هل انا عربي ام اجنبي ؟؟؟؟!!!

[دموع الغربة واشواق العودة]

المشاركة الأصلية كتبت بواسطة AMJAD دموع الغربه موضوع مميز
القواعد العسكريه الأمريكية منتشره في كل الخليج .. من زمــــــــــــــــــــان ، وللعلم تُعتبر أرض أمريكية (كالسفارات)، ولا يحق للدولة المُستضيفة ـإن صح التعبيرـ أن تتدخل في هذه القواعد، وهي موصوله بخطوط إمداد أمريكية وبوارج وطائرات حربيه.
بعدين تعالوا لهون: ليش زعلانين؟ هاد هوه النظام العالمي الجديد، (العولمه): العمل الدولي المنظم في ديوان البيت الأبيض، وتحت رعاية أسد الغابة (الكونغرس)
بالنسبة لقصة (الأجنبي والعربي)، هاد بيضل لقب لغير المواطن السعودي (كحقوق مواطنه)، لسه كيف لو تعرفوا إنو السعودي ممنوع من الزواج بأجنبيه داخل السعوديه، لأنوا إزا تزوجها ما بتعترف الحكومه بأولادهم، ونفس القصة (للأجنبي)إزا بدو يتجوز سعوديه ومنع الأجنبي من حق تملك العقار، ونظام (الكفيل السعودي) للوافد الأجنبي (إللي بيعطه حق ترحيل الوافد الأجنبي متى أراد)
ولسه هاد كلو بيهون عن معاملة (العربي) على المطارات العربية ونقاط الحدود والموانيء .. ويا سلام إزا بيكون (عربي فلسطيني) .. إرهابي حتى تثبت ـإدانتهـ
هلأ الحكومة السعودية بتحكي: إزا بدنا نساوي في الحقوق بين المواطن السعودي (والعربي الأجنبي) كان السعودية صارت إقليم مصري بمسمى سعودي!!! وهاد واقع
واخيراً (أنا عربي أم أجنبي) .. أنت كائن حي لا يحق لك التكلم بأكثر من كلمتين (عاش المليك)أو من باب الإنسانية والتسامح، يحق لك (بدي آكول، بدي أشرب)..

مشكووووور خيو امجد ....كلامك مؤثر بس انا ماسمعت بأنو السعودي ممنوع يتجوز من فلسطنية اوغيرها ...لأنو بعرف ناس كتييييييييير اتجوزوا من سعودين واخدو الجنسية كمان
كتيييييييييييييير بيقهروني ...تسلمو اديك خيو

[هادي]

المشاركة الأصلية كتبت بواسطة دموع الغربة واشواق العودة

مشكووووور خيو امجد ....كلامك مؤثر بس انا ماسمعت بأنو السعودي ممنوع يتجوز من فلسطنية اوغيرها ...لأنو بعرف ناس كتييييييييير اتجوزوا من سعودين واخدو الجنسية كمان
كتيييييييييييييير بيقهروني ...تسلمو اديك خيو

صح كلامك في كتير.. بس بيتجوزوا بطرقتين..
الأولى تزوير الأوراق الثبوتيه، حتى تصير الجنسية سعوديه، والتانيه أنهم يعرفوا أمير أو راحد من العائله المالكة..

[دموع الغربة واشواق العودة]

المشاركة الأصلية كتبت بواسطة AMJAD صح كلامك في كتير.. بس بيتجوزوا بطرقتين..
الأولى تزوير الأوراق الثبوتيه، حتى تصير الجنسية سعوديه، والتانيه أنهم يعرفوا أمير أو راحد من العائله المالكة..

اخوي امجد انا مابدي اعارض كلامك بس انا بعرف وحده فلسطنية تجوزت سعودي وبعد ماخلفت تنين
من ولادها صارت تابعه لجوزها واخدت جنسيتو واقمتها تابعه لأقامتو ومابيعرفو لاملك وامير ولامزورين اوراق بس ............الي بتجوز من اجنبية بتغلب في كل اشي الاوراق الرسمية والاقامة والتحاليل
...................الخ ...مشكووور على المرور