♪..مــــــآيــــك المــنــتــدى مـــع ~ شـهيـــد غ ـزة ~..♪

[limar]

الذين يشاهدون محتوى الموضوع الآن : 3 ( الأعضاء 2 والزوار 1)
‏limar, ‏:: محمد ::


منور محمد ^^

[limar]

((( اول مرة بشوف الليل ناقص بنجومو )))

((( اول مرة بيحكي الويل بيشكيلي همومو )))

((( حتى القمر الطالع )))

((( والمي الي عالشوارع )))

((( كلا عتابنة عليك كلا عتبانة عليك )))

بدي حط الاغنية بس خايفة نانا اتطب علينا



اصعب شي بالحياة برأيي هوة الانتظار

بكره انتظر

ما راح انتظر من يوم وطالع




(((( نحكيلو شو حكي )))

((( ونضحك حتى البكي )))

((( ومن يوما ما تلائينا )))


بحب الاغاني الهادية

ما في حدا معين

بس بحب فيروز ,, فضل ,, شيرين

[limar]

بعد النكد والزكريات منرجع

راح احكيلكم عن موقف صار


تخيلو تلائي بنت حالها بين خنائة شباب شو بصير

مرة من المرات

صارت خنائة بين شباب

خنائة ئوية

وبالصدفة كنت بمكان الخنائة اول ما بلشت

وبطلت ائدر اطلع

كنا انا وصاحاتي بالكافتريا

بلشت الكراسي اتطير فوقنا

وطلعو شباب وجابو طوب

وبلشت تحمى وتحمى

ولا سيكيورتي اجا

وانحيسنا تحت الطاولات

واز كرسي بيجي بنص رجلي

غير الوجع يعني انكسر كعب الكندرة

فوق مصيبتنا احراج كمان

ما بعرف كيف الشباب بفكرو

بعد ما اكلت الضربة انتبه واحد من هالشباب

و صار يصرخ البنااااااااات البناااااااااااات

انتبهولنا الشباب وحسو على دمهم شوي ووقفو خنائ وطلعونا

بس كانت باخرها

و بعد شو

رجلي ئعدت تجعني اكتر من شهر

وانخزينا صرنا نعرج من الوجع ومن الكعب المكسور

ايامات والله

صعبة خنائة الشاب

بصيرو يضربو بدون تفكير

الله يحمي الجميع

[limar]

هادا الرد رقم 1000 بالموضوع من نصيبي

نكمل السواليف

مرة من المرات

طلعنا رحلة على العقبة

العقبة المكان الوحيد بكل الاردن فيه بحر

المهم

رحت انا وبنات عمتي التنتين بدنا نركب دولفين البحر

هادا بكون متل بسكليت بس جوا البحر

اخدنا دولفينة وطلعنا

كل دولفينة ساعة او نص ساعة منلف فيها ومنرجع

المهم

عملنا حالنا ئبضايات

وصرنا نفوت جوا البحر

بئينا نفوت هيك لحتى ضعنا

والبحر صار غميئ كتير تحتنا

بطل يبين شي من الحجار والارض

بس اللطخات الي معي ما بيعرفو يسبحو

انا بعرف

صارو التنتين يبكو

وانا اضحك

همة ييكو وانا اضحك

بعدين بس طولنا مو عارفين نرجع حسيت بالخوف

ارتعبت صراحة

طيب انو وبعدين لئيمتا بدنا انضل

صرنا نرجع برجوع

بين معنا الشط

ووصلنا للشط بعد ما انهد حيلنا واحنا نمشي بالدولفين

المهم نزلنا ورحنا لعند ناس ما منعرفهم كنا ضعنا عن محل اهالينا

دلونا على مكان تسليم الدولفين

ومكان التسليم كان قريب من مكان اهالينا

بس بجد كان يوم فزيع

حرمت بعدها

اساسا كان كلو من تحت راسي انا الي بدي افوت جوى البحر

[limar]

فرفشو شوي

شفرنا الكمات مشان الرقابة

يا ليل مافيها شي مو


وااااااه مافيها شي كمان

[limar]

