مباراة كرة قدم بين حركة حماس وحركة فتح....

["الزعيم"]

سيداتي آنساتي سادتي ..
كابتن مصري يحيكم من استاد غزة الدولي
ويسعدني أن أذيع على حضراتكم مباراة كرة القدم بيني فريقي حماس و قتح في لقاء القمة الكبير
مباراة النهاردة قوية وفوق العادة وده واضح من الجمهور الكبير اللي جاي يشجع

على إيديك اليمين .. جمهور حماس الكبير بيلوح بالرايات الخضرة وبيهتف لحماس
وعلى ايدك الشمال .. جمهور فتح الكبير اللي جاي النهاردة بالرايات الصفرة وعندو أمل كبير في الفوز

تشكيل فريق حماس اللي لابس الفنلة الخضرة والشرط الأخضر وبيقوده رقم عشرة الكابتن خالد مشعل
حسن يوسف في حراسة المرمى
خط الضهر من اليمين للشمال
محمود الزهار .. اسماعيل هنية .. سعيد صيام .. عبد الفتاح دخان
خط الوسط من اليمين للشمال
خالد مشعل .. اسامة حمدان .. نزار ريان
بالإضافة لخط الهجوم
محمد ضيف .. سامي أبو زهري .. مشير المصري

تشكيل فريق فتح اللي لابس الفنلة الصفرة والشرط الاصفر و بيقوده الكباتن
محمود عباس
فاروق القدومي
نصر يوسف
محمد دحلان
عبد الله الافرنجي
زكريا الزبيدي
ابو علي شاهين
موسى عرفات
جبريل الرجوب
محمد رشيد
وكلهم لابسين رقم عشرة وبيلعبو راس حربة
بالإضافة لتوفيق أبو خوصة في حراسة المرمى وهو كمان لابس رقم عشرة !

بيحكم مبارة النهاردة الحكم التشريعي روحي فتوح والي كان معترض في البداية على حكاية ان فريق فتح كلو لابس رقم عشرة ومش معروف مين فيهم الكابتن
لكن زكريا الزبيدي أقنعو بوجهة نظرو بإسلوبه المقنع
والحمد لله ان الاقناع مأثرش على نظر الحكم !

طبعاً وكالات الأنباء والصحافة العالمية مهتمة بمباراة النهاردة وعلشان كده حتلاحظوا ان الملعب مليان صحفيين ومراسلين أجانب كلهم جايين يغطوا المباراة اللي حتنذاع على الهوا في بث حي ومباشر على أكثر من محطة فضائية وأرضية ..

واحد يسألني .. ليه يا كابتن المباراة مبتديش لحد دلوقتي ؟
في الحقيقة التأخير ده له حكاية ليها العجب
فريق فتح معترض على لون الفنلة بتاعت فريق حماس وبيقول انهم اختاروا اللون ده علشان يغيظوا بتوع فتح اللي لابسين اللون الأصفر ..

طبعاً أنا مسكتش ورحت بنفسي علشان أعرف إيه وجه الاعتراض على اللون الأخضر
قلت مين يا واد يا كابتن مصري اكتر واحد ممكن يفيدك في الحكاية دي ؟
ملقيتش غير الكابتن عبد الله الافرنجي اللي لسه جاي طازة من ألمانيا على اعتبار ان فريق فتح عندو نقص في الادمغة فاضطر للاستعانة بالدماغ الكبيرة اللي كان مرمي .. اسف .. اللي كان عايش في المانيا سنين طويلة واكيد انو اكتسب خبرة كبيرة أوي من البلد اللي خدت كاس العالم اكتر من مرة
سألتو ..
ليه يا كابتن معترضين على لون فنلة حماس مع ان اللون ده بعيد عن لون فنلتكم ؟
بصلي شوية وهو بيهرش في صلعتو (دماغ بئه ) وبعدين قال :
انت عارف ان ورقة الشجر الخضرة قوية ومتينة وفيها عافية على عكس الورقة الصفرة اللي بتكون ضعيفة وقربت تُقع وتموت
ولما حماس تلبس اللون الاخضر واحنا نلبس اللون الاصفر
فده يدي انطباع ان احنا زي ورقة الشجر الضعيفة وهما الورقة القوية اللي كلها نشاط وحيوية

( يا ابن الإيه يا دماغ ) !!

تصدقوا انو معاه حق
انا مكنتش فاهم الموضوع بالشكل ده !!
اتاري بتوع فتح هارشين أفكار حماس كلها حتى في موضوع اللون !!

