لكل غزاويين المنتدى .بدي جواب وضح وصريح

[دموع الغربة واشواق العودة]

المشاركة الأصلية كتبت بواسطة أبو يقين بس في ناس غير هيكـ

دموع الغربة

انتي عارفاني صريح

كل واحد بحكي هيكـ مش من قلبوا

من قهر الحصار والظلم والقتل يلي عاشتهـ غزة وما زالت بتعيشهـ

أنا واحد من الناس لو على جثتي ما بتركـ غزة الا متلا بدي أتعلم برة أو اتعالج برهـ

بس اني أسيب غزة للأبد بازن اللهـ مش رح أتركها بالمرة ورح تكون مسقط ؤأسي بازن اللهـ

أنا واحد من الناس كتييير من الناس بيحكوا هيكـ قادمي بس مش منقلبهم وادا من قلبهم فدول ما عندهم وطنية بالمرة ولا مبدأ من أساسو وما بيستاهلوا يعيشوا على أرض الرباط فلسطين


أنا من غزة يا دموع وهي جوابي الصريح

احترامي للجميع

له له له يا ابو يقين ..وييييييين هالغيبة يااا زلمة ..انا معك وانا بعرف انك صريح وواضح وكلامك على العين والراس بس انا ضد فكرة زرع هادا الاشي في عقولهم ..يطلعو برا اجازة يتمشو اه بس الجنسية لالالالا ابدا انا بعرف انو الي مريتو فيه مش سهل ..والظلم الي بتعيشوه مش سهل بس اطفالنا هما املنا بالتحرير ..اذا احنا ما ربيناهم صح هما مش رح يربو ولادهم صح وعلى هالحال ..وانا معك بكل كلمة ..بس غزة مش اول ولا آخر مجزرة صارت او حتصير ..صح ولا لا ..فأذا كل مرة حنقعد ونقول للعالم احنا بدنا نطلع ..معناتو احنا ليش بنقلهم احنا الي رح انحررها ومش عارفة شو ..بعدين انا كان كل كلامي عن الجنسية وبس ليش قلبتوها سفر وماسفر ..اصلا هما مفكرين انو الدول التانية رح ترحب فيهم يعني ..شكرا الك اخي اقدر صدقك معنا

[~ | Mazaj]

يسلمو ع الطرح حبوبة ..

ممممم مع اني كنت بسمع ولاد زغار ايام الحرب ..
وكان كلهم ما شاء الله ثابتين
بس مسمعتش حد بيحكو بدو الجنسية القطرية !

بغض النظر متل ما هو معروف في ناس قلبها ضعيف وايمانها ضعيف ..
وببسااااطة بنظري لا تمثل شعب فلسطين .. وما بتمثل مليون ونص مواطن فلسطيني عايش بغزة ..
"ربنا لاتؤخذنا بما فعل السفهاء منا "

وشوووكـرن ع الطـرح مرة تانية

[دموع الغربة واشواق العودة]

المشاركة الأصلية كتبت بواسطة روان من زمان ازا بدكم تعيشو برا عن جد اطلعو
واحنا بنحل محلكم ...ياااااريت جواااااب
هاي الجملة استفزتني


يا عيني من الي حكى انو بدناش غزة بربي ليل نهار بنحمد الله لانو احنا مع انو كتير من الناس بيتمنى يطلع منها تخت ظروف قهريه مش اكتر انتي اصلا مش بغزة لتحسو فينا بس مع هاد كلو انا عن نفسي واهلي ثاااااابتين ويارب ثبتنا كمان


تحياتي

حياتي انا اآآآآآآآآآآآآآآآىسفة عن جد انا ما كان قصدي استفز احد بس والله جملة الطفل الزغير موتتني قهرررررر ..وسكوتكم على موضوع زيزي زااادني قهرررر ..انا عارة انو هادا الكلام مش لكل اهل غزة يعني مش كل الغزاوية بيتمنو انهم يطلعو بس الفئة الاكبر بدها الجنسية ..انا ما كان قصدي انا عارفة انو الظروف الي بتمرو فيها مش سهلة والي جاي اصعب بس ازا كل مجزرة بدها تصير فينا بدنا نقعد وننهد ..ونصير انقول طااالعونا معناتها ليش اسمنا فلسطينيون وليش اسمنا اهل الرباط ..عفوا اسمهم اهل الرباط ..انا عارفة انو كل الي ساويتو بحياتي لفلسطين لا يعادل ذرة واحدة من تعب وصبر وجوع وخوف ورهبة وقوة اهل غزة بس والله الحال هادا ما بيسير ..شكرا الك وآآآآآآآآآآسفة مرة تانية لا تزعلي مني ما كان قصدي منوووورة يا عسل

