شوية رياضيات

[.. ليآل ~]

طريقه حلوة وسهله

وبتختصر وئت ،، وبتغنينا شوي عن استخدام الحاسبه الي بتصيب العقل بالبلاده

تسلمي يارب

المشاركة الأصلية كتبت بواسطة فارس الوطن
ع فكرة انا بقدر احسب حسابات ضخمة وع السريع بدون استخدام آلة حاسبة ..و الفضل لله ..الحمد لله

طبعا في سر ..لانو ما بشوف الاجابة ع السريع بمخي

لكني بستخدم خيالي وبحط الارقام بمخي وبحسب ع السريع من خلال ضرب العدد المكون من رقمين في عشرة بعدين تجميع الباقي ع خانة مستقلة ..انو لو حكيت 12*13 بحسب اول شي 12*10 واللي طبعا الجواب 120 بعدين بزيد 3 بضربهم في 12 والجواب 36 بعدين بجمعهم يعني 120 + 36 = 156

وان كان عدد مكون من 3 ارقام مضرووب في عدد تاني مكون من 3 ارقام .. فما بضرب في 10 ..لكن بضرب بـ 100 وبخلص الباقي يعني اخر خانة في المائات ..يعني مثلا ازا كان اخر خانة بالمائات 3 فبعد ما اضرب بـ 100 كمان مرة بضرب بـ 3وبحط الجواب ع شقة بدماغي بعدين بضرب هالعدد المكون من 3 ارقام في عشرة وبضرب كمان في عدد الاحاد وبحط الجواب في شقة تانية من دماغي بعدين بضرب هالعدد المكون من 3 ارقام في اخر رقم من العدد المضرووب واللي هو بخانة العشرات وبحط الناتج في شقة تالتة من دماغي ..واخييرا بجمع الارقام الموجودين في التلات شقات من دماغي وبطلع الجواب .. وطبعا ع السريع

يسلموو ع الموضوع الحلوو

عيني عليك باردة




انا برضو بحسب عالسريع ،، بس مش عمليات الضرب

عمليات الجمع بطلع نواتجهم بسرعه

لانو بجمع الارقام مع العشره ومضاعفاتها ،، مثلا لو عندي 27 و53 بختار العدد الأقرب انو يصير من مضاعفات

العشره والي هوي 27 ،، بكملوا للتلاتين من العدد التاني يعني من الـ 53 فبتصير 30 +50 = 80


هالطريقه انا دربت حالي عليها ،،، هي بدها تركيز بس مع التعود والتكرار بتصير سهله

بس حاسه اني ماشرحتها منيح

على العموم يسلمو دياتك جمولتي