♪..مــــــآيــــك المــنــتــدى مـــع ~ شـهيـــد غ ـزة ~..♪

[.!. وردة الأقصى .!.]

ماتنسي تحطي شعار المايك بتوقيعك لمورتي ..

[limar]

مرحبا من جديد

باك لليوم

من شوي رجعت على البيت

طلعت انا وماما واختي واخوي لفينا على فنادق وقاعات لحتى نشوف لعرس اختي

غيرت جو شوي

الجو برى كتير حلو

مافي برد

والله مرات البيت بكون ابرد من برى

مشوار حلو

زهئت وانا ئاعدة بالبيت بعد ما وئفت الدراسة

عمم دور على شغل بس بهالبلاد الناس الئاعدين اكتر من الي بيشتغلو

غالبا بئضي نهاري حاليا بين شغل البيت وطلعات

بروح عند صاحباتي ,,, صاحباتي بيجو عندي

بطلع انا وماما على شي كوفي شوب ومنأرجل

او انا وصاحباتي

الأرجيلة شي اساسي بحياتي

تعودت عليها من شي 4 سنين

من انا وصغيرة بابا بأرجل

كان دايما يطلب مني اعملو ياها

وسنة عن سنة صار عندي فضول اني ادوئها

لحتى عملت الي نفس فيه ودئتها وعلئتها

يمكن في ناس بتشوف هالشي صياعة بس انا ما بعمل شي من ورى اهلي

زمان كنت اعمل حساب للناس كتير ,,,

بس بعد تجربة ازا بدنا انضل نلاحئ ونسأل على كلام الناس ما منخلص

اهم شي نكون مقتنعين بلي منعملو ,,, والحمدلله مافي شي بعملو من ورى اهلي

اهلي الله يخليلي ياهن

كتير بفكروني انا وماما صاحبات

ماما تئبرني مو مبين عليها كبيرة

الناس بفكروها ادي

مو عني انا الكبيرة بس هية بتهتم بحالها كتير

صبية تئبرني

متفاهمين كتير ,,, ما بخبي عليها شي ,,, شو ما كان

بعرف حياتي حاليا مملة ,,, بس هادا حال كل الطلاب

سبب تركي للجامعة بهالوئت سبب خاص

لا سبب مادي ولا لاني انا بكره الدراسة

صار عندي مشاكل بالجامعة بس والله ما الي زنب فيها

وبعد هيك قررت يا بنقل من الجامعة يا اما ما بكمل

واهل مستصعبين اني اروح على اي جامعة تانية لانو كل الجامعات بعاد

والاردنية قريبة كتير علينا

بابا بخاف كتير لانو بضل مسافر

ما بحب نبعد عن البيت

وحئو هالشي

بس الله يسامح الي كان السبب

صعب لما الواحد يحس انو انزلم بشي هوة ما الو زنب فيه :(

ما بعرف ازا صح ان احكي سبب مشكلتي بالجامعة

حكيت لبعض البنات بالمنتدى

بفكر بالموضوع

ازا حدا شجعني

المهم

ما علينا

الله بعوض

والله ما بينسى حدا

[limar]

شو احكيلكم كمان !!

انا بموووت بالبيتزا

بحبها بكل انواعها

لو اكلها كل يوم ما بزهئ

احلا ايام بحياتي ئضيتها بالكلية

تخرجت من كلية القدس

انا واختي كنا بنفس التخصص ونفس المحاضرت

اختي اتاخرت على التوجيهي سنة

كان بئدر فوت على الجامعة بدون ما افوت الكلية

بس وئتها تيست وما رضيت الا تحاليل طبية

ومعدلي ما اهلني اني افوت تحاليل طبية بأي جامعة

ئلت بدرس دبلوم وبجسر

وفعلا ئدمت امتحان الشامل وجبت الخامسة على الكلية بمعدل ممتاز

وئبلوني بالجامعة عطول

كان يوم التخرج من احلى ايام حياتي

اتخرجنا بمسرح الارينا بجامعة عمان الاهلية

وخرجتنا الاميرة بسمة

احساس ولا اروع

بجد فرحة النجاح من احلى الفرحات الي ممكن نفرحها

معلش التعبير اهبل شوي

بالكلية كنت الزعيمة

زعيمة المختبر

كل المشرفات والمشرفين كان يفضلوني




كان عنا مادة اسمها هستولوجي

الجزء العملي من هاي الماد انو لازم انميز تحت المجهر انواع الانسجة والخلايا ونرسمها ونعين عليها كل الاجزاء

