| الإهداءات |
|
|||||||
|
|
أدوات الموضوع | انواع عرض الموضوع |
06-04-2008, 01:00 PM
|
#1 | |
|
I ♥ PALESTINE
قوة السمعة: 35
 |
مميز: صبايا تعالو.... عازمتكم على طبخة أرضي شوكة !
 بسم الله الرحمن الرحيم
كيفكم صبايا؟؟ ان شاء الله كل شي تمام؟؟؟ كيف الصحة كيف الأولاد كيف الكيف  وأهم شي>>> كيف المطبخ معكم؟؟ و كيفكم مع الطبخات؟  أنا بعرف أنه ما شاء الله عنكم كلكم بتحبو و بتعرفو تطبخو بشكل ممتاز "يخزي العين عنكم"  عشان هيك جبتلكم معي اليوم طبخة ... بس شوووو مش أي طبخة  طبخة بتغلب و بتاخد وقت بالتحضير بس معلش كل ما كانت الطبخة معقدة أكتر و بتغلب أكتر و بتفري القلب أكتر كل ما كانت الصبية معدّله أكتر و بتحبها حماتها أكتر الموووووهيم مالكم بهالطويلة و القصيرة طبختنا اليوم اسمها " أرضي شوكة "  هلأ بدي أعرفكم على هالنبات لأنه اللي عرفته أنه المعظم ما بعرفه فتعالو نتعرف عليه   و هون بتشوفو كيف شكل الحبة لحالها و هلأ بعد ما شفتو كيف شكله من كل الزوايا صار لازم تعرفو كيف يتم تنظيفه و تحضيره للطبخ أول شي لازم تعرفوه أنه هالنبات اللي هو الأرضي شوكة بصبغ الايدين باللون الأسود عشان هيك يا صبايا لا تنسوا تاخدو احتياطاتكم و تلبسوا كفات لليدين لانه مش حلو يصيرو ايديكي لونهم أسود  و هلأ بدنا نبلش بالتحضير بسم الله أول شي لازم نقشر الحبة يعني نزيل عنها الأوراق اللي عليها و متل ما شفتوا هالنبات كله كله أوراق بس المفاجئ بالموضوع انه هالأوراق ما بيتاكلوا اللي بيتاكل منه هو جزء بسيط بتشوفوه أخر شي عشان هيك هلأ بتمسكو الحبة و بتقلبوها و بتبلشوا بازالة الآوراق كما توضح الصور  بس ديروا بالكم لا تشيلو كل الورقة من جذورها اتروكو جذع الورقة لانه هو اللي بتاكل بالموضوع وكمان هو بنكمل التقشير و هلأ بصير شكلها هيك و بتصير جاهزة للقسم فبتمسكو سكينه و بتقسمو كل هاادا الطالع فوق و بعد ما تقسموها بصير شكلها هيك و هلا بيجي دور تقوير الحبة بعرفش انتو شو بتسموها بس احنا بنسمي هالعملية " تأوير "كما في الصور و هلأ بعد ما تشيلو كل الاشياء اللي بداخل الحبة المفروض يصير شكلها هيك ومن تحت هيك شكلها و بعد ما تخلص الحبة و تصير جاهزة للحشي و الطبيخ بتحطوها بالماء لحد ما تخلصو تحضير باقي الكمية و بنصح انه تحطي معها قطع ليمون حتى ما يسوّد لونها و هيها و هي جاهزة و هيييييييييييك بنكون جهزناها للطبخ كيف لقيتوها أكييييييييد سهلة ومش معقدة بالمرة وما بدها شغل كتير بس شي نهار كامل تحضير بتقدروا تخزنوها بالفريزر اذا ما بدكم تطبخوها هلأ و لما تطبخوها شو بتعملوا  أنا بقلكم وين هاربين لسه ما خلصنا هلأ قبل ما تنطبخ لازم تقلوها بالزيت يعني بتقلي كل حبة بالزيت ع النار و بعدين بتحضرو الحشوة اللي هي لحمة مفرومة و شوية بصل بتقلوهم شوي ع الغاز و بعدين بتحشو كل حبة لحال و بالاخر بتصفو هالحبات جنب بعض إما بصينية بالفرن أو بطنجرة ع الغار بتحشوهم و بتصفوهم جنب بعض و بتحطو فوقهم شوية ماء و ملح و ممكن ماجي "مرقة الدجاج " كمية الماء لازم تغمر الحبات و بتحطوهم يستوو على النار او بالفرن و ترا ترا ترا خلصت الطبخة و تكسرت و أنا بجهزلكم بالموضوع و اذا ما بلاقي ردود بحرمكم من الطبخات الزاكية  و صحتين و عافية سلملم .gif "إما بصينية بالفرن أو بطنجرة ع الغار بتحشوهم و بتصفوهم") |
|
التعديل الأخير تم بواسطة إسراء الفلسطينية ; 06-04-2008 الساعة 03:20 PM. سبب آخر: مميز ^^ |
||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري