بدي رأيكم الله يخليكم

[نور الهدى]

المشاركة الأصلية كتبت بواسطة اجمل احساس تسلمولي على ردودكم كلكم وهلأ بدي احكيلكم ليش هو بدو ينتحر بناء على طلب بعضكم مني، أول اشي هو صفر على الشمال من ناحية اهلو يعني ما بهتمو فيه بالمرة يعني مش عاملينلو حساب في اي اشي والسبب انو هو من النوع الانطوائي وبيحب يقعد لحالو

الحل بإيده في هاي النقطة

هو لازم يثبت نفسه و شخصيته

يفرض وجوده .. يشارك بالرأي .. يجتمع بأهله شوي

مش معقول يكونوا مهملينه لأنهم بكرهوه .. لأنه مستحيل تلاقي اهل بكرهوا ابنهم ..

السبب جاي منه .. و هو اللي لازم يغير نفسه .. و التغيير طبعا ما رح يكون بالسهولة اللي بنتصورها

لكن كل انسان عنده امكانية يغير

انا على يقين انه بداخله طاقة كبيرة .. و في جواته يمكن آراء بده يشارك اهله فيها

لكن ما عنده الشجاعة يطلعها

انا طبعا ما بعرف شو بقربلك هاد الشب يا اجمل احساس .. لأنك حكيتيلنا وضعه بشكل سطحي شوي

لكن ازا فيكي توصلي لأهله او تحكي معهم .. اكيد حتقدري تغيري الوضع .. و تعاملهم معه اكيد حيكون مختلف

قصة انه ما بحب يقعد مع الناس و يجتمع معهم اكيد الها سبب

اما موقف في فترة طفولته خلاه يكره الاجتماع بالناس و مخالطتهم .. و كبر و براسه هاي الفكرة

في كتير ناس هيك

او انه ببساطة شخصيته هيك .. و هالشي اله سبب اكيد .. ما بقدر اعرفه من غير ما يحكيه هو

لكن زي ما حكيتلك التغيير ممكن .. بشوية اصرار و عزيمة و رغبة رح يقدر يتغير و يغير حياته للافضل :)

تاني اشي هو خاطب وخطيبتو فبلد وهو فبلد وهما متعلقين فبعض كتير كتير بس بعاد عشان الحصار على غزة يعني بيستنو الفرج عشان واحد منهم يسافر للتاني ويتجوزوا وإلهم بيستنو اكتر من سنة

و هلأ هاد سبب مقنع للانتحار ؟؟

مممم

بهاي الحالة انا اشك انه متعلق بخطيبته اصلا ..

في اشياء بهاي الحياة مش ممكن نحصل عليها بسهولة .. لأنه ببساطة ما عندنا قدرة على تغييرها

لو كانت البشرية كلها بتفكر بطريقة اخونا كان انقرضنا انتحارا من زمان

الحياة والله اقصر من اننا نقضيها تعساء و حزينين بسبب انه والله ما فينا نحصل على اللي بدنا اياه

الشب هاد لازم يتعلم معنى الرضى اللي اشك انه بيعرفه

استغرب صراحة من الناس اللي بشوفوا لأنفسهم على انهم ولا شي .. و ما بعطوا قيمة لأنفسهم

ليش بشوفوا للناس اللي وصلوا لأهدافهم و لقمم الجبال نظرة اكبار و اعجاب ..

و بشوفوا بالمقابل لانفسهم على انهم اقل من الوصول لاهدافهم .. و اقل من انهم يتغيروا و يغيروا واقعهم

الواقع احنا اللي بنصنعه .. المؤمن هو من يصنع واقعه .. مش الواقع اللي بصنعنا

ازا الاهل او الاصدقاء او الجيران ما اعطونا قيمة .. فلازم نتذكر انه ربنا اعطانا قيمة .. و ما بهمنا لو الغير عرفوا قيمتنا او لا

ربنا اعطانا قدرات .. و هاي القدرات امانة .. لازم نستغلها ..

ازا ما حركنا هاي القدرات بانفسنا .. فما لازم نستنى انه غيرنا يحركها .. او انها رح تتحرك لحالها .. لأنه هالشي رح يكون حماقة و غباء !!

بالعزيمة رح نتغير .. و رح نغير و نأثر على الغير ..

//

كلامي موجه الك ياللي بدك تنتحر ..


مش ضروري يعرفوا قيمتك هلأ .. لأنهم رح يعرفوها بعدين .. لما تصير ناجح ^^

لكن لازم تغير طباعك .. ما رح يكون التغيير سهل .. لكن بالاصرار كل شيء ممكن صدقني

ما حدا انولد و هو غني .. و ما حدا انولد و هو عالم .. و ما حدا انولد و هو موهوب .. و كمان ما حدا انولد و هو مشهور و محبوب !!

كل واحد من هالاشخاص دور على قدراته و استغلها .. كل واحد فيهم اشتغل على تغيير سلوكه ..

و بالنهاية نجح :)

قصص النجاح كلها هيك

اشخاص كانت حالتهم سيئة .. و هما غيروا حياتهم

الناجح كان فاشل .. و الغني كان فقير .. و الموهوب كان واحد " عادي " .. كل واحد فيهم استغل النعم اللي بين ايديه و طورها

و صارت حياته قصة نجاح :)

وتالت اشي من ناحية دراستو هو مخلص دراسة وهلأ بيشتغل بس ماديتو مش كل هالقد يعني بيحوش عشان يتجوز ويفتح بيت

الله يكون بعونه

الماديات مهمة طبعا .. لكن زي ما حكيتلك من قبل لازم يتعلم الرضى .. الرضى باب للسعادة

و شو في بالدنيا اهم من السعادة ؟؟

هو الآن شب بمقتبل العمر .. هلأ بلش حياته .. و هلأ بلشت حياته العملية

فما لازم يستنى الغنى السريع .. لأنه ما رح يلاقيه

الدنيا بدها واحد قوي و عنده صبر .. و بدها رضى بما قسم الله لكل انسان

و تذكر انه ربنا ما بظلم حدا .. كل واحد رزقه رح يجيه لعنده

لكن اهتم اكثر بتغيير طباعك .. و اطمئن و اسعد بحياتك مهما كانت .. لأنه بالنهاية الحزن ما رح يجيبلك شيء .. مستحيل

الاكتئاب ما رح يغير الواقع اللي انت عايش فيه

و الانتحار ما رح يريحك .. لأنك مؤمن .. و عارف انه ربنا ما خلقك و ما اعطاك النعم لتقتلها بايديك

انت انسان ذكي .. و موهوب .. حتظلم نفسك و حتحرم ناس من عطائك لو قتلت نفسك

حتحرم خطيبتك اللي متعلق فيها منك .. مع انه ممكن يكون الفرج قريب .. بس انت تسرعت و تصرفت بطيش

//

كلامي والله طالع من القلب .. و بتمنى انه يكون مستقره القلب .. و انه يكون سبب و لو بسيط في التخفيف و لو جزء بسيط من معاناته