شباب فلسطين

أســ{ــمــرآنــ}ــي · 11-18-2008, 09:59 AM

بتعرفوا إنها الطبيعة بتجذبني كتير ,
كتير ناايس منظر الشجر الصبح بكير ، مع صوت العصافير ,,
بكوون كتير حلو وجوها منعش ,,

بيتنا محاط بالشجر وكتير أيام خاصة بالصيف بصحى على صوت العصااافير

بحب كل فصول السنة , الخريف ، الشتا , الصيف والربيع ,
كل وااحد بكوون الجو فيه مميز وخاص بهداك الفصل ,
بالصيف ما بحب كل اليوم , بفضل منه الوقت بعد المغرب حتى الفجر ,
لانو بتكون الشمس مو موجودة ،

أما الشتا جد ناايس , لما تكون مطر كتير بوقف ع الشباك برااقب المطر ,
أو حتى أحيانا بطلع أمشي تحته , جربوها كتير حلو تمشي تحت المطر ،،
بس الشتا مشكلته بالليل , ليله كتير طويل وبزهق ,
بشعر بالكآبه فيه

ما بحب أكون وحيد , بصراحة بخااف من الوحدة ،
إلا أحيانا بهرب من كل الناس , وبضل لوحدي,
بحب يكون هناك انسان يشاركني همي وحزني وألمي ,
إلا اني بخفيه بصدري وما بحكيه لحد ،
بعالج جروحي لوحدي , ومهما كنت متألم , بحاول أظهر قدام الكل إني طبيعي .

هذا الشيء بالذات أقرب أصدقائي بعرفوا إنه موجود فيي ,
ودائما بحكولي شخصيتك مليانه تناقض ,
كيف ما بتحب تكون وحيد , وبتخفي كل شيء بصدرك وما بتحكيه لحد ؟

بكره كلام الناس اللي ما بيخلص , وتعليقاتهم البايخة وإنتقادهم لكل شيء,
بالعادة ما بسمع كلامهم إزا كان تصرفي ما فيه شيء غلط ، ولما أعمل شيء
آخر همي هو كلام الناس ,,

أنا عنيد ,, وإزا حكيت كلمة , صعب أتراجع عنها ، خاصة إذا كنت على حق ,
بس بالنقااش انا مو عنيد كتير ,. بسمع رأي الغير وبتقبله إذا كان مقنع .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء