صور سماوية للمسجد الأقصى المبارك

[وردة بين الأشواك]

كتير حلوين الصور يسلمو اديك مؤيد
الله يحرر المسجد الاقصى يا رب

اقولك ، ولو اني حبعد عن الموضوع
انت جبت هاد الموضوع في وقت لسه كنت بدي انزل موضوع بستفسر بشي عن المسجد الاقصى ومستغربة منه

الصور اللي جبتها كلها هي صور مسجد قبة الصخرة ، انا بعرف انه بساحات الاقصى بس مو هو المسجد الاقصى
بعرف المسجد الاقصى باللون الاخضر مو الاصفر

في ناس كتير بيخلطو بين المسجد الاقصى ومسجد قبة الصخرة وكتير شفت تواقيع وصور فيها كلام عن المسجد الاقصى بس الصورة صورة واضحة لمسجد قبة الصخرة !!

انا طنشت الموضوع بالاول بس لما شفت توقيع نسمة بلادي وكان على نفس النظام استغربت قلت البنت فلسطينيية واضح ووطنية فاكيد بتعرف بفرق بين الاقصى وقبة الصخرة بس ما حبيت اسألها

اللي منعرفه احنا انه الوسائل الاعلامية عم بيجيبو صورة قبة الصخرة على انه المسجد الاقصى بطلب اليهود عشان يقدرو يهدمو المسجد الاقصى براحتهم لعنهم الله
فلما ييجي يطبقو مخططاتهم ويسألوهم العرب النايمين هاد ان سألو عن الاقصى يقولولهم هي الاقصى ما فيو شي ( وطبعا في هالحالة راح يجيبو صور قبة الصخرة مو الاقصى ) والناس اللي ما بتعرف تفرق بين الاقصى وقبة الصخرة راح تصدق !!


مؤيد سوري كتيييييييييييير عالاطالة بس محتاجة اعرف وكنت بدي انزله موضوع
بتمنى تفهم علي ويكون قصدي واضح
ويا ريت اي حد بدخل الموضوع وقرأ هالرد يجاوبني لو بعرف

بتمنى تصححلي وتضيف على معلوماتي والله يعطيك الــــــــــــــــــــــــــــ ف عــــــــــــــافــــــــــيـــــــ ـة