♪..مــــــآيــــك المــنــتــدى مـــع ~ شـهيـــد غ ـزة ~..♪

[أســ{ــمــرآنــ}ــي]

موقف محرج صااار معي ,,
كنت بمحاضرة لمادة من تخصص ادارة الاعمال ,
كان مدرسة المادة اسمها سوسن ... دمها خفيف ومحاضرتها مهضومة
يعني ما كنت أطنشها كتير ,, وبحضرها دائما ,,

وبمحاضرة منهم , كان الجو كتير شووب , وأنا قرفااان وجيعاان
قااعد ع الكرسي وجسمي بالمحااضرة ,, وعقلي الله بعلم وين أراضيه ،
والمس سوسن عم تشرح وتحكي ، وفجأه سمعتها بتحكي اسمي ,

اطلعت عليها وحكيتلها نعم ، أنا فكرتها سألتني سؤال ,
فحكتلي الست سوسن وهي بتضحك

"
مجاهد ما بدك تشيل نظرك عن البنت اللي قااعده قدامك ,,
إزا عاجبتك لهاي الدرجة , شو رأيك أطلبلك إيدها هلأ بالمحاضره ،

"

أنا أنصدمت , أنصعقت , صااار وجهي أحمر من كتر الخجل ,., أطلعت ع البنت
لقيتها هي كمان وجها أحمر يا حرااام ،
والطلاب بالمحاضرة عم يضحكو ,,

حاولت أتعامل مع الموقف بروح رياضية , وحكيت للمس ، اه انا موافق اطلبيها ,,

ممم البنت الله يستر عليها حلوة , بس والله ما كنت اطلع عليها ،
يمكن نظري بإتجاها , بس مو شايفها , لاني عم افكر بشيء تاني وعقلي برا المحاضره كلها ,,

شو بدكم بكتر الحكي ,, كان الموقف جدا جدا محرج الي ,, اتمنيت الارض تنشق وتبلعني قبل ما
يصير هاد الشيء ،
تبا للمس كيف خطر على بالها تحكيلي هيك , تراعي مشااعر الانسانيه ، منها لله ههههههههههه

وبعد المحاضره بتحكيلي المس سوسن ,, شكلي أحرجتك !! ياااا ربي لأ ما احرجتيني
خلتني أدوووب بملابسي ,, وبالآخر بتحكيلي شكلي أحرجتك .. شو هالعالم هدوول

[أســ{ــمــرآنــ}ــي]

قبل شوي شفت مجموعة صووور ولقيت بينهم بالصدفة هذه الصورة





عرفتوا شو هاااد !!

هاد يا جماعةحماار أبيض


لما شفت الصورة ,, أتذكرت شيء مر علي ,
ع فكره قبل ما ابلش بالموضوع , أنا بخااف من الحماار

طيب نرجع لموضوع الحمار الأبيض ,
القصة وما فيها ,
كنت مروح من رام الله لجنين , ولما مرينا بقرية من قرى محافظه طولكرم
وع جنب الطريق كان ماااشي حمااار لونه أبيض ،
بس مو زي بقية الحمير ,.,
ماشي بهدوء , وشوي شوي ، وحيد , راسه بالأرض ,
وجه مبين عليه الذل والإهانة ,
بجد شو ما احكيلكم انه علامات الذل واضحه عليه ، ما حقدر أوصف منظره ,

شكله قرفاان وطفشااان من كل الحياة ,
هلأ لما شفته حكيت لشفير السيارة يخفف من السرعة , ولما وصل جنبنا بالزبط .,
شغلنا زامور السيارة , وع الفاضي ما رضي يرفع راسه أو يطلع علينا ،

تركناه ومشينا ,, بس بحياتي كلها ما بنسى منظره ,,

[أســ{ــمــرآنــ}ــي]

مساكم الله بكل خير ,,

بدي أحكيلكم عن علاقتي بالنت والمنتديات وكيف وصلت لمنتدى شبااب فلسطين ,,

بلشت علاقتي بالنت من صف عاااشر ,, لكن كانت لبعد ما خلصت التوجيهي , شيء ثانوي بحياتي ,
يعني يا دوب أستعمله ساعة باليوم ,,

أما بعد ما دخلت الجامعة , بلشت استعمله اكتر , وأتعلق فيه أكتر ,
وزاد عدد الساعات الي بقعد فيهم ع النت ,,

مممم
عرفت هاد المنتدى عن طريق العم قوقل ,, كنت ابحث عن مواضيع
فطلع موضوع منهم هوون بالمنتدى , دخلت وعجبني الجو
وردود الاعضااء ,, فسجلت فيه وصرت اشاااارك وهي هلأ متل ما انتو شايفين ,
لسه معكم ,,

قبل ما اسجل بمنتدى شباب فلسطين ,
سجلت بكتير منتديات , بس ما كنت اشاارك
الا بمنتدى وااحد هو " منتديات ابو الرب " ,, وما زلت بشااارك فيه


بصرااحة , الجو الي بهااد المنتدى ما شفته بغير منتدياات ,
لهيك سجلت هوون وضليت قااعدلكم ,,
وانشاء الله اني بضل معكم على طووول ،

[أســ{ــمــرآنــ}ــي]

قبل ما أترك المااايك , بدي أحكي عن بعض الاعضااء ,,

اللي بتذكر اسمه حاكتب عنه ع طووول ,

::~ محمود ~::

