(في ذكرى النكبة) شاركنا بـ صوره

[هادي]

المشاركة الأصلية كتبت بواسطة دموع الغربة واشواق العودة

بس لو افهم احنا شو ساوينالهم لحتى يطالعونا ..والله ..والله ..عيشة الذل والموت البطيئ احسن بمليون مرة من حياة الغربة ..

(إحنا شو سوينالهم؟؟) سؤال ممكن نسأله لإنسان عندو ضمير، إنسان ما بيئبل يعيش على آهات الآخرين، بس هدول ما بيعترفوا حتى بحق الفلسطيني بالحياة ـ من بروتوكولات صهيون ـ
دموع: صحيح الغربة صعبة، بس كل فلسطيني حامل وطنو بقلبو .. وما بيضعف كل فلسطيني بحد ذاته ثوره .. حتى لو كان بجنوب أفريقيا .. رح يدّرس ولاده عن أرضهم وحقهم ..
دموع: قادة إسرائيل كانوا مفكرين إنو بالمجازر والتهجير رح يقضوا على الشعب الفلسطيني، وانو الشتات رح ينهي قضيتنا، وانهم قادرين على تزوير التاريخ والجغرافيا والحقائق .. من غبائهم فكروا إنو القوة والتفوق العسكري بيلغي الحقوق وبيجبر أصحابها على التخلي عنها!!
أكيد همه ما توقعوا بعد أكتر من ستين سنه .. انهم رح يضطروا لبناء ( جدار برلين) في فلسطين .. وما توقعوا إنو رح تطلعلهم فتاه فلسطينيه بعمرها ما زارت فلسطين، وما انولدت فيها .. لتحكي عن اشتياقها لفلسطين .. وتسمي نفسها (دموع الغربة وأشواق العودة)
والحق دائماً يمد أصحابة بقوة الله