نظرة الجنسيات الاخرى للفلسطيني بالخارج والفلسطيني بالداخل

[صمــ . ـــت الحنيــ . ــن]

بصراحة اعجبني كتير مقدار الوعي والقدرة على النقاش بالمنتدى

ماشاء الله عليكم ارائكم كلها واعية وطريقة صيغكم لارائكم اروع

اسمحولي شارككم النقاش رغم اني جديدة بالمنتدى

بس كوني فلسطينية مغتربة (من الخارج) شدني الحوار


انا بنظري احنا الشعب الفلسطيني سواء كنا بالداخل او بالخارج بنتمتع بمميزات رائعة ومنها حبنا للتعليم

احنا شعب بنقدر ننجح اذا بدنا ( او اذا صحتلنا الفرصة)

هلا الفلسطيني الي بالخارج هو نفس الي بالداخل

بس المجمتع الي عايش فيه الفلسطيني الي بالخارج مختلف عن فلسطين من الداخل

يعني انا كمغتربة عايشة بمجتمع غير محتل..وبدولة امنة غير محاصرة

بقدر روح على المدرسة على الجامعه على مجال الشغل بكل جرأة وماحد بيمنعني

اما الفلسطيني الي بالداخل..هو شخص تعب من الحصار والحرب

اذا كان به يدرس بلاقي صعوبات اما مجال العمل فهو من اصعب العقبات الي بتواجهه

هو انسان مقيد..وغير قادرة على اظهار قدراته بشكل صريح

اما انه اغلب الشعب الي بالداخل مقضي وقته بالكفي شوب او بالتعارف على الجنس الاخر

فكلامك صحيح اخي بهالنقطة..بس اذا نظرنا للاسباب الي بتخلي الشعب يضطر انه يلجأ لهيك امور

بنلاقي حالنا ظالمينهم.... هني مضطرين انهم يشغلوا حالهم بتفاهات تسليهم وتنسيهم وضعهم السئ


طبعا كلامي ما رح ينطبق على الجميع...ما بعمم سواء بكلامي عن الشباب بالخارج او الداخل

في شباب ناجحة وهي ببلد محتل في شباب غير ناجحة وهو ببلد حر


اشكرك مرة تانيه على الموضوع