هل فتاه النت سيئة ولا يفضلها الشباب *للفتاه حق التعليق

[همس المشاعر]

المشاركة الأصلية كتبت بواسطة دموع الغربة واشواق العودة

شوف يا اخي ..مش كل بنت بتقعد على النت سيئة ..سيئة او جيدة هاد بيعتمد على الترباية ..والمسؤلية ..وانها تكون على قد الثقة الي مانحينها ايها اهلها ..واكيد هاد بدو مراقبة من الاهل واشراف الاباء وبعدين هاد بترتب على المكان يلي فاتحة علية ..انا بالنسبة الي مش بس في بنات سيئات في شباب اكتر منهم ..بس البنت خصيصا والشب قبل مايقعدوا على النت لازم يكون عندهم خطوط حمرا ويعرفوا هم ليش داخلين المكان ويعرفوا اهمية المكان ويكونوا قادرين على انهم يكونوا على قد المسؤلية ..وبنخدعوش بسهولة وممكن يكون في بنات على النت احسن من بنات الواقع ..والعكس صحيح ..انا بالنسبة الي ..بابا كل اسبوع باخد لفة في المنتدى بيطمن وبروح ولمن حكيت لأهلي بدي اشترك بمنتدى امي اول وحدة رفضت ..وبابا وافق من دون كلام ..لأنو عارف المنتدى وعارف بنتو كيف مرباية ..اختي حاولت كم مرة تشترك بالمنتدى ..بس انا ماوافقت ..لأنها لسا مش مهيئة وبابا وقف معي ..المهم بس انا بدي اعرف ليش كتبت الفتاه السيئة مش الشب السيئ ولا البنت هي المعرضة للخطئ والشب صافي ..المهم طولت الكلام بس موضوعك حلو ومثير للجدل ووجهات نظر مختلفة .مشكووووووور ...موفق يارب

هلا اختي دموع
بارك الله فيكي
كفيتي ووفيتي

[حنين04]

بسم الله الرحمن الرحيم

أول شي شكرا عالموضوع أنا بصراحه من زمان بسأل نفس السؤال يعني خصوصا بعد ما سمعت عن وحده تركها خطيبها ما بعرف جوزها لما عرف انها بتشتغل عالنت مش متذكر القصه بالزبط هي من هون من عنا بالبلد بس المهم السبب الرئيسي هو النت

فخطر ببالي مجموعة أسئله: يا ترى انا بفتح عالنت أنا بنت مش كويسه؟؟؟؟؟؟؟؟؟أنا وثقانه من حالي اني كويسه ان شاء الله بس نظرة الناس الي يا ترى كيف حتكون؟؟
يعني رح أحكي هالشغله وصدقوها مش كذب الناس جاهله وخصوصا هون بالضفه المهم قبل فتره (س)من الناس وحده بحكيلها اني كنت بلنت اللي بالجامعه وما بعرف شو كمان حكيت المهم هي استغربت وحكت حكي فهمت منه أنه غلط افتح عالنت


الناس ماخده فكره غلط عن النت ببب الشباب والبنات بس على الأغلب الشباب اللي بستخدمو النت علشان المواقع الاباحيه وآسفه علهالكلمه


بس من ناحيه تانيه أخواني كلهم بفتحو عالنت وما عندهم مشكله اني بفتح النت يعني منتدانا أخوي مشارك فيه قبلي وهو حكالي هذا المنتدى كويس شاركي فيه في جروبات ومواقع بحكيلي لا تشاركي معهم وانا برد عليه


وبخصوص الصداقه عالنت أنا الي أصدقاء وأسماءهم مراد ومؤيد ومين كمان ..........بلاش بس هدول وللعلم هدول والبقيه همأخواني من أمي أبويمالي اصدقاء عالنت غيرهم