اصة وصوولي الي غزة :s

[أحلى مايا]

هااااااااااااااااااااااااااي للجميع


كيفكووو شو الاخبار ان شاء الله تمام


انا جاي هون لئول اصتي لوصولي على غزة وكان هالطلب من مؤيد وانا كنت من الاول حابة انزل هالموضوع

ومن اولها ازا حسيتو انكو بتزهئو من الحكي الكتبر فيكو ما تكملو

وازا بدكو هي الموضوع مفتوح الكو


الكل كان عارف انو انا بستنى المعبر من الصيف وبالتحديد انا حجزت ب 20 7 2007 وضلت مايا تستنى

المعبر وانا اسمع الاسبوع هادا الي بعدو الي جاي والشهر الي جاي والي بعدو وهييك لما فقدت الامل كلو

وطبعا الامل بوجه الله بس غصبن عني وخلال فترة الاعدة وهالاعدة كنت فيها انا افضى من الفاضي وانا

مابين نت طلعة نزلة صحتلي شغلة بشركة اعدت اداوم فيها لما الله فرجها يعني نوع من التسلاية ولما

خلص الفصل الاول بالجامعة الاسلامية ماما الله يخلييلي اياه ئالت اسالي ازا اي جامعة من تعون غزة

فيها انتساب والحمدلله وئتها سالت وهون وهون بالاخير اعرفت عن جامعة اسمها جامعة فلسطين الدولية

الها افرع بكم من دولة ومنها دولتنا بدبي وكان التدريس فيهاا عن طريئ الانترنت احضر محاضراتي ما علينا

مش موضوعنا هادا الشي

المهم خلص الفصل الاول ومايا زهئت وسجلت بهالجامعة وبتمشي بحالها لوييين ما اجى يوم تفجير المعبر

وئتها ولاد خوالي بلشو يبعتولي مسجات وكنت انا بالشغل وماخاطر ببالي معبر ولا غيرو اصلا ئلت خلص لو

بدي انزل بنزل بالصيف حتى لو فتح المعبر المهم صرت اشوف مسجات واسمع الخبر بالشغل اغلبية شغلي

كان فلسطينية وضليت انا باعصابي واتصلت على ماما وئلتلها اتفجر المعبر والكل بطلع وبنزل شو رايك ئالتلي

ماما هلا ما بنئدر نعمل شي لما اتصل خالو وئال نزلوها مصر فاتحة والكل طالع نازل وطبعا اهلي بتفئو وصارو

محددين الحجر بس بئى اتصلو علي وئالولي بكرا مسااافرة وطبعا انا سفر بخلال يوم وليله وكنت مش مستعدة

لا نفسيا ولا ماديا ولاشي وارجعي يا مايا على البيت واخوانك وامك وابوكي يبشروكي هالخبر وبلشت حرب

الاعصاب رحنا نحجز ئالو لازم طلعو فيزا وطلعنا لمصر وحجزنا وتوكلنا على الله المهم صحبيتكو مايا طلعت من

البيت ودخلت الطيارة وطارت وصلت مصر ولسا مش مستوعبة الامر هلا اي مصري كان يشوفنا يشكو فينا

نحنا فلسطينية يعني ارهاب المهم مابدي اخوض بهالشي كتير انا عشان ما يصير حساسية زيادة

هلا ئالولنا في شوية حواجز صعبة هاي يعني ممكن يرجعوونا وطبعا احنا زادت عنا حرب الاعصاب وابصر يدخلونا

ما يدخلونا وعلى هالحالة اعدنا على اول حاجز 3 ساعات ونحنا نستنى معنو الفلسطينيين الي ابلنا اجو

وئالو ما في دخلة الكو ورجعو نحنا السواء تاعنا ال لا خليكو خلينا نصبر شوي واعدنا نستنى نستنى لما اجى
واحد مصري ابن حلال وئال استنو انتو حدخلكو ان شاء الله وفعلا بعد اعصاب مشدودة 3 ساعات كان شي صععب اطلعنا

هلا كل شوي نمر على حاجز يئولو فلسطينة لا بس من عند الله والله تتسههل ضلينا هيييك يمكن شي 5 حواجز ازا متزكرة احلى فوفو تيجي تحكي

هلا خلصنا الحواجز طلعا دخلنا مصر الساعة 8 المسا وصلنا حدودها يعني 9 اعتقد الصبح هلا شو صار دور المعبرررر

طبعا مش رح نمشي من المعبر الاصلي نحنا لانو مسكر ئالو في طريئ بتمشي من ورا المعبر هلا احلى مايا كان خالها وابن خالها بستناها

واحلى فوفو اخوانها واحلى سوسو اخوها وكل واحد اخد امانتو ومشي

واعدنا نمشي من رفح المصرية لل رفح الفلسطينية يعني من حدود مصر لحدود فلسطين يمكن

ونمشي واحلى مايا تمشي وراها عفشها لما وصلنا على الجدار الي فجروه لئيتها عااالية وشو تعمل احلى مايا

ال يلا بدنا نطلع عن هالحيطة والحيطة يمكن مترين ياا حبيبي اطلعنا يمين شمال لئينا كانو حطين سلم

اطلعت على هالسلم ومشينا وصلنا رفحنا والحمدلله وطبعا مصر كانت الفلسطينية اكتر من اهلها ائلكو ما كان

في مكان للمصريين يعني عنجد اهل غزة كانو بسجن وانفرج عنهم وراحو على مصر وجابو الي فيه الخير

وهاي رحلة من العمر لو كان في وئت كان ئلتلكو عن الرحلة الي ابل هاي ابل سنتيتن بردو دخلنا انا واهلي بتفجير المعبر

وهلا بدي ائول عن شي بسيط عيشة غزة بالنسبه الي لهلا صععععبة اول شي وابل كل شي لانو نا بعيده عن اهلي

ولانو كل شي بغزة بختلف عن ابوظبي بعادات وبافكار ويعني باشياء كتييرة بس هلا المهم انا ما اجيت هون

الا لدراستي والحمدلله هي التخصص الي نفسي فيه دخلتو

هاي هي ماساة اهل غزة والله يفرجها علينا ياااارب


حكيت كتيييييييير بعرف بس انا ئلت من الاول للي ما بتحمل الحكي الكتير