شو كنت تساوي وابناء غزة بيستشهدو ؟؟

[همسات فلسطين]

اول شي بنحكي الله يبعد شر اليهود عنكم وعن كل المسلمين يارب انتوا ما بتعرفوا كيف كنا عايشين هاي الفترة الي صار فيها الحرب كان اول يوم عندي امتحان بالجامعة وبعد ما روحت من لمتحان اول ما وصلت باب البيت الا بسمع صوت انفجار كبير نحنا فكرنا تفريغ هوا وتكرر الانفجار صار عندي فضول واقف ع البلكونة او البرندة بالصدفة انهم كانوا بيقصفوا في الادارة المدنية وهو مركز للشرطة وعينكوا ما تشوف اول مرة بحياتي اشوف انفجار بها القوة شفت نار واشياء سوداء عم تطاير بالهوا انا اتخيلتهم ناس وصرت اصرخ من الخوف وامي اجت تجري ع صراخي وانا بصراحة خفت ع اخواتي وصحباتي واهلي وبعد كدة بدا الجتياح طبعا تم قصف كل المقرات في قطاع غزة مرة وحدة وفي توقيت واحد والله ستر انوا ما قصفوا مركز قريب من بيتنا وطبعا هدا المركز بكون مكتظ باشرطة والقيادات والله سترهم وبعد كدة تم الاجتياح وكل واحدكان بيتوا قريب من الاجتياح كان يترك بيته ويروح عند اقربائه والحمدلله انوا كانت الناس بتساعد بعض وما حد بخل ع التاني بشي والحمدلله انوا الله لهم علينا الصبر والحمدلله بصراحة ما بحب احكي عن هاي الفترة لانها حسينا حالنا مو عايشين من الخوف الي صار معنا ما كنا نام الليل ولا نرتاح بالنهار وغير هيك حتى ما كان في غازولا مية ولا اكل ولا شي بس الحمدللة ازمة وراحت والله يقوينا يارب والله يبعد عن الناس كل مكروه يارب احكوا اميننننننننننن.