:: للمغتربين .. اتفضلوا وفضفضوا ::

[Pink Rose]

المشاركة الأصلية كتبت بواسطة Passera البلد الي مغتربه فيها ..

الكويت من 17 سنه :d

وشو رأيك فيها " عيوبها وحسناتها " ؟

عيوبها معظم الشعب عنده موقف من الفلسطينيين لانهم وقفوا مع العراق ايام الغزو
يعني بتحس انك شخص مو محبوب فيها

" بس في جزء كبير كمان بنحطوا ع الراس :) "

حسناتها الحياة فيها مريحة و الوضع المادي منيح و اصحابنا كلهم بالكويت


وهل بيشعر بانتماء لهذه البلد سواء كان مغترب للدراسه او العمل ؟

يس بانتماء و حب كبير بعد فلسطين


وشو الاشياء الي بحس بنقص فيها وبفتقده بالبلد الي مغترب فيه ؟

الامان و الثقة

- - - - -

شكرا ً ع الموضوع

Passera

العفو يا عسل .. نورتي

ما ننحرم هالطلة ^^

[Pink Rose]

المشاركة الأصلية كتبت بواسطة أسيرة الجراح يا عيني عليكي حبيبتي روز
من زمان نفسي افضفض


كل واحد يكتب البلد الي مغترب فيها .. طبعا انا مغتربة ولهيك رح ابدا احم احم ..........
انا فلسطينية مغتربة في الامارات
وشو رأيه فيها " عيوبها وحسناتها " ؟
مممممممم فعلا الغربة انها الها محاسن وعيوب
المحاسن : اول شي بتتعلمي اشياء جديدة وبتئابلي مجتمعات كتير مختلفة يعني بتاخدي من عاداتهم وطبائعهم وبتتعرفي ع ثقافتهم سواء كانو مواطنين هون او لا لانو في كتير جنسيات عربية واسيوية واجنبية وطبعا هون بالامارات في تطور اكتر ورفاهية اكتر وكمان بتغيري جو سفر وزيارة اهل بعدين بترجعي بس بضل الغربة مررة متل ما بيحكو
العيوب : طبعا والكل عارف انو الغربة جد صعبة ما في عنا اهل ولا اقرباء ولا وطن يالله شو بحن لتراب ارضي وبتمنى شوفها واكتر شي بفتئدو جمعة الاعياد ورمضان كمان كل الناس بشوفها مع العمات والخالات واولاد العم والخال ومع جدودهم الا نحن المغتربين
وهل بيشعر بانتماء لهذه البلد سواء كان مغترب للدراسه او العمل ؟
ما بكزب عليكي بحب الامارات بضل عشت فيها وكل ايام عمري فيها بس هون ستوب طبعا ما في شي بيربطني فيها اكتر من هيك مهما حكيت رح يضل الوطن غير
وشو الاشياء الي بحس بنقص فيها وبفتقده بالبلد الي مغترب فيه ؟
جوابي فوق
يعني باختصار كل الاعضاء المغتربين يحكوا كل اللي في بالهم عن البلد
اللي مقيمين فيها او اي شي بييجي في بالهم وهم في بلاد الغربة ..
انا حكيت اللي عندي
هم وانزاح فشيت غلي ههههههههههه
تحياتي أسيـــــــــــــــ الجراح ـــــــــــرة

أسيرة الجراح

هههههههههههه

الحمد لله انك فضفضتي ..