[دموع الغربة واشواق العودة]

المشاركة الأصلية كتبت بواسطة حمساوي الحرية انا مش غزاوي

وانما انا فلسطيني من بيت لحم .... ولن اتخلى عن جنسيتي ولن اتخلى عن وطني ولن اتخلى عن غزة العزة ولن اتخلى عن قائدي اسماعيل هنية ولن اتخلى عن المجاهدين القساميين ...

ولن اتخلى عنك يا فلسطين .....

مشكورة اختي دموع ... تقبلي مروري .

اكيد اخي كلنا معك وايدي على ايدك ..مووووفق اخي وشكرا على المرور المحترم منووور

[دموع الغربة واشواق العودة]

المشاركة الأصلية كتبت بواسطة فجر الحياة

يسلمو ع الطرح حبوبة ..

ممممم مع اني كنت بسمع ولاد زغار ايام الحرب ..
وكان كلهم ما شاء الله ثابتين
بس مسمعتش حد بيحكو بدو الجنسية القطرية !

بغض النظر متل ما هو معروف في ناس قلبها ضعيف وايمانها ضعيف ..
وببسااااطة بنظري لا تمثل شعب فلسطين .. وما بتمثل مليون ونص مواطن فلسطيني عايش بغزة ..
"ربنا لاتؤخذنا بما فعل السفهاء منا "

وشوووكـرن ع الطـرح مرة تانية

شكرا الك يابطة رأي حلووو وصريح ..بس سدقيني انا مش بس اسمعت واحد انا سمعت كتييييير ومن بينهم وحدة ختيارة عجووووزة ..بتقول طااالعوني من هالبلاد انا كرهت هالبلاد ..عن جد قهرتني بس لمن قالتها قلت حقها ومش حقها هي ست كبييييرة وشافت قساوة الحياة اكتر من غيرها ..ويمكن بتجهل شو هي الوحدة الوطنية وحالتها حااالة يلا يا عسل منووورة

[حمساوية غزة]

بسم الله الرحمن الرحيم اولاً
خلينا نبدا كلام عادي مين هوة اللي بدو يتخلى عن غزة و بدو جنسية تانية مين هاد اللي ان شاء الله راح تكون نهايتو على ايدي ليش شو ناقصكو راح تحكوا حصار و حروب و اجتياحات بس هاد كلام فاضي ما في منو تعرفوا و الله العظيم لو في واحد بيعرف شو اجر اللي بيضل في بيتو حتى لو ما عمل شي بس كان صابر و محتسب يكتب الو جهاد باذنه تعالى يا اخوة و الله الي ما بدو غزة انو في مين يتمنى يبوس ترابها لغزة لو كل واحد بيحكي هيك معناتو انو بيهدي غزة لليهود ابناء القردة و الخنازير هيك هدية بدون مناسبة شو هاد يا اخوة ماغ بينفع هالكلام طب ليش الشباب بيضحوا بارواحهم و همة في ريعان الشباب ما يقعدوا خلاص لـــــــــــكــــــــــــــــــن لانو دينهم الاسلام و قدوتهم محمد _ صلى الله عليه و سلم _ و منيتهم الشهادة و لانو غزة ارضهم و متيقنين انو اجر الجهاد على ارض غزة كبير كتير باتمنى من الله انو كل واحد بيفكر هيك تفكير يرجع لصوابو
انا باشكر اللي حط الموضوع لانو موضوع فعلاً راااااااااااااااااااااااااااااااااا ااااااااااااااااااااااااااااااااااا ااااااااااااااااااااااااااااااااااا ااااااااااااائع

[نسيم الخلد]

