موضوع حابب أناقشه معكم ... يهم البنات بالدرجة الأولي

[قسامي غزة]

المشاركة الأصلية كتبت بواسطة pretty maroko ايي في كتيير هيك.. انا بعرف بنت اهلها فارضين الحجاب عليها قدام المجتمع والمحيط اللي عايشين فيه .. ولما يسافروا برة البلاد بتخلع الحجاب عادي .. يعني مش خايفين من نظرة الله قدما خايفين من نظرة المجتمع ..
انا لنقول الصراحة مش لابسة حجاب.. بس ان شاء الله الله يهيدني و يثبتني عالصراط المستقيم ... بس الحمدلله قايمة بصلي و بصوم و كلوا نابع من القلب يعني مش شكليات ابدا , وانا كمان بعرف بنات متحجبين بس شكليات .. اللي بدو يتحجب لازم يحترم الحجاب اول و شكرا عالموضوع التوعية..

صحيح اختي في ناس كتير مثل ما حكيتي
بس قدام اهلهم بيلبسوه
بس يا اختي لو تسمحي الي بما انك مبين عليكي فهمانة
وطبعا زي ما بتحكي مش لابسة الحجاب بس بتصلي كل الصلوات
وهاد نابع من القلب
اسمحيلي اني اطرح عليكي بعض الاسئلة

طبعا انا ما بعرف شعور البنت الي مش محجبة وبتصلي
يعني برايك انوا ربنا بيعطيكي اجر علي الصلاة وفي نفس الشي
بتوخدي ذنوب لما يكون شعرك مبين في الشارع
برايك يا اختي هل الي بتعمليه صح
يعني انتي هيك عاملة انوا الدين مش مترابط
يعني مثلا واحد بيصلي وبيعمل اشياء تغضب ربنا
انا برايي ما اظن اجر الصلاة الي الشخص بيكون لابس حجاب
هوا نفس الاجر الي بتكون البنت مش لابسة حجاب
يعني وانتي مش عايشة بعصر جهل حتي نقول انتي مش عارفة انوا هاد غلط
يعني في مقولة بتقول ساعة لربك وساعة لنفسك وهاي اكبر غلط
الدين كلوا مترابط وانتي اذا بدك ربنا يقبل منك كل اعمالك لازم انتي
تعملي الاشياء الي حكا النا عنها وتنتهي عن النواهي الي نهانا عنها
يعني اعذريني اذا كان كلامي في قسوة شوية
بس هاد نابع من خوفي عليكي من ربنا
وفي النهاية ارجو كلامي يكون مقنع الك
وربنا يهديكي ويهدينا جميعا