فضائية الاقصى وفضائية فلسطين

[نداء الوطن]

المشاركة الأصلية كتبت بواسطة ابن الانتفاضه بسم الله الرحمن الرحيم,.

اشكرك على طرحك الحلو نداااء فلسطين,,

يعني قبل ما نحكي عن الاعلام, وعن الفضائيات الي تابعه لكل حركه,,

نتفق عاشي اساسي ومهم انو حركه فتح وحركه حماس تريد كل منهما لفلسطين ان تتحرر من الاحتلال الاسرائيلي ولكن قد تنوعت واختلفت فيهما كيفيه اختيار هذا التحرير,,

ولكن للاسف الشديد لم يكن هذا الاختلاف اختلاف فكري او اختلاف في وجهات النظر فقط,, بل تعدا الامر الى اقتتال والى اراقه دماااء كان من المفترض بها ان تكوون من اجل هدف, ومن اجل مقدسات وطن ,, ومن اجل شعب وارض طااالت معاناتهما,,

يعني بالنسبه للمسميات الي بحكوها (ميليشيا حماس,, عصابات عباس وفياض ) يعني والله بالفعل امر مخزي وعار علينا احنا كفلسطينين.. ويا ر يت ازا وقف الامر على هالشي هاااد ,, شوفو بعض الفضائيات العربيه شو المسميات الي بحكوها..
بحكو عن جيش الاحتلال الاسرائيلي =جيش الدفاع الاسرائيلي,,
بحكو عن المستوطنات =مستعمرات
فلسطيني الارض المحتله 48 = عرب اسرائيل
الراضي الفلسطينيه المحتله = بحكو عنها الاراضي الاسرائيليه..
والمزيد من الالفااظ ايضا",,
يعني قد نقوول ماذا يمكن ان تغير هذه الالفاظ .. او ماذا سيحدث هذه القول تغييرا"؟
وأنا اقول ان التغيير يبدأ اولا" بالقوول ثم يتبعه العمل,, فسلوك اي شخص هو عبااره عن صوره لما يقول,,والدليل على ذلك ان بدايه الدعوه الاسلاميه بدأت ب.. قول المعتقد والشهاده به.. ثم بعد ذلك تلته الاركان العلميه,, وعليه انا ارى ان تغيير هذه الملافظ وتغيير المسمياات هي اول خطوه من خطى تحقيق العز والنصر والكرامه..


ولن ننتصر في اعمالنا ,, ما دامت الهزيمه باقوالنا,,

اشكرك على طرحك اخت ندااااء .

مشكور اخي على المشاركة وبحترم كل كلمه حكيتها
لانه احنا فعلا هدفنا الرئيسي تحرير فلسطين
وكل فصيل اله خطط خاصه فيه بغض النظر مين كان
والمشكله عنا برايي انه ما في تعاون كبير بين هالفصائل
والاحداث اللي بنمر فيها زادت الفجوة بينهم
احنا شعب بصريح العبارة ما لقينا حد من الشعوب الثانيه يدعمنا بالجهاد مع انه فلسطين ارض مقدسه لكل المسلمين والمسيحيين
ومع ذلك بعد اتكالنا على رب العالمين نتكل على انفسنا بالجهاد
ومش لازم نسمح لاي عدو يدخل بينا
لانه من اللي بصير عنا بخلي العدو يرتاح شوي وبحكي لما يخلصوا من مشاكلهم احنا بندخل
يعني هلا عدونا عايش بامان لانه ما في مين يزعجه
ولو كنا متفقيناكثر ما راح ينام اي مغتصب ولا تغمض عينه

ومثل ما حكيت اخي الكريم المسميات اللي بستعملوها الفضائيات العربيه احناكفلسطينيين ما بنقبلها وبالذات لما بحكوا عن الشهيد كلمه (قتيل )
هاي ممكن اكثر شي بتستفزني
والعمليه الفدائيه يحكوا عنها (انتحاريه)
وبما انه ما عنا رضى عن الاعلام العربي لاز ميكون عنا اصلاح باعلامناالداخلي
لانه احنا بكل بساطه جزء من الاعلام العربي
ولازم تكون الصورة عنا من الفضائيات الفلسطينيه هي الصورة الحقيقه وما نستنى اي فضائيه ثانيه تحكي عنا
ولازم نحاول وبكل جهدنا نطور هالفضائيتين اللي عنا
وكم اتمنى ان نصل لدرجه التوافق والتعاون بينهم
واذا كان بينهم اي نوع من المنافسه تكون منافسه شريفه ويحترمها كل العالم
نورت الموضوع اخي الكريم