لما كنت صغيرة يمكن كان عمري 11 سنة

بابا وعدني ازا جبت معدل عالي انو يجبلي اورج

وسنتها مشان الاورج درست ودرست واخر السنة جبت ماشالله ماشالله يعني 98

وفعلا جبلي اورج

مو حيلا كمان من تبعون الحفلات

شي فخم يعني

وبلشت المواهب تطلع

صرت اتعلم عليه لحالي وصرت اعرف اعزف منيح

اول شي تعلمتو بتزكر موسيقى مسلسل رأفت الهجان

كنت احبها كتير

وصرت ازا سمعت شي عجبني اضل ورا الموسيقى لاعرف اعزفها

وبس كبرت شوي بالمدرسة

عرفو اني بعرف اعزف اخدوني لحفلات المدرسة مشان اعزف

كنا نطلع حفلات وطنية وهيك شي

صارو يسمعوني المقطع ويشوفو ازا فيي اعزفو

وساعدتني مدرسة موسيقى

ووقتها تعلمت الاكورديون

علمتني المدرسة

لئيتو اصعب من الاورج ما بعرف ليش

بس ممتع اكتر

ولهلاء ازا اجا عبالي بعزف وبتدرب

بس مو متل اول

هلاء نفسي اتعلم العزف على الكمان

ما بعرف ازا راح اتعلم او لا

[limar]

بدي احكيلكم شي

مرات كتير بحس بالشغلة ئبل ما تصير

خصوصا المصايب

هالشي بدايئ كتير

اكتر من شي صار بحياتي حسيت فيه قبل ما يصير

وفاة عمي ووفاة صاحبتي

مرة طلعت بتكسي كنت رايحة على الجامعة

ما بعرف شو صرلي كأني شفت حادث صار قدامي

حسيت حالي مجنونة انو مافي شي يعني الشارع ما مالو شي

بس حسيت انو قلبي انقبض صرت اقرأ قرآن

بعد ما مشينا مسافة بالتكسي

صار نفس الحادث الي انا شفتو او اتخيلتو

نفس المنظر الي شفتو

مرات الواحد بتمر عليه مواقف بيحكي انو صارت معي قبل

س انا الي صار معي مو هيك

الي صار انو شفت الحادث وتخيلتو

وبعد 10 دئايئ صار ئدامي

قبل وقاة صاحبتي ئعدت شهر وانا حاسة انو حدا راح يموت ما بعرف كيف

اروح لعند ماما ابكي احكيلها حاسة انو في حدا راح يروح

تحكيلي كيف يروح احكيلها ما بعرف

تصير تقرا علي قرآن وتحكيلي اقرئي وادعي الله

كل يوم على هالحال

هيك لحتى توفت صاحبتي بحادث سيارة

ووئت عمي كمان قبل باسبوعين حسيت انو حيصرلو شي

صرت كزب احساسي او ما حاول فكر بلي بحسو

بس مافي مرة حسيت بشي الا وصار

او حتى بحلم فيه

ما بعرف حتسدئوني او لا

بس الي بدي احكيلكم ياه

انو هالشي بدايئ كتير

من وئت ما احس بلي بدو يصير لحتى يصير بكون عايشة بئلئ وخوف

وكون بكزب حالي او بتهرب ما بدي افكر بس سبحان الله كيف

الحمدلله الي ما منعرف بالغيب

كان عطول عايشين بخوف

[الرمشـ الحساسـ]

>>> مش رح أحكي هلأ عشان الحكي ممنوع :(<

[limar]

اه على الايام ,,,

لم تبقي الا كلام ,,,

ماضي هوى ,, وتأوها وتحسرا

يا من بدمعي تعطرا ,,, وبعتم ليلي تكحلا ,,, وبفيض شوقي تجملا وتدللا ,, فتكبرا ,, وتجبرا


ما انتا يا قلبي فما زلت تهيم ,,, تشدو الليالي وكبوة حالي ونيل المحالي

ما انتا يا قلي فما زلت اسير ,,, رفقا بحالي الست تبالي بدمعي يا غالي




ر