~ 10-رمضـان || رمضـان بدوام .. أم بدون دوام .. أيهـمـا الأفضل بنظرك ؟Girlz~

[ღ لآلئ الجـنان ღ]

{ السـلام عليـ ك ـم ..

كيف القمامير اليوم ؟!

يالا رأيكن ..

البعض عندهم دوام برمضـان .. والبعض ..خلصوا دوام برمضان

انا من المجموعة التانيه

وبعض صحباتي من المجموعه الأولى

انا بقولها رمضان بدوام ( شرط بدون امتحانات )أحلى

وهي بتقولي

رمضـان بدون دوام أحلى

قال عشان في امتحانات

بالاخير اقتنعت انه للحالتين ..

في محاسينهم ومساوئهم ..

انتو شو رأيكن .. والي بتداوم برمضان شو احساسها .. والي ما بتداوم شو احساسها؟

,،,،,

تابعــــونـا بالزوايــــا ..

وكونوا بـ ( سعـادة دائمة )

[ღ لآلئ الجـنان ღ]

شعار اليوم ::

لو كانت النبوة بالتنافس لتسابقنا عليها

.

.

..........

[ღ لآلئ الجـنان ღ]

قصة & عبرة



يروى ان عمر رضي الله عنه



سأل الرسول صلى الله عليه وسلم



ما يباعدني من غضب الله ؟

قال : لا تغضب


.....

....

[ღ لآلئ الجـنان ღ]

لنحب الله اكثر

قال رسول الله : السخي قريب من الله .. قريب من الجنة 0

اليوم ومع العاشر من رمضان ابدأ أنت بجمع خمسه من اخوانك



وتعاهد معهم على مبلغ يسير يومي



من كل واحد فيكم ,, وجمعها حتى آخر هذا الشهر حتى تصل



مبلغ اكبر وتبرع بها باخر يوم من رمضان لعائلة فقيرة

تفرحها في عتمه فقرها

[ღ لآلئ الجـنان ღ]

همتي لأمتي ::

... ..


هل أنت محترف في عمل الفيديو والتصميم وبرامج الحاسب

هلا ساهمت وقمت بعمل شي يذكر الناس بأمتهم؟؟

,,

[ღ لآلئ الجـنان ღ]

قال رسول الله

لو يعلم الناس مافي النداء والصف الاول

ثم لم يجدوا الا ان يستهموا عليه لأستهموا

صدق رسول الله

[الحان الحرية]

الله يجزيكن الخير يا رب ,,

و يبارك فيكن



انا بالنسبة الي رمضان كان احلى مع الدوام ,,

أما بهاي المدرسة رمضان من غير دوام احلى !!

من أول يوم اعطونا واجبات !

من تاني يوم امتحانات

كل كتاب وزنو 3 كيلو

ههههههه


بس اليوم كان ارحم من امبارح

بديت اتعود ,,

شو بدنا نعمل

ع قولة المثل "اللي بدو الدح ما بيقول اح"

ما عندي وقت اعمل شي

8 حصص ورا بعض و بعدين برجع ع البيت طاقاتي مفرغة !!

بنام !

و بصحا العصر

و ع العشا بموت من التعب

و بنام كمان مرة

و بصحا ع السحور !!

و بنام

و بصحا ع المدرسة

طبعا ً متأخر ههههههه


بس والله ما بدرس !!

ما بعرف وين بيروح الوقت !!

يمكن عشان اول ايام ما كنت عارفة انظم الوقت !!

بس هلأ زبطت الامور شوي الحمدلله

..ادعووولي..

[الحان الحرية]

ما يباعدني من غضب الله ؟

قال : لا تغضب

عنجد عجبتني هالقصة :)

يا ريت كل الناس ما يغضبو

عنجد حلو لما تكوني بموقف لازم تعصبي فيه و انتي تمسكي حالك و تكظمي غيظك بتحسي انك انجزتي شي

و تفيديتي مشاكل كتير

أو يمكن بس انا بحس هيك :p

[إسراء الفلسطينية]

يا الله

عنجد مشتاقتلكن يا بنات

و حاسة حالي مقصرة كتير :(

بس مش بإيدي والله

سامحوني ،،

ربي يعطيكن الف عافية يا رب

[a7la sereen]

بالنسبه الي

هلأ احلى شي بالدوام برمضان انو الحصة بتكون قصير ة 35 دقيقة

ما بتلحق تبلش والا هي مخلصة

بس كمان انو ما بعرف انظم وقتي منيح برمضان

هلأ قبل الفطرة ما بعرف ادرس بالمرة ما بكون مركز
وبعد الفطرة بكون متقل كتير بالاكل هههه ما بعرف ادرس وبكون نعسانه بس لازم ادرس
وعند السحور مرات بتسحر وبصلي وبنام ومرات بتسحر وبصلي وبدرس بس بكون نعسان اول شي
وبرجع اصحصح

يلا الله يوفق الجميع

جزاكن الله خيرا
المواضيع متل ما عودتونا دايما رووووووووووعه واكتر من روعه