^_^كل واحد بحط اية او حديث والي بعدو بيحكي شو فهم وشو شعر ^_^

[اسلام]

بسم الله الرحمن الرحيم

السلام عليكم ورحمة الله وبركاته

ليش ايمانا صار عم ينزل وما بزيد لازم نرفع درجة ايمانا


هلا كل واحد عضو بيدخل بيشوف العضو يلي قبلو شو حاطط اية او حديث بيحكي عنها شو بيشعر لما يسمعها شو فهم منها اي شي بيخطر عبالك لما تسمعها واذا عندك نصيحة او كلمة بتوجهها بخصوص الاية او اي معلومة بتعرفها عنها من اي سورة والحديث اذا الو قصة او النبي محمد صلى الله عليه وسلم حكا شي بخصوصه او لمين اجا الحديث

او شو سبب نزولها اذا في اي شي بحب يكتبو وبعدين

بحط اية بحبها كتير او برددها كتير او خطرت عبالو بهالحظة بدل الي قبلها او حديث

والي بعدو نفس الشي بحط اية جديدة وبيحكي عن الاية يلي حاططها العضو الي قبله اختكم في الله اسلام رح تبدأ بمثال وبعدين باية


يقول تعالى: (واستغفروا ربكم ثم توبوا إليه إنّ ربي رحيم ودود)

لما قراتها اتذكرت كم انا اغضبت ربي واتذكرت قديش انا ظالمة لانو ربي رحيم بنا وانا ما عم بعطي ديني حقه وتذكرت اني دايما بغلط او بعصي وبتوب وربنا بغفر وهاد كرم كبير من ربنا وانا ما بستحق شعرت قديش ربنا اكد على الاستغفار والتوبة

للي بعدي رح يجاوب

قال تعالى : ( الذين آمنوا وتطمئن قلوبهم بذكر الله . الا بذكر الله تطمئن القلوب )


منو منكسب ثواب ومنو منزيد معلوماتنا و


بانتظار التفاعل منكم

ملاحظة ____ حلو لو قدرت تجيب الشرح للاية او الحديث