طبعا صعب كتير انو تشوف خلايا حئيئية وترسمها تمام متل ما هية موجودة

وانا كنت زعرة

كنت دايما اروح للمشرفة

ضاربة صحبة معها

احكيلها كيف هاي بتنرسم وكيف هاي وما بعرف شو

تئوم ترسملي الرسمة وتعينلي عليها

وبالاخر باخد اعلى علامة

بس كمان كنت لما تخلص المشرفة رسم اروح اودي الرسمة للطلاب اخليهم يرسمو متلها

مشان العدل يعني

وطبعا من ورى المشرفة

والله ما بكزب عليكم

حتى مواعيد الامتحانات كانو يعملوها متل ما انا بفضل

يعني طلاب بعترضو على موعد الامتحان

يروحو للمشرفين او المشرفات ما يئبلو يغيرو الموعد

يحكولي تواسطي

وفعلا بيتغير الموعد

ما بعرف ليش انا بالذات

بس انا كنت طول المحاضرة ما اهدا

اضل انكت وامزح وبنفس الوئت بكون مهتمة بالمحاضرة

ومركزة

وعلاماتي عالية بالنظري

طبعا بالنظري مافي مجال للمساعدة ابدا

بالعملي كانو يساعدوني

والحلو انو تقريبا كل المشرفين والمشرفات صغار

يعني التفاهم سهل بينا

[limar]

راح احكيلكم عن موقف محرج صار معي




يمكن هادا الموقف الوحيد

ما بتزكر انحرجت كتير

لا انحرجت مرة كمان

المهم

مرة كان عندي محاضرة

يومها فتت متأخرة على المحاضرة وكانت مليااااااااااااااااااانة

ما لئيت كرسي فاضي الا بالصف قبل الاخير وراي وحوالي كلو شباب

ما بحب ائعد بين شباب ما بحس بالراحة

بس خلص ضريبة التاخير

انا بلبس نضارات وئت ما اكون بعيدة عن الشي الي بدي اشوفو

المهم لبست النضارات لما ئعدت عشان اكتب بالمحاضرة

كان شب ئاعد وراي شكلو بدو يتحركش ئلي لو سمحتي

لفيت ال ممكن تنئليني شو هديك الكلمة

نئلتو وكملت نئل

واستملني طول المحاضرة شو هاي الكلمة وشو هديك وانا انئلو

المهم خلصت نئل وئمت النضارات حطيتهم على راسي

الا رجع بيبحكيلي معلش غلبتك بس اخر شي شو هديك الكلمة

رجعت لبست النضارات بس الغريبة اني ما شفت شي

كان الرؤية غير واضحة

حركت النضارات ومع هيك مافي شي واضح

الا الشب بيحكيلي لو سمحتي لفيت عليه وهوة بس شافني فرط ضحك

وكل الصف الي ورا شباب بس شافوني صارو يضحكو بصوت عالي

مدلي الشب واعطاني اشي بايدو وانا لسا مو مستوعبة شو في

بحكيلي عينك وائعة

اتطلعت لئيت عدسة النضارات بايدو

وانا لابسة النضارات عدسة وائعة والتانية لا

منزر بضحك جد

والاحلى اني مو منتبهة

اخدت العدسة وركضضضضضضضضضضضض لبرى المحاضرة

والصف الوراني كلو يضحك

وانا بس طلعت من المحاضرة ضحكت على حالي


المحاضرة الي بعدها اعتزرلي الشب وئلي اسف بس والله شكلك كان بضحك

[limar]

صباح الخير

صحيت من شي ساعة على ازعاج

صاحبتي بدها اروح افطر عندها

ال عاملة معجنات على ايدها وبدها اعطيها رايي

شطورة هية بالطبيخ

انا ما عندي خبرة بهالموضوع

من جديد تعلمت اعمل اكمن طبخة بس كمان ما بيزبطو منيح

من شي 4 شهور سافرت ماما واختي على سوريا

بئيت انا واخواتي بالبيت

عملت حالي ست بيت

وبلشت التجارب

واول طبخة عملت ملوخية

كنت ناوية اعزم حرحورة بس لما خلص الطبخة ئلت بلاها

راح تصير تكره الملوخية بعد ما اتدوئها من تحت اديي

وسمعت تعليئات من بابا واخواني طبعا

بس ئلت معلش كبداية لازم يصير هيك

وشوي شوي صار يزبط معي الاكل

بس اخر شي زهئت وصرت اجيب ديليفري

هيك لرجعت ماما من السفر

ومن وئتها ما طبخت ولا عملت شي

هلاء بعد ازنكم بدي اروح البس واطلع عند صاحبتي

هيها بترن


بس ارجع بكمل

تشاو