مبسوطة انه الموضوع عجبك ^^

منورة يا قمر :)

[Pink Rose]

المشاركة الأصلية كتبت بواسطة بنتـ الكرمـ البلد الي مغترب فيها
الكــويت

عيوبها وحسناتها
حسناتها: جميلة جدا بلد راقي فيها ناس طيبة
عيوبها : طائفية ومتل ما فيها ناس طيبة فيها ناس عاطلة
فيها الي بحب الفلسطيني وبحترمو وفيها الي بكرهو من كل قلبو

وهل بيشعر بانتماء لهذه البلد سواء كان مغترب للدراسه او العمل ؟
انا انتمي للكويت بصفتها بلد عربية مسلمة متل ما بنتمي لكل الدول العربية ولاني ولدت في الكويت اكيد لكن بصراحة كشعور لا أشعر بأني منتمية لأي مكان بهالدنيا , طول عمره اللاجئ بحس نفسه غريب لا أشعر الا بانتمائي لفلسطين , فلسطين هي أصلي والمكان الي يشعرني بهويتي بعيدا عنها انا مجرد لاجئة غريبة لا تنتمي لمكان

شو الاشياء الي بحس بنقص فيها وبفتقده بالبلد الي مغترب فيه ؟

باختصار بحس بالغربة بحس بالحرمان من كل شي فلسطيني بالحرمان من التجول في شوارع فلسطين من رؤية أشجار فلسطين وشم ريحة فلسطين والأكل من خبز فلسطين
ينقصني وطن اعيش فيه





ليش كتير متلهفة عالغربة ؟ مفكريتها حلوة ؟
بتتوقعي المعاملة راح تختلف ؟
ولا تكون احسن ؟
اذا هيك فانت غلطانه كتير !!!

احترامي

وشكرا لصاحبة الموضوع على هالفكرة الرائعه

بنتـ الكرمـ

مرورك الاروع يا عسل

شكرا كتير لردك :)

[Pink Rose]

المشاركة الأصلية كتبت بواسطة بنت النيل أنا مصريه وعايشه في السعوديه ومولوده فيها
هي بلد جميله كفليه إن فيها مكه المكرمه
بس الشعب نفسه أنا عن نفسي ما بستظرفه طبعا لكل قاعده شواذ
بس أول ما تلاقي مصري يخانق سعودي او حتي من غير ما يخانقه أول كلمه يقولها
÷نتوا المصريين معبين البلد الله يلعنكم انتو وحسن مبارك في ليله واحده ومن هالكلام
وامزايا أنها بلد مرفهة

بنت النيل

الله بعين حبيبتي :/

بشكرك كتير على مشاركتك

نورتي :)

[Pink Rose]

المشاركة الأصلية كتبت بواسطة الحلوة

كل واحد يكتب البلد الي مغترب فيها ..
الامارات (ابوظبي)

وشو رأيه فيها " عيوبها وحسناتها " ؟
والله ابوظبي كتير حلوة ومتحضره ومش زحمه متل دبي والشارقه

وهل بيشعر بانتماء لهذه البلد سواء كان مغترب للدراسه او العمل ؟
اكيد بلدي التانيه اكيد ما قصرت ولدت فيها ودرست فيها كل المراحل وحاليا بشتغل فيها
الها معزة كتير كبيره علي
وشو الاشياء الي بحس بنقص فيها وبفتقده بالبلد الي مغترب فيه ؟
اكيد اي واحد مغترب محروم من العيله والاقارب صح انو فيه شوي من اهلنا هون
بس كمان غير اتكون كل العيله موجوده من الجد للجده لفوق...
الواحد بيحن كتير لبلدو كل واحد هون عندو بلدو يروحها بالصيف والاجازات
احنا والحمدلله عشان الوضع السياسي محرومين منها عنجد يشي بيقهر كتير
الله يفرجها علينا يارب

موضوعك جدا رائع ومهم للتنفيس عن المغتربين..
يسلمو ايديكي ويعطيكي الف عافيه

الحلوة

الله يسلمك ويعافيكي يا قمر

نورتي الموضوع بوجودك

[Pink Rose]

المشاركة الأصلية كتبت بواسطة الطالب المجتهد موضوعك كثير حلو بنك روز

انا ساكن في الأمرات في عجمان حلوة عجمان مش بطالة بس دبي وابوظبي احلى بكثير وخصوصا القرية العالمية بتجنن من الحلاة ويسلمو

