|(•̪●)| ليــــــــش ::|:: فـــش ::|:: بديــــــش |(•̪●)|

[نور اليقين]

(•̪●) صباحكم مساؤكم فــــل و ياسميـــن (•̪●)

(•̪●)





أحبتـي أعضاء و عضــــوات منتدى شباب فلسطيــــن

أحلامنا هي عالم من الظلام

نلونه بألوان من الأمل

كتيرة هي الأحلام

كتيرة هي الوان الحياة

داكن هو عالم الظلام

(•̪●)

مليئ بالمعيقات

(•̪●)

جدار من الخمول

جدار من العجز

آخــر من الفقر

و غيره من الاضطهاد

(•̪●)

ما اكترها من جدران

لكل صاحبه ولكل حلم يمنعه

فتكتــــر التساؤلات

(•̪●) ليــــش (•̪●)

ليش يا دنيا


ليش يا دنيا ديماً بتخلي العين تبكي

ليش بتقهرينا ليش تخلينا نبكي

بتذلينا ما بتخلينا نحكي

بالحب بتكسرينا و بالظلم بتحنينا

بتخلي الآه بالقلب صرخة تدوي بليالينا

بتغربينا و تبعدينا عن حبايبنا

أقسى الكلام بتسمعينا

و على الخوف بتنيمينا

و على التعب بتصحينا

بتعذبينا و تعذبي أهالينا

مننطر كلمة حب تحينا

و أنت بظلمك بتئذلينا

منحلم منتخيل منتمنى الأحلام تنسينا

ما في أمل ما في شي يرضينا

ليش يا دنيا تقهرينا

بالفرح و بالراحة بتوعدينا

و أنت كل يوم بتخذلينا

منتمنى الموت يمكن يريحنا

و حتى الموت مو عم تعطينا

شو نعمل و الحيلة مو بإيدينا

إذا سكتنا بتزيدي الألم فينا

و إذا حكينا بتلومينا

و على الجمر بترمينا

آه يا دنيا .... آه شو عملتي فينا

(•̪●)

(•̪●) فـــــــش (•̪●)


فش امانة بالقلوب في زماننا الا و بتحتضر ..!

فش محبة ومودة الا وبتنداس بأقدام البشر .. !

فش صداقة الا و ذبلت ومن الفتن بتصرخ لا مفر .. !

فش تفاؤل فش فرح الاو عمرو تواني بيبقى و ما بيدوم

فش عيون الا و بالخوف جمرة صارت بترتعش

فش مشاعر الا و بالظلم اتجمدت

فش ابتسامة نبتسمها الا و وراها دموع

فش دمعة من دموعنا الاو تطفي شمعة من الشموع

(•̪●)

(•̪●) بديــــش (•̪●)

بديش أعيش مقهورة

و عـاـلهم و الغم اقضي يومي مجبورة

تعبت حياتي مليت أيامي و غير الحزن ما لقيت امامي

احسك يا دنيا تعاديني

كل ما جيت أفرح

سرقتي الفرحة من عيني

احاول انسجم معك

و بقساوتك تصديني

بديش اعيشك بلعنتك

ظلمتك ظالمة ما عاد فيني استحملك

ارحميني و ارحمي غيري ما عاد فينا نستحملك

ما عاد فينا


(•̪●) أنا هنا فضفضت (•̪●)

(•̪●) أنا هنا اعترفت (•̪●)




أفضيت ما في قلبي و أرحت نفسي

و الآن

جاء دوركم

تفعلو متلـــــي

(•̪●)

( الموضوع تعويــض عن فضفضة و اعترافات يومية ’ لكنه بقوانين جديدة , فالرجاء احترامها )






(•̪●) فش (•̪●)

(•̪●)

(•̪●) بديش (•̪●)

(•̪●)

(•̪●) ليش (•̪●)




.