عنها اتصلت على ماما حكتلها تبعتلي كندرة تانية


المعلمات فرطو ضحك حكولي فظيعة هاي شارون عليها حركات


قلتلهم ولا يهمكم انا مو مقصرة فيها كمان قدها وقدود ههههههههههههههههههههههههههههههههه






بس وقتها زادرت شهرتي بالمدرسة اكتر ما انا مشهورة ههههههههههههههههههههههههه


روعة هاد الموقف عن جد صار نفسي ارجع انغص عليها عيشتها هاي شارون


يخرب عئلها لهلأ موجوة بالمدرسة وبسمع اخبارها