الطالب المجتهد

اهلا وسهلا فيك اخي

نورتنا بردك ورأيك :)

[Pink Rose]

المشاركة الأصلية كتبت بواسطة الفراشة الفلسطينية 1- انا سكان الاردن

و الاردن و ما ادراك ما الاردن


2-بما انه 60% من اهل الاردن اصل فلسطيني
فانا عايشة بين عيلتي
يس نفسي اعيش بين اهلي

3-انتمائي الاول و الاخير لفلسطين و بس


4-امنيتي اجي و اعيش ببلادي و على الاراضي الفلسطينية
بس قبل كل هادا بتمنى انو حماس و فتح يحطو ايديهم بايدين بعض
يعني لما شوف اردني بكون اول سؤال لالو : شو حضرتك مع حماس و لا مع فتح؟؟؟؟
طبعاً بحكي من راس انفه
و كل شوي بقولولك مليح منا انا معيشينك بالاردن
و الواه الواه لو تشوفوها _ صحرة- يا خيي

يعني مع انك بالاردن بتكون بين فلسطينية بس بضلو ال40%
بس و الله مو كلهم يعني في اردنية بنحطو عالراس



و يسلموووووو عالموضوع الرائع

الفراشة الفلسطينية

هلا فيكي يا قمر ..

وانا كمان من سكان الاردن

تشرفت بمعرفتك :)

[Pink Rose]

المشاركة الأصلية كتبت بواسطة مجهوووول انا من ابوظبي
وانا موخذ رايك يا ابن عمي بس شو هل الحكي دبي ازحم من ابوظبي بكثيييير اذا دخولها و خروجها بمصاري

مجهوووول

اهلا وسهلا فيك اخي

ما تحرمنا مشاركاتك :)

[الاردنية]

والله مش كل الاردنين زي بعض
ومش كل الفلسطنين زي بعض

ومش كل العرب زي بعض

يعني لازم في عنصرية

وطبعا هاد قمة التخلف

طيب انا كمان مغتربة وعايشة بالبحرين

كمان الشعب البحريني بيميز بين سني وشيعي

بس بصراحة ما بعرف ليش كل هاد الكرهه بين الاردنية والفلسطينية

وبصراحة إلي معمرين الاردن هم المصاروة (المصريين)

وأنا كمان بحكيلكم إنو في اردنين كتار بيحكوا عن المغتربين إنو ماخدين حقهم بس مش اصابيعك زي بعض

(وعلى فكرة انا عندي صاحبات كتار من فلسطين وبعتبرهم زي إخواتي )

[Pink Rose]

المشاركة الأصلية كتبت بواسطة الاردنية والله مش كل الاردنين زي بعض
ومش كل الفلسطنين زي بعض

ومش كل العرب زي بعض

يعني لازم في عنصرية

وطبعا هاد قمة التخلف

طيب انا كمان مغتربة وعايشة بالبحرين

كمان الشعب البحريني بيميز بين سني وشيعي

بس بصراحة ما بعرف ليش كل هاد الكرهه بين الاردنية والفلسطينية

وبصراحة إلي معمرين الاردن هم المصاروة (المصريين)

وأنا كمان بحكيلكم إنو في اردنين كتار بيحكوا عن المغتربين إنو ماخدين حقهم بس مش اصابيعك زي بعض

(وعلى فكرة انا عندي صاحبات كتار من فلسطين وبعتبرهم زي إخواتي )

اهلا وسهلا حبيبتي

اكيد معاكي حق . . كل شعب فيه الكويس وفيه السيء

وازا شفنا السيء اكيد ما لازم ننسى اللي فيهم الخير

ما في ابشع من العنصرية . . !

انا بالاردن وعندي كمان صاحبات كتار اردنيات

وبفتخر بصحبتهم . . لانه ما في منهم :)

نورتينا يا احلى اردنية . . ما ننحرم هالطلة الحلوة