كم مرة حصلت على انذار في المدرسة

[الحلوة]

موضوعك جدا حلو بيزكرنا بمواقف عمرنا مارح ننساها..
هادا يا سيدي ايام المدرسه ماكنت بحب حصه الفيزياء ابدا ابدا..
وكانو اغلب الشله يا اما نلعب بين بعض اسم جماد حيوان لو بتعرفوها بالحصه
والمدرسه طبعا ما بتعرف او انو ناكل او انو نعد نبعت رسايل بين بعض..
لانو المدرسه الله يساهل عليها ماكانت تشرح منيح وكانت عجوز يعني ..
بعدين مره من المرات خططنا انو نهرب من الحصه وما ندخلها بالمره
وفعلا هربنا من الحصه وكنت بصراحه مرعوبه وضلينا نتمشى بالمررات متل الحراميه
ومرعوبين احلى شغله صارت اجتنا حاله من الهستيريا ضحك مش قادرين حتى نمشي او نركض
وبعدين واحنا بنلفلف عرفنا انو المدرسه راحت تشتكي علينا وعرفو الاداره واعدو يدورو علينا بس كانت اخر حصه وبعديها روحنا.. تاني يوم اعطونا ورقه انذار