طريقة بدائية لقياس ضغط الدم

[ماجد المهندس]

المشاركة الأصلية كتبت بواسطة ابن الانتفاضه شكرا اخي ماجد,,

بس انو يعني عاي اساس انبنت هاي النظريه؟ يعني اوكي فكرتك اساسها صحيح انو عضغط الدم مزبوط..

بس هون انتا بتستعمل ايديك التنتين,, وهاد بحد ذاتو غلط.. لانو اصلا بالحاله الطبيعيه عند الانسان في عندو اختلااف بسيط ( فارق) في الضغط بين اليد اليمني واليد اليسرى.. وايضا في فرق بالضغط لما يكون الانسان واقف , ولما يكون قاعد ههه.. فهاي الطريقه بعتقد انو للازم تعيد تفكر فيها ولا شو رايك...؟ :))

دمت بخير اخي

شكرا على مشاركتك ابن الانتفاضة.
شكلك ما قرأت الموضوع للنهاية, المهم انا ما حكيت أصلا انو هاي الطريقة معتمدة رسميا لقياس ضغط الدم, انا حكيت لا تاخدو على هاي الطريقة بالنتائج لأنها غير دقيقة (طبعا بتقدر ترجع للموضوع)
بالنسبة لموضوع الايدين طبعا فيك تستخدم يد واحدة او تستخدم التنين بس انا شفت من الأسهل اني احكيلكوا ايدتين عشان تعرفو تعملوها بدون صعوبة.
بالنسبة لموضوع الضغط واختلافه في الجسم طبعا كلنا عارفين انو في اختلاف في الضغط في جسم الانسان من القلب الى باقي أطراف الجسم, بس بالنسبة للضغط على الايدين ما حيكون الاختلاف كبير زي ما انت بتتصور بدليل لو جبت جهاز ضغط ووشفت ضغطك على اليد اليمنى وبعدها على اليسرى ما رح تلاقي اختلاف اكبر من (5 mmhg ) واذا طبقت النظرية اللي حكيتها انا رح تشوف انو الايدين بيطلعوا لفوق بنفس القيمة وصعب انك تفرق بيناتهم.

أرجو ان يكون كلامي مفهوم بالنسبة الك وياريت ترجع تقرأ الموضوع وتحاول تعملها مع زميلك مش عشان تعرف قيمة الضغط عندك بس عشان تشوف كيف الضغط في جسم الانسان وصدقني رح تنبسط لأنو الموضوع ممتع أكثر من انو علم

شكرا لمشاركتك وتحياتي