اخر ما توصلت له الغربة للشخص المسلم .. موضوع للنقاش

[دموع الغربة واشواق العودة]

شوف اخوي الدراسة في بلد مش بلدك الها سلبيات والها ايجابيات والها اصول
في البداية في ناس لمن يسافروا بينسوا اصلهم لهجتهم حضرتهم تقليدهم فمثلا بتسافر امريكا بتقعد كم شهر 4او5شهور بترجع على بلدها تحكي امريكي ...ونص كلامها بتبدلو فمثلا كلمة السلام عليكم بتخليها هاي وكلمة مع السلامة بتخليها باي ..
ثاني اشي بتعمل كل جهدها او الناس مايكتشفوا هي من وين يعني اتصير زيهم الي كانت بتغطي شعرها بتكشفوا
واللي مابتسمع اغاني بتسمع يعني حللو الحرام ...وصاروا يحبوا مغنين اجانب
ولمن يرجعوا على بلدهم بيعتبروا اهلهم جهلاء لأنهم مابيعرفوا هداك المغني اوهداك الممثل
ثالث اشي واللي هوالاهم ..انو مثلا شاب بيروح يدرس ودراسته مطوله بيتعرفلوا على وحده اجنبيه وبحبها
وبيتجوزها في ناس بتتجوز امركية بس يتعرفها على الدين الاسلامي وبتخليها تحبوا وتسلم لكن ناس بيحكوا بعد مايتجوزا هاي مرتي ومابأدر اخليها تسيب عاداتها ..........بيحكي هيك وهو بكل سهولة بيسيب عاداتوا
نسي لبسوا نسي لغتوا نسي شعبوا ......................
وزي ماانتا شايف هادي بس ملا حظة وان شاء الله بتفيد الاعضاء والزائرين .....

[إسراء الفلسطينية]

قررت اني ما اجاوب ع كل سؤال لحال ..

لانو بالنسبة الي صعب ..

بما اني عايشة بالغربة و درست فيها من أول ما دخلت المدرسة .. فبأكدلك انو مش مشان الواحد عايش ببلد أجنبية و غير اسلامية .. معناه انو الواحد ينسى دينه و ينسى وطنه ..

و هاد كلو طبعا ً اول ع آخر بيرجع لتربية الأهل ..

اذا الأهل زرعوا من الطفولة بقلوب أولادهم التعلق بالدين و الوطن .. فهل شي رح يضل معهم لحتى يكبروا

لانو انا شفت العكس .. بحس انو الواحد بتعلق بدينه و وطنو أكتر ببلاد الغربة ..

و بيفتخر كمان قدام يلي حواليه .. يلي هني غير عنو تماما ً و مش مسلمين أصلا ..

بما اني بحس حالي غير عنهم .. بس الاشياء يلي بختلف عنهم فيها .. هيي اشياء برفع راسي فيها ..

..

بالنسبة للدراسة .. فدراستي و علمي و شغلي ان شاء الله بالمستقبل حقدمه لبلدي ..

صحيح اني عشت تقريبا كل حياتي ببلد غير اسلامية .. بس في ناس أحق انهم يستفيدو من تعليمي .. اللي هني أهل وطني .. و يلي محتاجين لهل شي أكتر ..

:)

خيي تحدوه شكرا الك ع هل موضوع الحلو

و الله يوفقك بدراستك يا رب :)

و ترجع على فلسطين بخير و سلامة