لو حد قالك فاشل بعد ما عملت اشياء كبيره وحلوه..ايش رده فعلك؟

[ريما فاهوم]

كونيتشوا مينا



اليوم صارت قصه كبيره للأخر في المدرسه عندنا طبعا اولاً رح احكي هلقصه وبعدين ابلش بصلب الموضوع


اليوم بالمدرسه كنا بالحصه الثالثه بالضبط كانت عندنا حصه عربي مع مربيه صفنا

كنا بدرس حلو كتير وفجأ حدا من اولاد صفي المزعجين خرب الحصه وقال للمعلمي انتي فاشلي فاشلي فاشلي

طبعاً المعلمي تخيلو عملت باقصى جهدا..بتحبنا كتير وبتحترمنا وبتسمع مشاكلنا وتعبت باشياء عشان مصلحتنا

وكانت بأجازه ولاده مده 3 اشهر بس رجعتلنا بعد شهر وحطت بنتها الصغيري عند حدا بيقربلها

وكانت تسهر عشان صفنا وتقدمنا فعاليات حلوي وكانت اول ما ترجع كانت تحاول تفيد صفنا باشياء مافي حدا منكو ممكن يتصورها

فتخيلو بنهايه الشيى واحد غبي وأهبل وما عندو أدب او نقول بقمه الوقاحه

يقول للمعلمي انتي فاشلي وطبعاً زكر الكلمي اكتر من مره وقال شيى تاني بس ما بديش اقولها عشنها كبيري بحقها

وطبعاً زعلت كتير وكل الصف زعلنا على أبن صفنا(الولد) وكانت بدها تترك صفنا وتروح على البيت

بس كنا نقولها خليكي معنا وصراحه كانت قصه طويلي عريضه بس بعدين قررت انها تبقى معانا بس عشنها بتحبنا وصرنا نضحكها بعد ما كانت زعلاني

طيب بهلموقف تخيل انتي مكان المعلمي(طبعا مش مهم ازا كنتو اولاد او بنات)

وجاء ولد أهبل وبقمه الوقاحه وقال انك فاشل وزكر هلكلمي اكتر من مره فايش هي رده فعلك

هل رح تعمل كيف ما عملت المعلمي وماحبتيش تفضحو لناس تانيين او قلت بنفسك هلولد مافي حاجي احكي معو لانو ما بيستاهلش كل الحكي

او رح تعمل شيى تاني..اعطينا رأيك بالقصه وبالولد وقلولنا ايش رح تكون رده فعلكو لو كنتو محل(مكان)المعلمي؟

بدي اسمع ارائكو لو سمحتو..وبعرف انو القصه ممكن تكون فضيحه بس انا حكيتها لاني بحب المعلمي وبعزها كتير وبعمل اي شيى عشانها

لانها ما زعلتنا يوم وتعبت عشان سعادتنا وهي الوحيدي المربيه الصف الي عاملتنا هيك وماعملتش اي معلمي متل الي عملتو

طبعاً ما بدي اطول الموضوع وبالنهاي حابي اسمع نقاشكو وأرائكو