السلام عليكم ورحمة الله وبركاته
أختي الكريمة :: دموع الغربة وأشواق العودة
انا بحكيلك قصة صارت معي
هلا معي صديق انا من اليمن الشقيق
وعرض علي اني اسافر اليمن لمدة معينة مشان يشوفني ويتعرف علي
بتعرفي شو حكتله وربي يشهد علي
قلتله لو اني خارج فلسطين كان لبيت رغبتك
بس انا بأرض مقدسة ومن ربع المستحيلات اتركها ولو للحظة
صار يحكي لهدرجة هاي
قلتله واكثر
والشب لليوم مصادقني وتقريبا اسبوعيا عم يتصل علي ويطمن عني

وبعدين يا أختي الكريمة
بالنسبة للطفل بيكون ابوه الي معلمه هاي الكلمة مثل ما تكرمتي انها ما بتطلع من فتى او شبل صغير
بيكون والده او والدته الي معلمينه هيك
وهذول حرام يكونه غزاوين قبل ما يكون فلسطينيين
لانه أهل غزة عرفوا بالشهامة والكرامة والصبر والصمود والتحدي

والله لو اطبقوا السماء والارض علينا لن نترك غزة لحظة واحدة سندافع عنها ما دامت عروقنا تنبض بالحياة
والله لو قطعونا بالمناشير
ولو ذبحونا بالسكاكين لن نترك غزة كغيرنا من المتخاذلين المرجفين الذين يسعون جاهدين الي الحياة الدنيا ومتاعها

اطمأني يا أختاه
فنحن على خطى شهدائنا ماضون على خطى الياسين والرنتيسي والعقل وعياش
على خطى كل من قتل لأجل فلسطين ولاجل العزة والكرامة
باقون ما بقي الزعتر والزيتون
باقون ما بقي هناك يهودي غاصب على ارضنا
اما ان ننتصر واما ان نستشهد مرفوعوا الرؤوس


دمتم بحفظ الرحمن ورعايته

[εïз ملآكـ εïз]

الجنسيهـ ما بتثبت شي

الوطنية و حب الوطن هاد بالافعــآل و الشعور الي جوآكـ

انا معي الجوآز الفلسطيني و انا غزآوية

بس لو بصحلي اخد جنسية من برآ باخد

لسبب و هوآ انو كل ما بدي سافر مطرح مش عم اقدر لمجرد اني فلسطينية

كل ما بدي زور بلد عربي اغلبهم مش عم يسمحوا لاني فلسطينية

ما حدآ عم يعترف فينــآ و عم يصعبوا الحياة و يخلوها جهنم علينا

انا بدي الجنسية بس يرجعلنا وطننا .. بس يكون النا كلمة بتحديد مصيرنــآ

بس ما بتفرق معي شو جوآزي هاد ما بيقلك اديش بحب بلدي انا

لكن ازا انا عايشة بغزهـ و اطلع منها فهالشي مش رح اعملو ..

لانو انا برا غزهـ هلئ و الغربة و الذل قاتلني

ممكن اطلع لاتعلم بس برجعلها لو بقدر ..

لكن انا مش عم اقدر فوتها اصلا لاحكي هالحكي

يمكن انا داخلة و عم رد رد غير عن الكل

لكن استغربت من عصبيتكم هاي و حكيكم الي قلتوهـ

معكـ جوآز فلسطيني ولا غيرو هاد ما بحدد انتماءك ولا حبك لوطنكـ و الي بقول غير هيكـ هاد ما بفهم

ثــآنكس ع الطرح

[أبومجاهد]

مع اني مش فاهم شي ..

بس حابب اقول انو انا غندي قناعة مش مستعد اغيرها لو صار شو ما صار اني ما بطلع من غزة لأي ظرف ان كان عمل

او دراسة او اي شي وما في اي واحد بتخلى عن جنسيتو الفلسطينية..

بس هي مرة واحدة خرجت من غزة ولكن لسبب خارج عن الارادة عندما اصبت في معركة اهل الجنة في الشمال

خرجت للعلاج وكانت اكثر ايام حياتي نكد مع احترام لاهل مصر والله ما كانوا يسيبوني دقيقة لحالي

ولكن كان هناك شعور غريب والله ما كنت قادر اتحمله اني نفسي الآن في هذه الدقيقة اشوف اهل غزة واهل حارتي ..