اللي عرفتو بعد كده ان المشكلة دي انحلت بإن حماس تحتفظ بالفنلة الخضرة وتغير الشرط للون تاني ما عدا اللون الأحمر علشان جبريل الرجوب ييتعصب منو ..

لكن الكارثة الكبيرة ان قبل المبارة بدقايق رفض فريق فتح ينزل أرض الملعب لما عرف ان لون النجيلة هو كمان أخضر وطالب بتغير لون النجيلة والحقيقة دي حاجة صعبة أوي ومش عارف اذا كان في نجيلة لونها يمشي مع مزاج فريق فتح ولا لأ
لكن أدينا بنستنى إيه اللي حيصحل بعد ما تدخلت جهات خارجية علشان تشوف حل للون يرضي فريق فتح !

سيداتي آنساتي سادتي هاهما الفريقان ينزلان أرض الملعب
والظاهر موضوع النجيلة انحل لاني شايف ان الحكم ادى الكورة لفريق فتح علشان يبدأ السنترة بما إن الارض بتعلب فريق حماس

ويصفر الحكم فعلا لبداية المباراة وجماهير فتح بترقص وتغني وبتهتف لفريقها اللي لحد دلوقتي متفأوش مين اللي حيبدا السنترة وشكلهم بيتخانقوا على مين اللي حيستنر لكن محمد دحلان أنهى الخناقة وشاط الكورة برة الملعب


رمية تماس لصالح فريق حماس
لعبها عبد الفتاح دخان
توصل لنزار ريان
اللي رقص عباس
وبشيوط وبتعدي
من فوق راس الافرنجي
لمشير المصري
اللي لعبها على اليمين
من بين رجلين أبو علي شاهين
توصل لاسامة حمدان
اللي مشي بيها ورقص دحلان
ولعبها دغري
لسامي ابو زهري
ابو زهري فات من زكريا الزبيدي و موسى عرفات
وبيمررها على انضيف
لمحمد ضيف
ومحمد بيشوط صاروخ ..
وجوة الجوووووووووووون

الهدف الأول لصالح فريق حماس بعد مرور تلات دقايق من بداية المباراة و بكده تصبح النتيجة واحد صفر لصالح فريق حماس

الظاهر فريق فتح بيعترض على الهدف اللي حسبو الحكم
أنا شايف موسى عرفات خلع الراية بتاعت الكورنر وعايز يضرب بيها الحكم

طبعاً قرار الحكم لا رجعة فيه وكلنا شفنا ان الجون واضح ومفهوش حاجة
وبعدين الحكم ده بالذات اختارو فريق فتح
يعني مفيش داعي للتصرفات دي خصوصاً واحنا على الهوى والعالم كلو بيتفرج علينا

الله للللللللللل
ده في سلاح دخل الملعب !!
زكريا الزبيدي رقم عشرة
اسف نسيت ان كلهم لابسين رقم عشرة
قصدي اللاعب اللي لابس سلسلة وصابغ شعرو بمبي نزل بندقية لأرض الملعب وبيهدد الحكم يا إما يلغي الجون أو يموت واحد من الصحفيين الأجانب
دحلان ونصر يوسف بيهدوه وبيقلولو مش كده يا زكريا احنا مشكلتنا مع الحكم الخاين

دلوقتي جمهور فريق حماس فرحان وبيشجع اللعيبة بتعتو وجمهور فتح عمال يشتم في الحكم ويحدف طوب والظاهر في طوبة جت في دماغ الرجوب

أنا مش عارف إيه اللي بيحصل ده
الاستاد اتقلب فوقاني تحتاني و الأجانب بيجرو خايفين من الخطف الحمد لله اني مش أجنبي
الظاهر الحكم حيلغي المباراة لصالح فريق فتح وفريق حماس بيعترض على القرار وعلشان كده ححاول ألتقي بأي واحد من اللعيبة أجري معاه لقاء علشان نعرف إيه هو اللي حصل
أدامي الكابتن نصر يوسف أهو هناك يمكن يوضحلنا الصورة

ومعانا دلوقتي كابتن يوسف نصر وبنسألوا ونقول له
ليه معترضين على الهدف مع انو واضح انو مش أوف صايد ؟

يا أخي بتوع حماس عارفين ان ابو خوصة متعقد من الصواريخ واللاعب بتاعهم عارف كده كويس ومع ذلك برضو شاط شوطة صاورخ على الجون

طيب يا كابتن نصر يوسف .. مش شايف ان قرار الحكم بإلغاء المباراة لصالح فتح مع ان حماس هي اللي مسجلة الجون فيه ظلم كبير ؟

انا بحب اوضح للجماهير ان المباراة لم تلغى بسبب الجون ولكن بسبب الطوبة اللي جت في دماغ جبريل الرجوب وفتحتها وهذا اعتداء صريح على لعيبة فريق فتح ..

