مهزلــــــــة في زمن الأقزام !!

[ashrafo]

مرحبا واحلى وردة لأحلى محموووود .. كيفك انشاالله بخير ..!!

اول شي يا اخوي محموود كلامك عنجد صحيح وصرخاتك في كلماتك والله انها موجودة في قلوووب

في اكتر من مليار مسلم ..!!

لكن للاسف شو فادنا الصراخ والالم والاناشيد والابتهالات والشعارات والاهداءات بكل انواعها ومعانيها ..!!

بالعكس ما زادنا الا تباطئ وتراجع وتخلف عن مركب التطور الحضاري الانساني المفروض ان نكون فعلا احنا

امة محمد الاسلام ان ننهض بها للعالم . لكن للاسف ياحسرة علينا .!!

كل هالامور من الابتهالات والصلوات والادعية والخ .... اذا ما كانت نابعة من قلوب مؤمنة بأعلى الدرجات

وتملك اقوى الظنون الحسنى والحسنة بالله شي طبيعي انو الله عز وجل ما يستقبل دعائنا وشي طبيعي

انو الله ما يغير في نفوسنا تجاه بعضنا للغير من اسوأ الى احسن ..!!

السبب يا عزيزي محمود انو احنا المسلمين فعلا ناوين واحنا على طريق النهضة بديننا الى طريق الصواب ,,

لأنو عنجد في شي عم بصير مو طبيعي فعلا ... في شي خطير عم بصيب هويتنا العربية وبصيب اهم

شي عنا هو اسلامنا ..!
انا يمكن بحكي من منظور انو اغلب اقاربي في وضع سياسي مسؤول .. يعني في شي عم بصير متلا

في السعودية عنا .. راح يعوضوا ويجنسوا كل فلسطيني في السعودية ..!!

مع اسقاط حق العودة .. والله شي مخزي لو صارت لا سمح الله ..!! والله غير تنمحى القدس من ذاكرة

المسلمين ..!! ولسه فيه وفيه اشياء لكن الافضل ما احكيها .!!

احنا سكوتنا يا خي مؤيد وانا مؤمن بها كإيماني بالله عز وجل ..!!

سكوتنا في حاجة من الحاجتين ..!! السكوت او الهدوء ما قبل العاصفة .!!

يا إنو سكوتنا هذا الحقير الدنيء الذي لا يمثل الله ورسوله ودينه والانسانية ، هو بداية اندحار للأجيال

العتيقة اللي هي انا وانت واحنا كلنا وتغيرينا بقوم خيرا منا يحبون الله ويحبهم ويعبدون الله ويعصون

ويستغفرون فيتوب الله عليهم .!!

وهذا واضح والله عزوجل ارسل شارات وتحذيرات لنا واحنا عميان عنها ..!! وآخرها زلزال فلسطين وسوريا

ولبنان ... والامراض والكوارث البيئية الي عم بتصيب الدول العربية بمراحلها الاولى .. وهاي الامراض خطيرة

وممنوع ينحكى عنها للصحافة ..! وهاد الخبر انا بعطيك هو ومتأكد منو بحيث شفت المرضى الميتين

والابحاث والتقارير لوزارة الصحة .. والله يستر .!!

او يمكن الخيار الثاني هو ،، سكوتنا هذا يمكن في يوم وليلة كما الحديث يقول قلب العبد بين اصبعين من

اصابع الله يقلبهما كيفما يشاء . سبحانه ..

ونصير ونرجع فعلا امة الحق امة الوسط لكي نكون شهداء الامم اللي سبقتنا ..!!

وكل هالمشاكل والتحديات والمؤامرات علينا ولسه احنا بنحكي على حالنا انو احنا مسلمين ..!!

للاسف وصلنا مرحلة مرعبة اتوقع انو ما عمرو الاسلام وصل لا هيك مرحلة سوداء من تاريخ الاسلام .!!

كلمة انا مسلم كلمة كبيرة كتيييير كتييييير .. والله لازم انو احنا المسلمين نتحمل هالكلمة ونكون قد

المسؤولية بكامل انواعها وشروطها وحتى اضرارها اللي بتيجي من الغير ..!!

لكن للاسف انا شايف انو كل يوم بزيد عنا الف مسلم وقبل ما يكون مسلم بكون مسيحي ولا حيالله شي

ديانة وبكون مبدع في ديانتو السابقة ولما يجي يدخل الاسلام فجأة بسم الله عليه انقلب رأٍساً على

عقب .!! ليش ما بعرف ..!!

انا وصلت فيي مرحلة طبعا غير مؤمن بها لكن قلت خليني امشي وراء هواجس ابليس اشوف لوين بدو

ابليس يوصلني تحدي يعني ..

هل الاسلام فعلا هو سبب تأخر المسلمين ومن يدخل جديدا في الاسلام سبب تخلفهم واحباط عزمهم

وتسويد الدنيا في قلوبهم ووجوههم .!!

اكيد والف لأ .. الله نزه الاسلام من كل نقص وعيب .. واسلامنا ونبينا محمد انقى من نهر اللبن في الجنة .!!

لانه بدأ غريبا وسوف يعود غريبا منزها من كل عيب ونقص وخلل ودسائس وسموم ..!!

الله يسترنا بستره ويرحمنا برحمتو والله يوحدنا تحت قلب رجل واحد .. يارب .. ويجمع صف الفصائل بلدنا

فلسطين الحزين المقهور والرافض لحالنا ..

تحرك الصخر وتزلزت الارض وتصدعت الجبال ,,,ولسه احنا مسلمين امة محمد الاسلام قلوبنا والله ما اهتزت

متل هزة المـــاء في بركة راكدة ..!! سبحاان الله علينا ..!!



انا في قلبي كلام كتير لو ضليت احكي عن هيك موضوه تقريبا بدي يوم ويومين لا أخلص هيك حكي

وموضوع .. لكن خليها في القلب تذبح ولا تطلع برا وطقمع .!!


مشكوور على كلماتك الغالية والصادقة .. والله كريم بكل شي خيي .. موفق ودعواتي إلك ولكل اهلنا في

غزة والله يكون في العون ... وانا عن نفسي ما بسمي حالي رجل .. لأنو عنجد انا ناااقص الرجوولة

بشدة .. لأني للاسف وبحكيها من غير خجل و بقلب مجروح ومكسور ولانو الخجل هو احنا اللي بنعملوا

في حالنا هاد مزلة واكبر خجل وعار فينا .. و مو عارف اني اقدم خطوة مساعدة تجاه بلدي وابناء بلدي ..!!

عشان هيك اللي بيحكي عن حالو رجااال . فهذا كذااااااااااب ..!!

الرجول في مواقف فلسطين فقط في هاد الزمن ..!!