بــــاب الحارة الفلسطينية ...يؤسفنا ما نرى !!^؟؟

[جرحٌ بملامح انسان]

السلام عليكم ..
جميعنا نعرف ما هي غزه اليوم ..
سوف اترككم مع مسلسل باب الحاره الفلسطينيه

//

//

(( .. باب الحارة الفلسطيني .. ))


//




//

السلام عليكم و رحمة الله و بركاته ..
اليوم رح خبركم عن حكاية ..
حارتنا ..!!هيي حارة غير عن كل الحارات ..
تعو حبايبي شوفو القصة ..!!

//



كان ياما كان ..!!
كان في هناك ..
الأبضاي هنية و الأبضاي عباس ..!!
كانو تنينتهم اخوة ..
من إم اسمها فلسطين ..
و الاب هو الاسلام ..
//

كبرو هالاخوة ..
كبرو كتر خير الله و بلغو مبلغ الرجال ..!!
لقيو الوطن ضايع ..
مشيو ..
في طريق الوطنية و كل واحد حطلو بصمة ..
ما شاء الله ..



لف الزمان ..
و صار كل واحد عقيد حارة ..

//



و في يوم من الايام ..!!
دخل على الحمساوية مدخل ايران الشيعة ..
و صار هالاخوة اعداء ..!!



صحينا لقينا باب الحارة مفتوح ..!!
و الحارس مقتول ..
و لا حول و لا قوة الا بالله ..!!

//

صارو هالزعران ..
يتقتالو ..
و بنادقهم بدل ما تطخ العدو يلي بتربص بيهم ورا الباب ..!!
صارت بنادقهم تتوجه صوب قلوب بعضهن
والحمساوي صار يتربص قتل الفتحاوي ليقتلو ..
وصارت فتح تذبح كل من يدعون بانهم حماس..!!و كل كلمة ليها الف معني و حساب ..



و صارو نسوان الحارة يبكوو ..
مسا و صباح ..!!

//



هلأ نسينا الدين و الوطن و القضية و همونا و دمنا ..
و صار اكبر همنا ..
شو نسيتوا شو همنا و لشو موجودين ؟؟!!
ولا العدو خلص لتبدأ ..
تصفاية الحسابات ..
قولولي ..
كيف الله بدو ينصركم علي العدو ..
اذا صرنا نحنا في بعض اولاد حرام ..!!


ما تعلم يا حمساوي..!!
ما تعلم يا فتحاوي ..!!
انوا لمن بموت اخوك و صاحبك و حبيبكـ ..
انوا انتا ..
قتلت امك في اليوم آلاف المرات ..!!

//


نسيتو ..!!
نسيتو انوا بالحارة نساء و كهول و اطفال .. !!
تعو شوفوا عمايلكم شو عملت فينا ..
صرنا نشتري بدمنا ..
كل شيئ ..
حتي صرنا نشتري الهواء ..


ما بزعل لمن ازعر يقتلو العدو الحقيقي ..!!
لكن بطق لمن اخ يقتل اخوه ..
زكرتوني ..!!
بقابيل و هابيل ..
فعلن التاريخ بعيد نفسه و لف الزمان و دار ..
//

صدقوني ..
بكتب و انا متوجع مكسور القلب و الخاطر ..!!
و ما بكتب ..
الا لأن الشيئ عن حدو زاد ..!!



بكفي ولدنه و لعب صغار ..!!
فوق انتا وياه يا زعران فتح و زعران حماس ..

فوق انتا و ياه التاريخ ما بنسي و لا برحم ..
كمان ..
شو رح تقولو بكرة لولادكم ؟؟!!!!.. و جيل بكرة ..؟؟!!
رح تخجلوا من نفسكم ..
تصيرو تلبس طرح و عبايات ..
مش انتوا و بس ..!!
كل من شارك في هاللعبة من القباضيات ..!!




آسف .. بس الاشي زاد عن حده .. و وضعنا صار ببكي كل اشي جماد فما بالك الانسان اللي بحمل قلب ؟؟ّّّ!!! طرحت الموضوع لان طريقته اعجبتني .. و لعل و عسى الغل اللي صار ركام بقلوبنا ضد بعضنا يتلاشى و نرجع تاني نتذكر احنا لشو موجودين .. رفع رية الاسلام أولا .. و تحرير وطنا المسلوب .. و نلبي صوت نداء أقصانا الحزين ..

مع العلم أني فتحاوي ولكني لا أنكر أن فتح فيها المفسد والخائن ولا أحد أيضا يستطيع أن ينكر أن حماس فيها المفسد والخائن
فلنتحد سويا لمحاربة الخونة والمفسدين من جميع التنظيمات

نقبلوا كامل احترامي