السعودية تقود حملة منظمة للتخلي عن القضية الفلسطينية

[haya-jor]

المشاركة الأصلية كتبت بواسطة @ نور @ ليش انتي معصبة ..
روقي و اهدي
عارفة انك حطيتي مقال
و عارفة رأيك .. و انا مش هون ت احاسبك .. ولا احاسب اي حدا لأنه مش شغلي
و ما حكيت انك مع الحكومة الاردنية ..
تعليقي على موقفك السابق كان على هاي الردود .. و كان في موضوع تاني بس ما عرفت وين راح
ردود الك على تعليقاتي
لكن عموما مش هون المشكلة
يا هيا الفكرة اللي بدي وصلك اياها .. هي انه حتى لو بعض الناس عارفين انه في تخاذل من بلدانهم .. ما رح يرضوا انه حدا غريب عن بلدهم يحكي شيء عاطل عنهم او عن حكوماتهم
لأنه بعتبرها اهانة ..
حصلي موقف مع بنت الجزائر مش عارفة ازا متذكرة .. زعلت لأني حكيت انه الجزائر كمان متخاذلة ..
و لو انها كانت عارفة مسبقا اني من الجزائر كانت ردة فعلها اكثر هدوءا .. لأنه بين الجزائريين تقريبا كلامنا كله عن الحكام عاطل ..
القصة و ما فيها يا هيا .. انه كل شخص في اسلوب للتعامل معه .. و مش اي واحد ممكن يفهم قصدك ازا ما اتبعنا اسلوب اللين و الرفق
و في النهاية من الجميل انه نعامل غيرنا بالاسلوب اللي بنحب انه غيرنا يعاملنا بيه .. بهيك ممكن المفاهيم تتصحح .. من غير مشاحنات و طوشات ما الها لزمة
بتمنى فكرتي تكون وصلت

نور حبيتي
اكيد انتي قرأتي الموضع تاع رانيا من البدايه انا لما قلت الادرنين غير عن الباقي ( بقصد الفلسطينيه الي بالاردن _ الاخوان _ ) ... ( واكدت ان الحكومه ضهرت مسرعه تتكلم بكلام فاضي .... لمجرد اسكات الشعب الغاضب )
انا ما تغنيت بالدم الي عبا الدنيا من التبرع ولا بالبطانيات وبالسكر الي بعتوه على غزه بالعكس تماما
لكن انا توقفت عند (مطالب مجلس النواب ) واخبار من السي ان ان انه في خطر بهدد المستوطنات من الادرن وكان ايظا في خبر انه في اطلاق نار من الاراضي الادرنيه ... وانا اقصد امتداد حماس للأرض الادرنيه وللشعب الاردني !!!! كان هناك في تحرك وموجت غضب لم يشهدها الشارع لادرني من قبل
وانا حددت ( ان من خرج بالمظاهرات وندد هم اهل البقعه والوحدات ... الخ ) يعني الفلسطينيه ...لا ارى ان هناك ما اتباهي به لكن ردي كان مبني على ان الشعب صرخ من اول طلقت نار في غزه واصر على اغلاق السفراه وطرد السفير الاسرائيلي .
وللعم فقط اصبح من المعيب ان يتباهى الشخص ببلده ( اذا كان من بلد عربي ) او شعبه ( اذا كان شعب عربي ) او حكومته ( اذا كانت حكومه عربيه) ....
طبعاً بتذكر ردك على بنت الجزائر .. واحرتمته جدا ... لأنو ببين انك انسانه واعيه وفاهمه وصادقه
وليش حتى الانسان مايرضى واحد غريب يقلو عن حكومته غلط !! معناته هو مع الحكومه ومع كل ما تقوم به


اما بالنسبه للأسلوب اخت نور ...
صدقيني انا مش غاوية مشاكل او طوشات .... بس ما بقدر استهبل نفسي وارد برد دبلوماسي لما يكون الشخص االامامي رده وكلامه ومنطقه واضحه وضوح الشمس ..ومثل ما قلتلك بموضوع اسمامه بن لادن الضاهر لازم اعيد النظر بكل اسلووبي وطريقتي بالمنتدى لأن الوضع اصبح لا يطاق بالنسبه لي وبالتاكيد بالنسبه لكم ...



كل الود اختي