هدية للاعضاء ..محاضرة من محاضرات سيد الظلام بالجامعة .. صور من محاضرتي

[سيد الظلام]

السلام عليكم

اليوم اخواني اول مرة اقعد بالجامعة للساعة 3 المهم وانا قاعد بكتب لقيت حالي منهوك وقاعد باخر بنك في

القاعة مع اني جيت اول واحد بس ما بحب المقدمة نظرا لانه الدكتور بكون وجهوا بوجهي وانا بحب العب بالمحاضرة

وهذا الشيء ما برضي الدكتور

المهم وانا قاعد بكتب مع الدكتور وقاعد على الطابق الرابع من المبني اللي بدرس فيه وجنبي احلى هوا وشباك

مسكت الجوال طقيت كام صورة

بالبداية كنت نشيط وبكتب مع الدكتور وكل شيء تمام التماااااااااااااااام



المهم الدكتور منهوك بحط بالمحاضرة وصوته دوبه واصل والمسافة بينا وبينه مسيرة 3 ايام بصباحهن وليليهن

وانا قاعد ومجموعة من الشباب في المحاضرة وبنشغل اناشيد والعاب وبنرسل وبنسقبل مكالمات ورسائل



اول صورة كانت للجامعة اللي جنبنا وهي الازهر







المهم ما وقف الامر اني اصور والعب وارسل رسائل

رسمت رسمة فنية من العيار التقيل للمادة وكيف احاربها واخلصها

الرسم مش عاطل ولا هو سيء يعني نص نص :)







المهم خلصوا ستين دقيقة من محاضرتي وكان لسا ضايل عليا محاضرة ادبية مملة

الصراحة اول مرة اجي احضرها من بداية السنة الجامعية كلها

لاني كنت مشغول بدورات كمبيوتر وصيانة وتقلق

المهم بالخطأ دخلت قاعة تانية غير قاعتي المطلوبة اول ما دخلت

فوجئت قدامي شيوخ اقل واحد عمره 35 سنة

بيني وبينهم 15 سنة يعني

والواحد ما شاء الله ذقنه واصلة البنك

وانا كل علمي انها قاعتي

ضليت قاعد فجاة واحد من الاخوة بسألني انت عارف مادة شو هذه

اجبت بكل براءة هذه محاضرة تكنولوجيا مجتمع

قال لي لا هذه محاضرة حديث شريف 3 وفقط الطلبة متخصصي اصول الدين موجودين

انا الصراحة خجلت اقوم مرة تانية وفتحت الدفتر وقعدت اعمل اني بقرا قدام الدكتور :)

لانه الصراحة الدكتور ماله حد يطلع فيه الا انا

شكله عشان اول مرة يشوفني قال هذا يمكن ولد تايه


وتوتة توتة خلصت الحدوتة :)

مغامرات ما بتخلص :)