خيـــر جليس ..!

[نور الهدى]

* مانصيب الكُتب في ظل هذه التطورات ..؟

بدي احكي اولا عن دور التربية .. و دور الاهل في تنشأة الاولاد على حب المطالعة من صغرهم

للاسف كثير من الاهل اهملوا هذا الجانب .. و بدل ما يشجعوا الاولاد على حب الكتب .. ربوهم على حب البلايستيشن و الالعاب الالكترونية

آخر مرة كنت في مكتبة مدينة Lyon الرئيسية .. هاي مكتبة ضخمة جدا .. و فيها افرع كتيرة

المهم و انا قاعدة ادرس الا و انا شايفة مجموعة كبيرة من الاطفال اعمارهم يا دوب بين 5 و 8 سنين .. كانوا مع مدرسين اثنين

اجوا ليعملوا رحلة استكشافية داخل المكتبة !! تخيلوا .. و طبعا مش ممكن يطلعوا الا بكتاب معهم !

قعدت افكر بحال المجتمعات العربية .. للاسف في المجتمعات العربية هالشي ما بيحصل .. و الاهل عشان يبعدوا الاولاد عنهم و يرتاحوا .. يبعتوهم على غرفهم و يحطولهم اما على العاب كمبيوتر او على افلام كرتونية

بجد خسارة .. الله يصلح الحال

//

المهم بدي ارجع للسؤال المطروح ^^

برأيي انه ما لازم نستهين بالخطر الموجود .. و هو انه - بالنسبة للمجتمع العربي - حتى من غير تقدم كبير في مجال التكنلوجيا و المعلوماتية .. العرب ما بيقرؤوا .. ولا بفكروا يحملوا كتاب

هاد هو الواقع و ما لازم نضحك على حالنا ..

لذلك مسؤوليتنا كبيرة .. و المطلوب هو تدريب انفسنا على حب القراءة .. عشان نكون قدوة لاولادنا في المستقبل

ايضا المدرسة دورها اساسي .. لكن المدرسة مستحيل تحل مكان البيت .. لأنه الاساس من الاسرة :)

الله يصلح الحال

* ماهو آخر كتاب قراءته ..؟ مالفائده التي جنيتها منه..؟

حاليا بقرأ كتابين من الادب الفرنسي مع اني ما بحبه .. لسه ما خلصتهم

لكن بالنسبة للعربي فآخر كتاب هو للغزلي رحمة الله عليه .. اسمه من معالم الحق .. فائدته كطبيعة كل كتب محمد الغزالي .. كبيرة جدا

معلومات كنت بجهلها عرفتها .. اقرؤووووه ^^

* هل بالفعل انتهى عصر الكُتب ..! ؟

لا ما انتهى .. لكن اذا كملنا هيك .. رح ينتهي

//

طرح مميز :)