.:: إسـراء الفلسطينية تقف على حدود فلسطين :: صور ::.

[إسراء الفلسطينية]

المشاركة الأصلية كتبت بواسطة .:.!دموع الرحيل!.:. ياااااا الله يا إسراء .. !

والله اختنقت .. !

ذكرتيني لمـا رحنـا مع الجامعه عالحدود .. بس مـــــــا قربنـا قد ما انتو قربتوا ..

شعـور غريب وقاسي وجميل بنفس الوقت

شعور مستحيل ينوصف .. وما ممكن يحس فيه إلا كل واحد عميتعذب متل عذابنـا

أقسى شعـور لما تعيشي كل حيـاتك بعيده مجبرة عن وطنك

وبعد 23 سنة .. لمـا تشوفي وطنك .. بعد ست مية الف معامله !

ما تشوفيها الا وبينك وبينهـا أسلاك .. حديدية حقيرة تمنعك من أنك

ترمي حالك على تراب بلدك !

وتحضني الأرض الي محرومة منهـا ومن حنانهـا ..

أقسى شعـور انك بعد كل هالعمر .. لما يتحقق جزء بسيط من حلمك ..

ما يقعد أكتر من 10 دقايق ..

وكأنه حلم !

واجباري ترجعي تعيشي العذاب .. من اول وجديد

صدقـا ً ونحن راجعين .. حسيت كأني عمبعيش شعور النكبة

الي عاشوه أجدادي

حسبنــــــــــــــــــــــــــ ا الله ونعم الوكيل

الله يقر عيننا فيكي يا فلسطين

ويرجعنـا إلك بأقرب وقت

ويقر عيننـا بأقصانا

شو يحكي الواحد ،، القلب عميحترق حرق

أحسنـت ِ إسراء . . ومبارك عليك ٍ شوفة فلسطين

معك حق والله يا نانا بكل كلمة قولتيها ،،

اديش كنت مبسوطة ،، و بنفس الوقت كنت رح امووووت

حتى جدي كان معنا ،، و كل شوي بس نمرق من المناطق يلي حد الحدود

يقولي هون يا اسراء نمنا تحت الشجر ،، و هون مشينا كلنا و ما كنا عارفين لوين رايحييييييييين

ولا ستي ،، تقولي ،، مش معقول ،، رمية حجر يا جماعة ،،

بلادي قدامي و مش قادرة افوت عليها

يا الله !!!!

والله العظيم ،، شي بيحرق القلب حرق

الله ينتقم من اللي كان سبب بعدنا عن بلدنا

حسبنااا الله و نعم الوكيل

والله شعور ما بينوصف ،، و ما بحس فيه الا اللي دايقو :(

حبيبتي يا نانا ،، والله ما النا غير الصبر ،، و بإذن الله رح يجي اليوم يلي رح تتحرر فيه فلسطين ،،

بس يا ريت يجي و نحنا عايشن

نفسي افوتها قبل ما اموووت :(

والله كلامك يا نانا نزّل دموعي

مش عارفة شو احكي :(

نيال فلسطين بأمثال كأمثالك