رحلة سيد الظلام في طلب العلم :) الكل يتفضل :)

[سيد الظلام]

السلام عليكم

كيف احوال الجميع وكيف احوال المشرفين الجداد انا عارف اني نكدت عليهم بجيتي

اوعا حد يصدق انا عارف انه المنتدى كان ناقصه شغل قلق

بس هلقيت حبيت اخبر الجميع شو سبب التأخير والغياب الشديدين وهي الهجرة من غرفتي لغرفة تبعد

عن جهاز الكمبيوتر 7 امتارر اي مسيرة 3 ثواني بلياليهن

وبحكم اني ما بستحمل ابتعد عن الكمبيوتر



قرروا اهلي انهم يفصلوني بعمليه ديمقراطية عن الكمبيوتر

وهذا جعلني اقعد نادرا جدا جدا عالكمبيوتر بحكم انهم بدهم واحد بش مهندس



انا قررت اني اعمل جواز سفر واسافر للغرفة الثانية

اول المطاليب جواز سفر بس لحظة مو بس ليا كمان لرفيق دربي عنترة



وكانت المسافة طوووووووووويلة بحكم انه الجهاز حبيب قلبي

شعرت انه الثلاث ثواني صاروا 3000000 ثانية :(




وللدارس الناجح امثال سيد الظلام لازم يكون جدول قلق عشان ينجح في حياته الزوجية .........اقصد الدراسية :) قررت انا وصاحبي ورفيق دربي عنترة انه نعمل جدول بحيث يكون قلق



بعد هيك بدا الجد

كان المقرر كبير بل وضخم ايضا بحكم اني ما فتحته من اول ما انطبع :)



بدات الدراسة والعمل والجد والاجتهاد وبدا الصداع يحوم حولي كالنجوم في وسط النهار



كانت الدراسة صعبة وبعدها اتخذت قرار لا رجعت فيه



يحرق الكتب واللي كتب الكتب ولا يعلى على شباب فلسطين وعمل قلق معاهم باحلى منتديات

وان شاء الله ما اكون عملت مشاكل بغيابي



وحيوا معا سيد الظلام بحكم انه وحشكم

ولا ما وحشتكمش خلينا اعمل طوشة مع الجميع