.."نـُـصــرة سيد المرسلين .. بعد تكرار استهزاء الملاعين "..

[إسراء الفلسطينية]

عندما سمعت ورأيت ذلك الخبر قبل عامين


* ماهي ردة فعلك ؟

انا الصراحة اول شي لما زاعوا ع الاخبار الدنماركية انو تم نشر رسومات كريكتارية لرسولنا الحبيب

يعني كيف بدي اقولك .. كإنو اجتني الصدمة ..

ما فهمت شي و ما اجتني الا الصفنة !!!

ما بعرف ليش بس عمري ما كنت مفكرة انو توصل معهم المواصيل لهون ..

و كمان انو تنتشر الرسومات بالدنمارك البلد يلي عايشة فيها .. أثرت فيني أكتر

قبل ما كنا نسمع عنها في ناس عمرها ما سامعة بالبلد ..

بس هاد ذنبهم .. هني كونوا أعداء الهم !!

* هل حزنت أم "عادي" أم اصابك القهر ؟

لا أكييد حزنت .. و انقهرت كمان كتير

تعدوا عل أشرف خلق الله !!

لا و لسا ما خلصوا .. لسا امبارح قرأت مقالة بقولوا فيها انهم ناويين يرسموا كاريكتارات جديدة !!!

حسبنــا الله و نعم الوكيل فيهــم :(

* ماذا فعلت .. هل حاولت نصرته صلى الله عليه ؟

أكيد !!

بما اني عايشة بالمجتمع الدنماركي و بروح مدرسة دنماركية .. و صارت نقاشات كتيرة حول هل موضوع

حاولت اني افهمهم .. و احكيلهم من هو سيدنا محمد عليه الصلاة و السلام

هيي المشكلة انهم ماخدين القصة كمسخرة

قال ليش هل قد بتعملوا من القصة .. انسان عادي متلنا متلو !!

يعني الصراحة بتسمعي كلام بسم البدن .. بس بصبر و بحاول اني افهمهم شوي شوي !!

وعندمــا تكرر الموضوع ثانية .. غير مبالين بك ولا بموقفك

ماذا فعلت وكيف كانت ردة فعلك ؟ ..

وقتها قلت لا تخنوهـــا !!

ما كفاهم اول مرة !!

لانو كإنو عملوها رجعوا بالجكارة .. و شافوا ردة فعل المسلمين و المظاهرات يلي طلعت و المقاطعة

بس ما هامهم شي !!

كلو ولا حرية التعبير تاعتهم

اقترح علينا .. لعلنا خرجنا من اقتراحك بـفائدة نجنيها

فكان صدقة جارية لك ..

كمسلمين ببلاد الغرب .. فينا انو نعرفهم أكتر عن سيرة نبينا ..

و نعرفهم مين هو .. و شو بيعنيلنا ..

و نطلع مظاهرات مع انو ما رح تفيد !!

و ببلاد الاسلامية .. فيهم يعملوا مشاريع و ندوات تحكي عن رسولنا الحبيب

و أكيد اتباع سنة نبينـــا أهم شي !!


.....


شكرا كتير ريحـــانتي ع الموضوع الحلو

و الله ينصر الاسلام و المسلمين في كل مكان ..

الله يبارك فيكي و يجزيكي كل خير :)