::: القلب الطيب في ضيافة أبو نور & إبن فلسطين .. ž

[القلب الطيب]

بسم الله الرحمن الرحيم

السلام عليكم ورحمة الله

كيفكم يا جماعة ؟

ان شاء الله بخير ؟؟

طيب الحمد لله

الله يزيدكم سعادة

ندخل في الموضوع ^ـ^



في اطار حملتي التعارفية على شباب المنتدى الغاليين واللي كنت اتشوق اني اشوفهم بث حي ومباشر ^ـ^ مش عبر الماسنجر

فكان اقتراحي لرحلة البحر الصيف الماضي عشان التقي بالناس الطيبة اتعرف عليهم مع اني ما شفت حد فيهم قبل هيك عالطبيعة ولا حتى على صورة فوتوغرافية

فكان الرحلة من اجمل الأيام لأني تعرفت بشكل أقرب

على كل من /

محمود

عاشق الحور " نشـأت"

أبو معاذ

أبو المهند

سيد الظلام

عاشق الشهادة


على الهامش شفنا في الرحلة

شقيق محمود

الشهيد حسن شقورة

وكمان شب معهم مش زاكر شو اسمه ^ـ^

طبعا هاد كان اول لقاء يجمعنا

في اللقاء الثاني اللي كان في شهر رمضان الماضي عندي في البيت

تعرفت على

قسامي غزة

واعتذر كل من ابن فلسطين وابو نور على الحضور

أما اللقاء الثالث كان حصريا و على انفراد فقط وفقط في بيت ابن فلسطين وابو نور يوم الأحد الماضي

وكانت المرة الأولى اللي بشوفهم فيها وسأذكر لكم تفاصيل الزيارة

في البداية كانت بشارة مش خير يعني اول ما وصلت المنطقة اللي عايشين فيها " قطعت الكهرب " هههههههههههه قلت شو هالنحاسة هاد

بعدين ضحكت على حالي وقلت هاد من زود النور اللي عندي غطى على كهرب المنطقة ههههههههه

المهم وصلت بيتهم واستقبلني ابن فلسطين و كان الدرج معتم عشان قصة الكهرب وعلى الدرج اسمعت اول نصيحة من ابن فلسطين

قللي /

تعلم الدخان عشان يكون عندك ولاعة تستخدمها في قطعة الكهرب هههههههه

شايفين ما احسن هالنصيحة

المهم قعدنا في الغرفة على الكنب " كنبهم حلو ومريح " ههههه وقعدنا ندردش وكان قاعد ابو نور مشغل صامت
تقول الضيف هو ابو نور وانا وابن فلسطن عازمينه ومستحى
شكلهم كاينين موزعين الأدوار
ابن فلسطين يحكي
وابو نور يجيب عصير وشاي ههههههه
بس ما شاء الله عليه بيعرف يعمل شاي

قعدنا وقت كثير ندردش ونتذكر نهفات توجيهي والجامعة ونقعد نضحك على هالنهفات
بعديها راح ابو نور سحب طاولة الكمبيوتر وجابها عنا وفتحنا على منتديات شباب فلسطين
قعدنا نحكي على الاعضاء " ما سبنا حد من شره " هههههههه
سواء كان مدير او مديرة او مشرف او مشرفة او عضو او عضوة
يعني شب ولا بنت كنا نحكي عنهم
لا بمزح .. ما ذكرناكم الا بالخير
بس مش كلكم ^ـ^
يعني عرفت قصص كثير ما كنت بعرفها
ومصايب اول مرة بأسمع فيها
وعرفت حقيقة بعض الأعضاء
ويعني هيك شغلات
طبعا طول ما احنا بنحكي واحنا بناكل بزر و مكسرات قدمهن ابو نور الله يرضى عليه ههههههه
اه وابو نور اخد عالجو وصار يحكي ويتفاعل معنا

بعدبها شفنا موضوع في الحوار الحر بيقول

الى الحمساويين " مراد الاسيوطي" يغني لفتح

دخل ابن فلسطين الموضوع وصار يتهابل واحنا بنضحك

وقلبنا الموضوع بدل ما هو سياسي .. صار فكاهي

وقعدنا نتناقش " شو رايك أحذف الموضوع " ابن فلسطين عارض وابو نور قال لا نغلقه احسن

وبعد كل هالمشاورات راحت دموع الرحيل اغلقت الموضوع

يعني كل هالمشاورات كانت عالفاضي هههههههه

اخيرا /

الوقت تأخر .. وكان واجب علية اني اروح وتزكرت المثل اللي بيقول " يا بخت من زار وخفف " هههه

المهم نزلوا وضلهم معي لما لقيت سيارة تروحني

كمان شو ...... دفعوا عني أجرة السيارة بدون ما اعرف الله يسامحهم " ليش مغلبين حالهم "

بهذا نكون قد وصلنا واياكم الى نهاية الزيارة الكريمة التى جمعتني بالأخوين شوقي ههههه
قصدي الاخوين مهنا الله يحفظهم