ممكن نصيحة صغيرة

[روان فلسطين]

بنت يعبد جنين
ان كمان من الاردن (بس سكان السعوديه )وانا كمان السنه الجاي توجهي علمي
اسمعي هاي نصائح الي والك
اول شي الدراسه المستمره يعني ما في مانع كل ما شفتي عندك فراغ تختميلك ماده انا عارفه ضغط توجيهي الاردن وانو اقوى دوله عربيه بالدراسه بس نتحمل مشان نصل للي بدنا اياه
بعدين عدم الخوف او كره الماده او معلميتها تحملي شوي كلهم 6 اشهر
دايما احلمي بالجامعه واتذكري لما تكوني انت وصاحباتك سنفوره بالاردنيه او اليرموك او حتى الهاشميه لانو راح يعطيكي دفعه نفسيه
الدعاء ثم الدعاء ثم الدعاء لانو الالحاح بالدعاء من اهم مسببات الاستجابه
كملي دراستك بالنهار ولا تسهري واياكي تواصلي
بين كل فتره وفتره خدي وقت راحه بسيط وبهاد الوقت لا تقومي باي نشاط عضلي او فكري
وحاولي تشوفي نصائح اشرف الحسبان بالتميز الدراسي تراها كتير حلوه ومفيده وكمان الشيخ طارق سويدان
سوري طولت عليكي بعرف بعرف زي ما بتقول ماما يا الله ما اكتر وعظك بس يلا ان شاء الله تستفيدي وتدعيلي
ترى دعوة طالب التوجيعي غير
بالتوفيق وان شاء الله ربنا يسهل وما يصير غير كل خير