العصبيـة القبليـة || دعـوة للجميـع

[Pink Rose]

موضوع حلو كتير وواقعي . .

اكتر ما بدايقني العنصرية بكل اشكالها . .

السبب الرئيسي الها بنظري الجهل

الاسلام ما فرق بينا لحتى ييجوا اشخاص يفرقوا ويعملوا عنصرية بين بلدان

او حتى بين جماعتين ببلد واحد

حلو كتير الانتماء للبلد اللي انت منها . .

بس ما تقلب لعنصرية وتدافع عن هالشي عالحق والباطل . .

في بالاردن ناس لهلأ بتفرق بين اردني وفلسطيني

بس ما بهتم وبحطهم ببالي

لانه برده في مجموعة كبيرة بتحترم الفلسطيني وبتعامله متل الاردني واحسن . .

ومادام حقي آخدته خلص . .

اما بالنسبه للحلول بصراحة في ناس ما بتنفع معها الحلول

لانها دايما شايفة بلدها او المجموعة اللي بتنضم الها هي الاحسن والافضل

وما بكون عندهم استعداد يسمعوا او يفهموا !! الهم قناعاتهم وما حدا بغيرها . . !

هاد الشي غلط اكيد . . لازم يكون في توعية خصوصا للاجيال الجايه

ويبدأوا بالزغار . . لانه العنصرية كمان نابعة من الكبار وبساعدوا فيها بشكل كبير وبقناعات الطفل . .

لما الطفل يكون عنده وعي وعارف انه كلنا مسلمين وما في فرق بينا الا بالتقوى

هيك اكيد رح يربى ولاده واولاد ولاده على هالشي . .

يسلمو كتير اخي ياسين عالموضوع

يعطيك الف عافية . .

واسفة عالاطالة ^^