أول شيء عملته لما سجلت بالمنتدى , بحثت عن مدير الموقع ,
هيك طبعي

قرأت شوي من ردوده ,
ولفتت نظري الصورة الرمزيه الي كان حااطها ,
أتوقعت يكون شخص جاامد , بس طلع غير هيك
بمزح .. وبوخد وبعطي مع الأعضااء

بعجبني أكتر شيء فيه , طريقة تفكيره , ونظرته للأمور
وكمان كيف بتعامل مع المشاكل الي بتصير بالمنتدى وبين الاعضااء،
لما نحتاجه بنلاقيه ,, كان الي معاه احتكاك بسيط ,
أحتجت حل لمشكلة فنية واجهتني بغير منتدى ,
فكان اول من ساعدني لحلها ,
الله يجزيه كل خير ،
ويخله لأهله وللمنتدى ويحفظه من كل سوء ,,

[أســ{ــمــرآنــ}ــي]

::~ اسراء الفلسطينيه ~::


مافي بيني وبينها اي اختلاط بالمنتدى
حتى يمكن ما عم تشارك بمواضيعي
الا انها لفتت نظري بسبب اسمها " اسراء " ,,

كمااااااان في شيء ما بنساااه ابدا ,
اسراء هي عملت موضوع تهنئه الي بعيد ميلادي اول ما سجلت بالمنتدى ,
بصراحة وقتها فاجئتني ,, وكانت لفتة كتير حلوة منها ،
(( ثاانكس اسراء ))

والمرة الجااي بدي حفلة اكبر بعيد ميلادي .. أوووكي

[أســ{ــمــرآنــ}ــي]

::~ دموع الحنين ~::


بنوتة الخليل المميزة ,,
أول ما سجلت بالمنتدى , لفت نظري توقيعها ،،لانو كان يعنيلي شيء

وبعد هيك أثبتت تواجدها معنا , وصااارت تتميز بمواضيعها
وتعليقاتها ,,
وبما إنها من الخليل فأكيد حتكون خفيفة دم , ومهضومة ,,
قريبة من القلب , وشخصيتها جذابة ,,
بتمنى تبقى معنا ع طووول

[أســ{ــمــرآنــ}ــي]

::~ صدى الحب ~::


صدى الحب من أروع الاعضاء الي إنضموا جديد للمنتدى ,
تعليقاتها كتير حلوة ,
نشيطة وبنشوفها بكل مكاان ،

انشاء الله بضلها ع طوول معنا .

[دموع الحنين]

المشاركة الأصلية كتبت بواسطة asmarani

::~ دموع الحنين ~::


بنوتة الخليل المميزة ,,
أول ما سجلت بالمنتدى , لفت نظري توقيعها ،،لانو كان يعنيلي شيء

وبعد هيك أثبتت تواجدها معنا , وصااارت تتميز بمواضيعها
وتعليقاتها ,,
وبما إنها من الخليل فأكيد حتكون خفيفة دم , ومهضومة ,,
قريبة من القلب , وشخصيتها جذابة ,,
بتمنى تبقى معنا ع طووول

:36_7_8[1] شكـــــــــرا علـــــــى رأيـــــــك فيـــــا :36_7_8[1]

وانا بصراحة ببــــادلك بنفـــــس الشعــــــور

:36_9_2[1] يسلمو

[إسراء الفلسطينية]

المشاركة الأصلية كتبت بواسطة asmarani

::~ اسراء الفلسطينيه ~::


مافي بيني وبينها اي اختلاط بالمنتدى
حتى يمكن ما عم تشارك بمواضيعي
الا انها لفتت نظري بسبب اسمها " اسراء " ,,

كمااااااان في شيء ما بنساااه ابدا ,
اسراء هي عملت موضوع تهنئه الي بعيد ميلادي اول ما سجلت بالمنتدى ,
بصراحة وقتها فاجئتني ,, وكانت لفتة كتير حلوة منها ،
(( ثاانكس اسراء ))

والمرة الجااي بدي حفلة اكبر بعيد ميلادي .. أوووكي

الله يخليك و يسعدك والله يا اسمراني

تواجدك معنا فعلا حلو كتير

و ما شاء الله عنك..

بتذكر اول ما سجلت معنا دغري أثبتت وجودك ..

ان شاء الله ع طول بتبقى معنـا .. و بتنوّرنا بمشاركاتك الحلوة :)

استمتعنا كتير بالقصص يلي حكيتلنا ياها ..

الله يجعل إيامك كلها سعآدة يا رب :)

و شكرا الك عشان اتذكرتني بكلامك

[أســ{ــمــرآنــ}ــي]

المشاركة الأصلية كتبت بواسطة إسراء الفلسطينية الله يخليك و يسعدك والله يا اسمراني

تواجدك معنا فعلا حلو كتير

و ما شاء الله عنك..

بتذكر اول ما سجلت معنا دغري أثبتت وجودك ..

ان شاء الله ع طول بتبقى معنـا .. و بتنوّرنا بمشاركاتك الحلوة :)

استمتعنا كتير بالقصص يلي حكيتلنا ياها ..

الله يجعل إيامك كلها سعآدة يا رب :)

و شكرا الك عشان اتذكرتني بكلامك

مشرفتنا العامة اسعدني تواجدك هنا ,
فوجودك بين صفحاات ذاكرتي فخر لي ،
ادعو ربي أن يجعل ايامك مليئه بالفرح والسرور,
وأن تبقي معنا ع طووول ،
نورتي اسراء .