المشرق العربي x المغرب العربي...و هاجس توحيد العرب [اسئلة تنتظر اجوبتكم]

[bEnOoO]

المشاركة الأصلية كتبت بواسطة sweet soul مرحبا يائمر ,,

ماهي نظرتك للمغرب العربي : المغرب.الجزائر.تونس.ليبيا و اعطينا نظرتك عن كل بلد منهم او لي بتعرفو معلومات عنن
انهم بلاد عربيه ومسلمه نا بالنسبه الي بعرف وحده جزائريه بتجنن وحبوبه كتيييييييير وعنا ئراريب مغربين كتير مهضومين ^^


2-هل سبق لك ان حاولت انك تتعرف على ثقافتهم.عاداتهم.لهجتهم

اه من البرامج عن المغرب العربي بس لهجتهم معئده شوي او مش متعوده عليها وكتير ببرمو فرنسي d:




3-هل بتحس انو هم بينتمو للعروبة ؟ ///*هان في ناس حكو انو لا هم ما بينتمو للعروبة*///

اه اكيد اصلا همي ازا بحكو عربي بحكو بالفصحه مع الناس الغريبين عن لهجتهم يعني بس كتير بدحشو فرنسي بالحكي هههههه
4-ليش في هوة او فجوة بي الشباب المشرقي و الخليجي و بين المغربي؟

يمكن بعاد عنا شوي ومايليين للفرنسيين او متأسريين بالحياه الغربيه اكتر منا بسبب الاستعمار والهجره
اهم شي كلنا خوان بالاسلام وعرب انما اكرمكم عند الله اتقاكم مش الجنسيه الي بتحكم الشخص
يسلمو حيآتي ^^

اهااا يعني انتى اختصرتي المشكلة في الفرنسي الي بيدخل في اللهجة
طيب انتى بتعرفي عن ثقافتهم اشي
نورتيني

[sweet soul]

المشاركة الأصلية كتبت بواسطة bEnOoO اهااا يعني انتى اختصرتي المشكلة في الفرنسي الي بيدخل في اللهجة
طيب انتى بتعرفي عن ثقافتهم اشي
نورتيني

لا لا مش هيك بس انا بحس هادا المنتشر اكتر شي

مابدي احكي اني بعرف كتير بس من البرامج الثقافيه عنهم مش اكتر يعني مارحت ولادرست شي متخصص

يسلموياعسل

[نور الهدى]

عدنا .. و العود احمد ^^

انا جزائرية و اصولي بربرية - قبائلية يعني - .. ما رح احكي اني بعرف كل شي عن بلدي .. لكن ع الاقل ممكن اعرفكم على طباع الناس و كيف بفكروا .. و ليش هيك الناس بتحكي فرنسي كتير

اولا بدي انبهكم انه الجزائر وحدها ضلت 130 سنة تحت الاستدمار الفرنسي .. اول ما دخلت فرنسا هدمت و اغلقت المدارس القرآنية اولا .. و الغت العربية من المدارس

و حتى بعد مرحلة الاستعمار العربية كانت غائبة للسبعينات .. فكل اللي درسوا بهاي المرحلة ثقافتهم فرنسي .. و والدي هيك مثلا ..

//

بس حتى في الكلام اليومي في كثير كلمات فرنسية معربة .. و في كثير كلمات ما بنحكيها الا بالفرنسي .. و هاي الظاهرة هي نتيجة طبيعية للاستعمار اولا .. و ثانيا انا بشوف اننا لهلأ محتلين من قرنسا .. ثقافيا .. اقتصاديا و اداريا و اعلاميا

و هون بدي انصح اي واحد بده يتعرف على الجزائر ما يروح على القناة الجزائرية .. لأنه برامجها ما تعكس ثقافتنا ولا حياتنا اليومية

انا اصلا ما بحضر برامجها ابدا

//

بالنسبة للشباب

غلط اللي بفكر انه الجهل منتشر بشكل كبير و انهم متأثرين بالغرب اكثر من الشباب الشرقي او الخليجي .. والله اللي بلاحظه انه الشباب الخليجي من اكثر الشباب المتأثرين بالثقافة الغربية ..

القصة بالنسبة للشباب المغاربي بشكل عام مش قصة تأثر .. لكن اللي بيتطلع على الاحوال هناك رح يفهم ليش الشاب كل همه هو انه يهاجر .. و هاد الشيء اكيد غلط

في المغرب العربي في فساد سياسي و اقتصادي و اداري مش طبيعي .. و صعوبة الحياة اليومية .. كل هاي العوامل بتخليه يشوف انه الحياة في الغرب احسن بكثير - مع انه العكس - .. و هالشي اكيد اله اثر

ممم

هلأ ليش في فجوة

ما بعرف بالزبط .. عن نفسي ما عمري حسيت بفرق بيني و بين الشرقيين او الخليجيين ..

لكن اللي بعرفه هو انه هاي نتيجة طبيعية لانعدام مشاعر الاخوة بين المسلمين :)

ملاحظة : الناس - و النساء خاصة - في المغرب العربي بفهموا معظم لهجات البلدان العربية و خصوصي المصرية مع انكم ما بتفهمونا ابدا خخخخ

كل هاد بفضل المسلسلات

//

طولت كتير ^^

يسلموا بينو على الموضوع الجميل :)