عشــــــان مبصحاش الا لما مـــاما تصحينــي , تم اقتراح المنبهات دي عليـــة

[نور اليقين]

احم احمين تلات احمات

( يــــــــاه . من زمان ماستعملتش الاحمات التلاتة بتوعي , حبايبي وحشوني و الله )

الموهيـــــم << كلمة مغربيــــة مية المية , اتعلمو مغربي بقه


كلكم عارفين اني بشتغل

او بمعنى اصح

أغلبكم بيعرف كده

او بمعنى أدق

اللي مكنش بيعرف هيعرف بعد موضوعي ده

( ذكية أنا مش كده , خمسة و خميسة خمسة و خمييييييسة )

و طبعا اللي بيقول شغل

بيقول صحيان بدري

و أنا بصحى الساعه سبعة الصبح

تصورو ؟

الجو برد أوي و فراشي دافي

مبيهنش علية أقوم منو

و الدنيا لسة ضلمة

جو كلو بيخلي الواحد ينام غصب عنو

الموهيــم

وسط الاجواء الشاعرية دي << رومانسية النوم اسمها

أنا بلاقي صعوبة عشان أقوم

عادي

اي انسان عادي زيي هيحس بمثل شعوري

حتى اني عشان اصحى

لازم الموبايل يرن

بعدو

المنبه يرن

بعدو

ماما تصحى من صوت المنبه


تيجي تصحيني

( شفتو ماماواتنا بيتعبو علينا ازاي ؟ )

الموهيم

بحكي روتين صحياني ده لوحدة صاحبتي

فبتقلي انا عندي ليكي الحل

قلتلها دنتي هتبقي روحي حياتي نور عيني لو أتيتيني بالحل ده

فقالتلي استني

هبعتهولك ميـــل


و ووصل الميـــــل

و فتحت الميــل

و قريت الميـــل

و جاية النهردة أنقلكم محتوى الميـــــل







احم احم

ده أول حل اقترحتو عليه

فيها الخير على فكرة

ده يا اخواني يا اخواتي

منبه

ساعه


بس مزعجـــــة لدرجة رهيبة

صراحة مجربتهاش بس احساسي بيقول كده


عشان تسكتها لازم تفضل تقلب عالزر المناسب

و ماشاء الله

هي كلها زراير

فاختار اللي يعجبك






دي بقى دجاجة متنقله

لما بتبدي ترن

بتبدي تبيض

تتحرك و تبيض


و مبتسكتش الا لما تيجي انت يا شاطر

يا اللي عايز تنام و محدش سايبك

تجمع البيض ده كلو و ترجعو لمكانو

دجاجة مزعجة جدا بصراحة






دي بقه نكتة بجد

دي اسمها الطيارة

اول ما بترن بتطير

و انتلازم تقوم زي الشاطر و تتبعها لحد ما تمسكها

عشان متوجعكش في ودانك

طبعا مش محتاجين اقلكم منبهات زي دي صوتها هيكون رنان اد ايه

بس متعبة

يعني منبه يصحيك و كابتن رياضة يخليك تعمل جيم غصب عنك






دي مش عارفه اسميها ايه

فيكو تقولو دبابة


شكلها كده

الموهيم

دي بقه اول ما بتبتدي تغني

بتروح تتخبى تحت حاجة فوق حاجة ورى حاجة

مش عارفه

الموهيم بتفضل تتحرك لحد ما حاجة تمنعها و تشل حركتها

و لو محضوض بقه تتخبى تحت السرير

عوم انت تحت السرير و غوص لحد ما تلاقيها

انا صراحة لو كانت عندي هاجي اجيبها من تحخت السرير هستحلى المكان فهنام و هخليها ترن

و لا على بالي

الموهيم

دول منبهات تم اقتراحهم علية عشان اقدر اصحى لوحدي من غير ما اتعب ماما معايا

بس للاسف

مش هينفعو معايا

عارفين ليه ؟

لاني بكل صراحة اول ما هيرن هشيل الباتري بتوعهم و هيسكتو غصب عنهم

مش تقولو زر الاقيه و بيض اجدمعو و طيارة اطير وراها

ههههههههههههههههههههههههههههه

شفتو ازاي انا ذكية و شطورة

هههههههههههههههههههه



و يلا

تشاو مع علبة كاكاو