لــــــــــغـــــــز .. وين عباقرة الحساب تعالو بسررررعة

[السيف عدي]

المشاركة الأصلية كتبت بواسطة الاماني الفلسطنية انا اعرفت الحل ^.^

أول شي .. عدد الشباب بالناحية اليمين سبعة ...

وبالناحية اليسار خمسة ...

وازا راح واحد من الشباب من الناحية اليمين لليسار .. صارو الشباب باليمين ستة وباليسار بردو ستة ( يعنى تساوو ) ...

وازا واحد من الشباب اللي بالنحية اليسار انتئل على اليمين ... صار عدد الشباب باليسار اربعة وباليمين تمانية .. ( يعني الضعف )^.^

وبس :)

لا تحكيليييي غلط ...

الله عليكي يا أختـــ أماني ،، صح ،،

بس ما بعرف تحزير ولا كيف عرفتي الجواب ؟

الحل كلاتي :

الجهة اليمين فرضا س

والجهة اليسار فرضا ص
* لما يروح شب من س الى ص

ا) بصير عدد الشباب في اليمين س-1

ب) بصير عدد الشباب في اليسار ص+1

وعدد الشباب وقتها حسب المسألة بصير متساوي ،،

أذن :

س - 1 = ص +1 ومنه نستنتج ان س = ص + 2 (المعادلة الأولى)

* لما يروح شب من ص الى س

ا) بصير عدد الشباب في اليمين : س + 1

ب) بصير عدد الشباب في اليسار : ص - 1

وحسب الشرط انو العدد اليمين ( س ) بصير ضعف اليسار ( ص )

أذن : س + 1 = 2 ( ص - 1 )

ومنه: س+ 1 = 2ص - 2

أذن س = 2 ص - 3 ( المعادلة التانية )

أذن : ص+2 = 2ص -3

اذن ص = 5

وازا بنعوض في اي معادلة في الاولى او التانية بنستنتج انو س = 7 .

تم بحمد الله ،،