بس يا كابتن الطوبة جت من جماهير فتح اللي كانت بتحدف على الحكم مش من جماهير حماس اللي كانت مشغولة بفرحتها بالجون

لا أحد يستطيع اثبات هذا .. ثم اللي انصاب من فريق فتح وهذا يعطي الحكم أحقية لإلغاء المباراة لصالح الفريق المتضرر واحنا اتضررنا لما انفتحت دماغ جبريل الرجوب ودي أكبر دماغ عندنا

شكرا للكابتن نصر يوسف ومعلش مش حنقدر نسمع رأي فريق حماس علشان الأمن مانع الصحفيين بالالتقاء بيهم وعلى العموم كل حاجة كانت على عينك يا تاجر ومش محتاجة توضيح أكتر
أشكر لكم حسن مشاهدتكم وإلى اللقاء في مباراة أخرى

[أســ{ــمــرآنــ}ــي]

ههههههههههه

لا حلوه كتير المبااراه

بس شو الداعي لهيك موضوع ؟؟


يعطيك العافيه اخي الزعيم

["الزعيم"]

المشاركة الأصلية كتبت بواسطة asmarani

ههههههههههه

لا حلوه كتير المبااراه

بس شو الداعي لهيك موضوع ؟؟


يعطيك العافيه اخي الزعيم

يا هلا والله بيك اخي الكريم

نورت والله

بدك الصراحة

انا ما قصدت بالموضوع اي شي

بس الموضوع عجبني فحبيت انزله بالمنتدى

وان شاء الله ما بنزعل حدا

لاني والله ما بقصد في شي

غير شوية فرفشة للمنتدى

وربنا يكرمك ويجوزك اخي

[LoOoO LoOoO]

مووووووضوع لذيذ

ومباااااااراه قوية

ان شاءالله ماح يخسر

شكرا الك على الموضوع وعل الفرفشة

[صانع القادة]

تسلم يا زعيم هذا تصوير للواقع الى بيجري

الللللللللل اي ده الزعيم الى منزل الموضوع يا سلاااااااااام

حلوة حلوة حلوة موضوع جميل جدا جدا ييييييييي بفكر حالى بعلق على المباراة هههههههه

مشكوووووووووووووووور زعيييم <<<

[أبو يقين]

المشاركة الأصلية كتبت بواسطة صانع القادة

تسلم يا زعيم هذا تصوير للواقع الى بيجري

الللللللللل اي ده الزعيم الى منزل الموضوع يا سلاااااااااام

حلوة حلوة حلوة موضوع جميل جدا جدا ييييييييي بفكر حالى بعلق على المباراة هههههههه

مشكوووووووووووووووور زعيييم <<<

طبعاااا

لا تعليق

[همس المشاعر]

هههههههههههههههههههههههه
مباراة رهيبة وفيها نوع من الغيبة
تسلم يا غالي ""قصدي يا زعيم

[آية بنت فلسطين]

لا حول ولا قوة إلا بالله
وبعدين مع هالتمييز
انا لا مع هاد ولا هاد
بس عنجد خلونا حدا واحد

["الزعيم"]

المشاركة الأصلية كتبت بواسطة loooo loooo

مووووووضوع لذيذ

ومباااااااراه قوية

ان شاءالله ماح يخسر

شكرا الك على الموضوع وعل الفرفشة

اهلين اختي الكريمة

مرورك بجد جميل

ربنا يسعدك ويوفقك

["الزعيم"]

المشاركة الأصلية كتبت بواسطة صانع القادة

تسلم يا زعيم هذا تصوير للواقع الى بيجري

الللللللللل اي ده الزعيم الى منزل الموضوع يا سلاااااااااام

حلوة حلوة حلوة موضوع جميل جدا جدا ييييييييي بفكر حالى بعلق على المباراة هههههههه

مشكوووووووووووووووور زعيييم <<<

ههههههههههههههه

اهلين اخي صانع القادة

لا بتنفع تكون معلق رياضي هههههههه

مشكور عالمرور الكريم