البنات .. لما يـيـجـو يدرسو ,, شو بيعملو ؟؟؟!!!!

[البيساني]

لما يكون عالبنت دراسة .. ومش حابة تدرس ..

1- بتنفتح نفسها عالأكل ,, أول القاعدات على الثلاث وجبات .. وممكن تعمل سناكس Snack بيناتهم .. ازا كانت المادة دسمة ..
2- بتعمل حالها تعبانة .. ومرهقة المسكينة من كتر الدراسة .. وبتحكي والله شكله واحد ضاربني عين .. أو عاملي عمل ( عين الله حولها )
3- بنزل عليها وسواس نظافة .. كل ساعة بتروح تضربلها دش .. وبتسشور شعرها .. وبتتمكيج .. طبعا لازم تستعد من الليل عشان الجامعة .. شو يعني .. لازم تروح مرتبة عالجامعه .. لأنه الله جميل وبحب الجماااال
4- بنزل عليها واجب صلة الرحم .. فجأة !!!! بتروح بتحكي مع صاحباتها كلهم .. ومع قرايبها فردا فردا .. عشان تنال الأجر والثواب العظيم طبعا ..
5- بتنزل عليها الشهامة فجاة .. !! بتنزل تعمل لأهلها الأعزاء سفرة طويييييييييله عريييييييضة ..أكيد عشان تريح الماما ,, الله يسعدها شو مطيعة !!
6- وفي نوع مسكين .. مافي بإيدها حيلة .. بتمسك المخدة وبتحط راسها عليها .. وبتنااااااااااام نوم هنيئا ,, ولما تصحى بتحكي : يا الله !!! ليش ما حدا صحاني ؟؟ راحت علي نومه 

شو ؟؟ عندكو طرق تانية للهرب من الدراسة ؟؟ لا تنسونا من الردود